Ada apa sabanarnya dibalik rahasia iwak wadi (iwak wadik)

menurut carita urang banjar, asal muasal iwak wadik itu ada carita kronologisnya;
siapa nang taho, cuba tolong caritakan ditread ini

nang ngaran iwak wadik itu biasanya iwak papuyu nang di jaruk, iwaknya sudah mati,diuyahi, disimpan berhari-hari bahkan berminggu2, kemudian hanyar dijual atawa dimakan, maka kanyanyamanan banar urang banjar mamakan iwak haruk tutih

nah sakarang nangapa garang jadi iwak wadik tutih jadi dikatujui urang

mun ada diantara dingsanak nang taho carita ini tulung dibantu,
kira-kira dimalaysia gin ada juha luku iwak wadik tutih?

takunakan am lawan nang tutuha...!

Salam Didin ai;

Aku di Kuwait gen ada tajumpa iwak sapat wadik...ulahan bubuhan siam/thailand...sabotol KWD 350 fulus ( Ringgit Malaysia 4.20 sen haja kurang labih Rupiah 12,000 sabotol )..... nyaman haja di sanga... cuman mandai tiwadak haja aku balum tatamu di banua sini...

Di Banua amun ba olah iwak wadik ba samu' awan baras ba sanga wan ba tutuk lah Didin?

Banyak iwak nang hingkat di olah wadik Didin'ai, ikan sapat, haruan, pupuyu, nang nyata nya ikan darat jar orang! ikan sawah, bandang, parit, sungai, tasik, tapi ikan laut kada nyaman di olah wadik..

sejarahnya iwak wadi'
baca caritanya nah :
" arkian habarnya tumatan bahari , nang ngaran urang banjar terkenal merantau sampai ka arab saudi, banyak urang banjar nang alim, sampai manjadi imam di masjidil haram, tutih pang hebatnya urang banjar, memang pada setiap musim haji, bajurut nusia datang ka makkah, mamanuhi panggilan nabi Iberahim, tiada katinggalan juha nang bangaran H.Wadi' tutih satiap tahun balabuh ka makkah, tumataan Kalua hidin batulak bakapal, akhirnya sampai juha katanah haramain, makkah madinah, konon kabarnya H.wadi' tutih naik haji nang ka 40 kalinya hudah, umur sasain tuha, awak sasain lamah, atas kahandak Allah nang kuasa, maninggal juha H.wadi' di Makkah,
akhirnya sampai juha habar hidin kakampung bahwa hidin talah tiada, berselang babarapa tahun kamudian, makam H. wadi' tutih digali kambali oleh urang arab. memang sudah manjadi kabiasaan disana, makam nang sudah bertahun-tahun akan selalu digali dan dicari sesuatu nang ajaib,. katika itu, samua mayat nang dikubur beberapa tahun nang lalu , kembali digali dan digali, dari sakian ribu mayit nang dikubur, didapati hanya satu nang kada hancur, "masyaAllah, Subhanallah", jar urang arab, kamudian dicarilah identity sang mayit tersebut. didapati dikantung baju hidin nang masih utuh, salambar KTP dgn nama : H. Wadi' asal Kalua, Kalimantan Selatan, Indonesia, katika itu gemparlah seluruh negri arab , didapati ada sang mayit nang puluhan tahun masih utuh kada sing hancuran, setelah dilakukan salidik punya salidik, nangapa gerangan amalan si mayit itu, hingga jasadnya kada sing hancuran, ternyata didapati fakta bahwa beliau urang Kalua, Kalimantan Selatan nang gawian hidin saumur hidupnya tiada lain dan tiada bukan bausaha IWAK WADIK itulah asalnya kanapa jadi iwak wadi' tuti dikatujui urang,.......he he he

jadi kasimpulannya, oleh sebab karena selama hidup maulah iwak wadi' bakulai uyah garam , akhirnya awak tutih gin jadi wadi' juha



@Kak Rose: mun iwak jar pian tutih, ngarannya iwak PAKASAM,
mun iwak wadi' tutih dasar iwak papuyu haja nang di param sampai haruk banar, tapi nyaman dimakan

didin wrote:jadi kasimpulannya, oleh sebab karena selama hidup maulah iwak wadi' bakulai uyah garam , akhirnya awak tutih gin jadi wadi' juha



@Kak Rose: mun iwak jar pian tutih, ngarannya iwak PAKASAM,
mun iwak wadi' tutih dasar iwak papuyu haja nang di param sampai haruk banar, tapi nyaman dimakan

Ohhh!!
Dinto alih carita nya, hanyar naya kak ros mandangar awan tahu kisah wadik nginto..

