Catatan Pajalanan Ka Siam Oleh Kakak D M

Jadiam hulu
Barilaan sabarataan..
Panat bagawi arinih.. handak guring'ai lagi !!

Kalikir ta guring di siam lahai

[b]


Jeng jeng jeng …...kami dah masuk ka Nagari Siam…Hp gen dah babunyi bunyi mamadahkan kami dah bukan di Malaysia lagi, DM manireng suasana kaliling…....Sadao ngaran kawasan nang hanyar haja DM lalui....



45 minit perjalanan..... bas bamandak di Bandar Hadyai…..



waw awan Busu Acil masuk ka dalam satisin bas, napakah diulah dalam tu kada taho jua. Dalam 15 minit dipa kaluar dari satisin tu, kami mula bajalan mancari’e kadai handak basarapan pagi. Tahaga kadai makan Pakistan…Ruti hintalo sahimpil saurang, awan nginuman sacawan saurang. Sahimpil ruti hintalo harga 20 baht, nginuman sacawan 15 baht…....”hmmm quite expensive.. but.. it’s ok..as long as not 200 baht each..it’is ok” situsaini hati DM basurah urang putih pulang, tagal dipa kada taho sabab DM basurah tu dalam hati hehe…

Parut dah hibak…waw mambawai kami cek in Hutil Grand Plaza…sabalum masuk kabilik situsaini waw bapasan…dalam masa 30 minit kita kaluar pulang. Kuang kuang kuang….fohhhh bilik ni kira ok tuuu…biliknya kira ganal la jugak …mun hagan 2 ikung…satakat kuch kuch hotaheiii kira kadada masalah la. Barabah stumat….best nyerrr kawa maluruskan awak. Cisssss situsaini taingat pasan waw…”dalam 30 minit kana kaluar”…kami gen bukahan ka bilik air, mandi banyu hangat, foohhh ada jakuzi lagi…kada magan balawas-lawas. Babaya siap babingking.... talipon gen babunyi…”dah siap kah?? Kami dah mahadangi”. Kami kaluar bilik, waw dan busu Acil dah mahadangi.

kakaDM
HARI PARTAMA DI SONGKLA...

Kami baampat turun ka lubi hutil baumbaian, imbah maandak kunci hutil di kaunter, kami kaluar hutil. Diluar dah mahadangi sabuah van, daribalnya bangaran Mr Chem Madvichid.... hidin ngini urang Islam, halam balajar di sakulah punduk di Patani, jer nya halam inya ni kira macal jua la…...uma mambari’e duit hagan balajar di balanjakan ka lain jer hehhehehe. Achem ni jer waw ,halam kada bisa langsung basurah malayo…...tagal hidin naya katuju balajar…..tuan gurunya ialah waw…...waw ni pulang marangkap bakal minanto Achem …..tu nang akrab banar dipa ni tukohnya ehm ehm (shhhttt jangan cakap dengan waw).



Destinasi kami yang utama ialah mancari masigit-masigit nang mamarlukan ka’wangan dan pabalanjaan samaada handak mambaiki ataupun handak tambah fasiliti, nginto lah tujuan Busu Achil handak tulak ka Siam. Jer hidin handak manunaikan amanah kakanya nang hudah maninggal dunia.. ..DM mandangar Busu Acil bapadah jer “handak manunaikan amanah kaka, halam dah tulak ka Kalantan, Indonesia dan ka Siam, tagal kada habis lagi duit kakanya ni, antah hari ni entah isuk tiba-tiba pajah kayaapa handak manunaikan amanah”. Tagatuk hati DM…...alangkah mulianya hati Busu Achil, awak kada tapi sigar taga tatap handak manunaikan amanah.

[b]Achem ditugaskan manganalpasti masigit (hidin ni pambawa van marangkap pamandu palancong), dalam parjalanan mancari masigit Achem bamandak di sabuah kampong..... masa tu dalam pukul 10.45 pagi,malihati sabuah rumah rahat dibangunkan dari batu blok yang buat dari tanah habang.



Tanah habang ni talabih dahulu diulah kaya “batu blok” imbah tu disusun kaya maulah rumah batu.



Saja paruna ulahan nya…..imbah disusun batu blok tu…digosok pulang sampai licin..akhir sakali disapu awan miyak khas. Bila DM babuat karumah tu…..saja dingin dan nyaman.



DM babisik awan hubby “ Mun ayang ulahakan rumah kiyaini hagan kita saparanakan…alangkah indahnya”.

Kaka DM, rumah yang ada kada mayu kah, maka handak rumah hanyar,.?

Parjalanan ditaroskan lagi ,kami sampai ka kampung Ban Haan,



Kami manuju karumah orang nang mauruskan masigit kampong tu…...Masigit Kok Yang









Pahadangan Busu Achil baurusan awan tuan rumah, kami jalan jalan di dalam kabun ulam “Cha’om”.....



DM mamutik saikit pucuk Cha’om, taros ha manyulum kadalam muntung “hmm..not bad…so delicious” jar hati DM. Satumat lagi bini tuan rumah kaluar mawa sakampil buah manggis hagan dimakan dijalan kina, imbah tu sidin mangutip pucuk Cha’om hagan buah tangan”.



Busu mainta batang Cha’om hagan ditanam bulik karumah kaina. [b]

Sabalum ka masigit ka 2, kami dibawa Achem bailing karumahnya. Umanya Achem dikde dirumah.



Achem manghidangkan kami Teh Ais…nyamannya rakungan managok. Achem mamadahkan hidin ada 4 anak, saikung dah kawin dan baanakan.



Nang lalaki hanyar haja habis balajar, ada gambar anaknya manarima Ijajah, anak lalakinya ngini dan batunang jer, waw diantara ahli rumbungan maminang.