Kami di Malaysia hantam samuaan iwak nang ba samu' (baras ba sanga + ba tutuk) di ngarani wadik, Didin'ai..
Amun orang banjar, iwak nang kada ba samu' di sambat pakasam...
Orang Melayu manyambat ikan ba jaruk awan wadik, pakasam jua..

Didin ai;

Amun di Sungai Petani Kedah urang sana nyambat saraba nya Pekasam kada kisah iwak papuyu, sapat atau lampam....

Amun nang di siya nang tumat Thailand tu nang iwak papuyu gen ada, lampam gen ada, sapat gen ada... ada tulisan Thailand, tulisan melayu gen ada..."PEKASAM" sabotol 350 fulus...

yg ulon tahuk sebaharian

wadik to iwak ayaq tawar kayak sepat puyu dll yg diperam ngan beras besanga ngan uyah!!!!itu yg bujur wadik

yg laen laen ikan masin/pekasam/dll kadaknya wadik!!!

asalnyak dari orang banjar baharik yg meolah cara menyimpanik iwak!!!kadak terait ngan haji wadi kot


~Atong~pehatian wadik

Haji wadik memang kada ta rait awan carita kita di Malaysia nia!!!!

Sebab...

Itu kisah carita orang banua di Banjarmasin bahari..
Kita di sini mana lah tahu carita2 bahari kayaitu..

Asal nya wadik ba uyah haja luko bahari..
Imbah tu hanyar ada nang ma akali di buati baras ba sanga' jadi ta arum jua saikit..
Kita di Malaysia pakai hantam samuaan ikan ba samu' di ngarani wadik..
Lain tampat lain pengertian nya tentang wadik..

Ngini pang ulahan urang banjar kah?, nbanyak bajualan di sakitar Kuala Kurau Pk.

AM wrote:

Ngini pang ulahan urang banjar kah?, nbanyak bajualan di sakitar Kuala Kurau Pk.

Nia ikan ba garih ujar banjar nya AM'ai..
Ikan nang ganal2 di di garih2 di karingakan..
Amun nang halui2 tu ikan karing haja luko ngaran nya..

Abah kak ros katuju bangat manukar ikan garih duri, sadap di gangan awan pisang anum atau tungkul pisang..
Bahari ada ikan garih haruan, lagi sadap di masaki kayaitu..

haliling di ga-ngan awan susupan
ikan garih haruan babanam
dicacap ka sambal balacan
sapat garinting..masak lamak cili api
di-andaki balimbing tunjuk
garih kali..masak lamak kuning
wadi sapat di randang ..diandaki bawang awan cabai rawat
baras hanyar...
nasi tangah hangat
mau kada handak baranti makan
kasadapan

Bahhh!! aleh Hasbima..
Mangacari liur orang haja, Di T'ganu nia kada tatamuk ikan garih haruan, sapat ba garinting awan sagala wadi!!
Amun ikan laut ba garih banyakai..

masakan banjar ni saja sadap...
untung urang babini banjar
taga amun kada bisa bamasak.....banjar
di lajari---di ajari....
jangan jadi urang bahari
di minta uyah-di ambil kupiah
diminta tapih - diambil panapis nior
di minta rinjing ---hahulingang kada paham
napang dapat manantu urang malayu
bukah kabilik handak batakun ka-laki...napa laki anak banjar yak am

bang apa dia rinjing ? ujar nang bini
mak.. kata suruh Mah telanjang depan abang --ujar Alui
imbaham...bagudaran..kada jadi bamasak...mangani-e mantuha
napang aur karami-an...manangkapi haruan..aur handak malacung haja
ka-dalam la-lupakan nang licak

hasbima wrote:masakan banjar ni saja sadap...
untung urang babini banjar
taga amun kada bisa bamasak.....banjar
di lajari---di ajari....
jangan jadi urang bahari
di minta uyah-di ambil kupiah
diminta tapih - diambil panapis nior
di minta rinjing ---hahulingang kada paham
napang dapat manantu urang malayu
bukah kabilik handak batakun ka-laki...napa laki anak banjar yak am

bang apa dia rinjing ? ujar nang bini
mak.. kata suruh Mah telanjang depan abang --ujar Alui
imbaham...bagudaran..kada jadi bamasak...mangani-e mantuha
napang aur karami-an...manangkapi haruan..aur handak malacung haja
ka-dalam la-lupakan nang licak

Harat nya kisah di ikam.

hasbima wrote:masakan banjar ni saja sadap...
untung urang babini banjar
taga amun kada bisa bamasak.....banjar
di lajari---di ajari....
jangan jadi urang bahari
di minta uyah-di ambil kupiah
diminta tapih - diambil panapis nior
di minta rinjing ---hahulingang kada paham
napang dapat manantu urang malayu
bukah kabilik handak batakun ka-laki...napa laki anak banjar yak am

bang apa dia rinjing ? ujar nang bini
mak.. kata suruh Mah telanjang depan abang --ujar Alui
imbaham...bagudaran..kada jadi bamasak...mangani-e mantuha
napang aur karami-an...manangkapi haruan..aur handak malacung haja
ka-dalam la-lupakan nang licak

Amun kak ros jadi mintuha, ca kada rigik mamasakkan he..

Babini atau balaki awan urang bukan banjar ni rami
mun handak sarik
di mamai-e
di garunumu-i cakap banjar
cakada inya faham
taga mun hudah lawas jangan...cari fasal
ianya faham...walaupun kada hingkat bapandir
jangan sambarangan manyambat ' bunggol '
luko di jawap nya " abe tu yang bunggol "
habang talingga......
kina mun di suruh ambil rinjing
apa talingga kita di injin nya
mun di suruh ambil tapih
badahulu pun ianya meluruti tapih
kada...kabanyuan kita

dengaq to!!!

itulah rahasia disebalik iwak wadik!!!


~Atong~ngeh ngeh ngeh

musim hujan ni..iwak wadik laku
makan awan pulu, cacap awan hubi rebus
awan hubi layap gin sadap
mun dipacahkan 2 bigi hintalu.....randang sakali awan wadik nnang dihancurkan
jadi iakan budu jar kelantan
mun banjar...hintaluk wadik...

Semalam...ahad cuti pa...

Ako masak nasi pulot...ulah sambal bilis...randang wadi bakambuh bawang ganal/cabai karing...dadar hintalo...

nyaman makan...hanyar kaito liur banjar...
lawas banar kada makan sadap kaito...he...he...

saja banaran UY
liur banjar rasuk banar awan resepi banjar

Amun kak ros nia, handak marasa nang rasuk awan liur banjar kana bulik kampung pang! Di kampung saraba nya ada, amun kuitan nang mamasaki lagi nya sadap, ba tambah2 makan! hanyar marasa kanyang..
Sa rajin tu makan kanyangai tapi kada puas kayak di kampung jua! Lauk pucuk hubi gin rame' ba rabut2 makan, lagiam amun ada mandai awan wadi! kada ma ingat manapal ka muntung he..

iwak wadi - hagan lauk makan nasi
banyu wadik - hagan mamancuk

Kami Kak Ros ai, uma abah dah maninggal, jadi rumah kaka yang panuhanya di Keratong tupang jadi tumpuan...
Raya haji ni kami bakumpulan di sana... wayah tu pang batagih dangan kaka macam2 masakan kaka...
mun kaka tu maulah masak lamak pucuk hubi gin kami saparanakan kanyaman makanan...randang wadi... umai nyamannya liur...

UmaYani/UY wrote:Kami Kak Ros ai, uma abah dah maninggal, jadi rumah kaka yang panuhanya di Keratong tupang jadi tumpuan...
Raya haji ni kami bakumpulan di sana... wayah tu pang batagih dangan kaka macam2 masakan kaka...
mun kaka tu maulah masak lamak pucuk hubi gin kami saparanakan kanyaman makanan...randang wadi... umai nyamannya liur...

Ya'am!!
Kak ros amun Hari Raya kada hingkat ba lalah ka mana2, tukang masak pang manggini'ik umak! bilang kada ba rarangkitan di dapur haja! ading2 awan ading ipar gin kayaitu jua..
Napang kulaan bisak bangat manuju rumah, pa mulaan ba ilang ka rumah bubuhan nang lain huluk! bila wayah makan hingga nya manuju ka rumah kuitan kami he.. Bukan nya handak lauk hayam daging ari raya tapi handak lauk wadi, ta tagihan mandai, pucuk hubi, sambal tarung pipit, pucuk paku, ikan karing wan saraba nya nang orang kampung masaki..
Jadi umak kak ros lagi jauh hari hudah ba olah wadik, amun musim tiwadak ba olah mandai bilang barapa galas kah! amun bahari mandai di buat din di guri awan gadur..

Amun mamarinak nang si JB nginto lagi, bahanuk amun hidin tatamuk orang ba jualan ikan darat macam biawan, sapat siam, haruan wan nang sa waktu dengan nya! ba laluan mamborong ha' ikan tutih.. Nang di ubar lain, nang di masaki ba tanak lain ( ba sambal + santan), di goreng lain. Labihan nya intak ulahakan wadik anu umak kak ros..