Anak babini nang saikung lagi tu di simpan hagan waw hehhehehe…tagal waw balum mambuat kaputusan lagi jer keh keh keh (jangan mare aaaa waw).(Isteri achem awan anak nya)



Anak pabungsunya pulang rahat balajar sakulah agama di Nagari Kadah. Rame bakanalan awan Achem yang sangat tinggi budi pakartinya.

Perjalanan ditarosakan.....ka kampong Nong Buah...mailange masigit An Nurr…









Kalihatan kapala-kapala paip hanyar dipasang di bahagian kiwa masigit, kagunaan hagan maambil air Sumbahyang, tagal bahagian lantainya magun ha rumput, cadangan nya handak disimen.



Di bahagian hadap Masigit dah ditambak awan tanah, jer handak mangganalakan lagi masigit nginto.



Dah 2 masigit Busu Achil ba akad.





Kini kami manuju ka Thaksin University di wilayah Songkla, hajat hati handak malawat Muzium Universiti disitu”.Dalam perjalanan kami bamandak satumat di Masigit Jame' Songkla.

Waw ... Terima kasih dengan kisah bergambar yg seronok sekali dibaca & dilihat.
Kisah kisah macam ni yg buatkan teringin sangat ke SIAM tu ...

" jauh perjalanan luas pemandangan "

Kami mamulakan masuk ke dalam muzium yang berbentuk rumah rumah.



Ada 14 rumah kalau tak silap . Dari satu rumah ka satu rumah kami gelagai.



Rame manireng babagai Janis duit lawas tamasuk duit Malaysia.





babagai bantuk parudan bahari…



Janis-janis batu parmata, tongkat barbagai ukiran, karis wan parang dari jaman bahari lagi, wayang kulit babagai watak, pinggan mangkok dan lain lain. Kami sangat bapuas hati dalam sesi lawatan kali ini. Sabalum manalahakan lawatan ini sawat kami singgah nginum dikawasan muzium ngini. Tarima kasih waw yang sanggup mairingi kami sapanjang lawatan ini

Dalam pukul 2.30 patang hanyar habis lawatan.


[b]

Salapas maninggalakan Universiti Thaksin kami ka Masigit Khau Deng, Songkla, malalui jambatan .






Busu Acil handak mawakafkan duit kakaknya lagi disitu.





Parjalanan ditaruskan lagi, Kada lawas salapas itu waw turun dari van .....manukar tiket feri, kami handak manyubarang laut manuju pantai Shamila pulang, parut dah galurukan.










[i]

Kami mamilih kadai makan Islam yang ada ayat suci Al Quran dan ada nama Allah dan Muhammad…biar bujur bujur konfiden mambantas kaina. DM mamasan 4 himpil hundang ganal, RM15 saikung…RM60 hagan 4 ikung…




waw mamasan karabu batik/som tam, tum yam campur, Busu Achil mamasan Ikan masam manis, hubby mamasan kerabu mangga campur daging. Sabalum makanan sampai, 4 bigi kalapa pandan anom yang sangat manis dan arom sampai di atas mija.





Napa lagi masing-masing makan sampai kada sawat bahinak lagi dah…dah la lapaar, panas/ron pulang tuh, napa lagi dihadang…kita minummm duluuuuu.
[i]

Babaya karabu mangga sampai…Busu Acil gen mamanjangkan tangan mangilau karabu tu, cara Busu Acil mangilau tuh ulah DM gen asa manciar…apalagi DM gen umpat mangilau, imbah tu hubby gen umpat jua mangilau…napangada…dah nak lingis hanyar lauk lain wan nasi sampai, napa lagi kami gen makan bahimat. Ummai saja nyaman…DM dah makan di marata tampat di Malaysia kada sanyaman masakan di Siam ngini. Kami makan sampai lingis, yang kada habis kami kilau, tagal hundang nang sahimpil lagi dah kada kawa managuk lagi, lalu DM bawa bulik ka hutil cagar dikilau.



Parut dah kanyang, masing-masing bajalan inda lamah lambut mambawa parut nang hibak. Kami dibawa pulang ka pantai Shamila.







Waw, Achem, Busu dudukan makan ais krim dibawah puhun di pinggir pantai, DM wan hubby bajalan jalan manyusur pantai sambil bagambar kanangan.



Sawat jua batutukar candrahati wan buah buahan. Sabalum bulik waw tolong manukarakan ais krim, ais krim tu DM makan bahupan wan hubby, dah talalu kanyang napa.






[b]

Dalam pukul 5.15 patang kami sampai di kawasan hutil kami, sawat batutukar tudung hagan dibawa bulik, waw awan Busu gen ambil kasampatan batutukar hagan isteri tarsayang yang ditinggalakan.





Sabalum masuk ka bilik hutil waw awan Busu mampalawa kami tulak batimung malam kaina, hubby kulir handak tulak, dah uyoh jer.

Imbah mandi basisigar, kami gen barihat maluruskan awak…ummaiiiii nyanyaman nyaaa aiiii dapat barihat, dingin pulang tuh. Kami taguringan, tabangun dalam pulul 9.30malam. Imbah Solat Jamak kami turun makan malam. Ramai haja babinian nang kawa basurah Kalantan bajual makanan.







DM mamilih makan nasi awan daging goring, nyaman…sabab DM katuju rasanya nang sangat padas.



Hubby mamilih makan pulut durian. Dah kanyang kami batutukar pulang di sakitar kawasan hutil banyak haja urang bajualan.



Parak pukul 12.00 malam hanyar kami bulik kahutil, handak manyambung guring. 19 hb Julai 2008 gen barlalu awan kanangan manis yang indah.



[i]