Pandiran urangbahari (mangganang kisah bahari)

Tahun 60-an ulum baumur 12 tahun, masa tu di kampung kada ada paip air, kada ada elektrik - nang ada talaga dalamnya mandua meter, api gasan mamandiran lampu minyak tanah (palita), amun nang sugih sadikit mamakai lampu 'gesoline'.

Amun mamakai lampu palita basumbu tali guni, isuk papagian kana mangurik hidung dahulu sabalum mandi di talaga, sabab banyak jalaga (arang dari asap lampu minyak tanah) amun ka sakolah basangu duit 15 sen dah cukup wayahini RM10 kasadasawat sahari sudah habis.

Jalan waktu itu amun kada kulit karang atawa yang labih baik sikit tanah merah. Amun musim hujan bulan sapuluh hingga bulan dua balas, mirah pang baju kana tanah mirah sabab biskar (basikal) kada basayap...

Amun imbah sakolah, kada ada pakarjaan lain bain licak pinggir rumah, bakubang di parit, sampai bau lanyau kulit basisik. waktu itu mana ada sabun, bakaki ayam pang..

Itu sabahagian pandiran ulun mangganang kisah-kisah bahari, kadang-kadang baganangan banyu mata. urang anum wayahini hidup lahir lampung satarang-tarangnya tapi...

urangbahari - suka maingati

Tahun 60'an ulun kadada lagik.
Tagal taganang juak kisah baharik.
Ulun baharik tulak sakulah naik bas mara tambang sakupang tulak bulik.
Kasut sakolah santiasa barasih sabab mamakai kasut gatah.
Tulak sakolah kadada balanja,mambawa sanguk.Jar orang tuhak disakolah ada orang malapas racun/santau jadi kadak wanik babalanja dikantin.
Bulik sakolah bajalan batis jimat duit lima sen.Amun ta awal bajalan batis juak sakolah jimat lagi lima sen.
Yang rame nyak bila hudah ada baduit sambil bulik sakolah singgah di kadai a ap manukar susu dalam plastik baharga 15 sen sadap dikunyut sambil bajalan.Amun kadak gin manukar ais kapal.
Rumah kadada balisterik lagik.Mandik awan minum banyuk sumur.Amun karoh dibuatik tawas.
Yang ramiknyak bakubang diparit sampai kacut kulit.
Hudah darajah ampat kasakolah babasikal,lagik ramik bajurut papagian bulik gin bajurut juak.
Hudah taganal tulak sakolah magun nai babasikal jimat duit balanjak.
Amun hudah banyak baduit tulak kapakan mahantus mee mastan amun kadak tapik baduit mahantos mee sempit hajak.
Musim batanam banih manjurak hampalan bamban dijual kakadai arwah Haji Osman.Amun musim mangarat mangambu banih ditunggallakan sampai sagunik kawa dijual kakadai Haji Aas atau kaparit dua kakadai utoh kanong. Musim mangaring banyuk bagagau ataw manimba parit bajual ikan. Ma unjun walut.
Kakanak wayahinik kadak kawa marasaik pangalaman kaya itu.

Kaganangan jua bahari kalam. Aku ka sakulah bajalan batis... bulek gen bajalan batis... bajalan batis di kabun nyior kada di higa jalan

Ka sakulah basangu 20 sen ja... kawa manukar wadai awan banyu

20 kawa manukar wadai sahempel awan banyu sirap

maaf jer la

ulon menandar thread nei ke topik yang patut inya diandak



~Atong~ulon cuma menjalankan tugas

walloh wrote:Tahun 60'an ulun kadada lagik.
Tagal taganang juak kisah baharik.
Ulun baharik tulak sakulah naik bas mara tambang sakupang tulak bulik.
Kasut sakolah santiasa barasih sabab mamakai kasut gatah.
Tulak sakolah kadada balanja,mambawa sanguk.Jar orang tuhak disakolah ada orang malapas racun/santau jadi kadak wanik babalanja dikantin.
Bulik sakolah bajalan batis jimat duit lima sen.Amun ta awal bajalan batis juak sakolah jimat lagi lima sen.
Yang rame nyak bila hudah ada baduit sambil bulik sakolah singgah di kadai a ap manukar susu dalam plastik baharga 15 sen sadap dikunyut sambil bajalan.Amun kadak gin manukar ais kapal.
Rumah kadada balisterik lagik.Mandik awan minum banyuk sumur.Amun karoh dibuatik tawas.
Yang ramiknyak bakubang diparit sampai kacut kulit.
Hudah darajah ampat kasakolah babasikal,lagik ramik bajurut papagian bulik gin bajurut juak.
Hudah taganal tulak sakolah magun nai babasikal jimat duit balanjak.
Amun hudah banyak baduit tulak kapakan mahantus mee mastan amun kadak tapik baduit mahantos mee sempit hajak.
Musim batanam banih manjurak hampalan bamban dijual kakadai arwah Haji Osman.Amun musim mangarat mangambu banih ditunggallakan sampai sagunik kawa dijual kakadai Haji Aas atau kaparit dua kakadai utoh kanong. Musim mangaring banyuk bagagau ataw manimba parit bajual ikan. Ma unjun walut.
Kakanak wayahinik kadak kawa marasaik pangalaman kaya itu.

Bah! taungut ulun mambaca carita Walloh. Amun ada paluang babulik ka zaman kakanakan ulun angkat tangan dahulu..

Atong wrote:maaf jer la

ulon menandar thread nei ke topik yang patut inya diandak



~Atong~ulon cuma menjalankan tugas

Kaadada halangan, hak tuan tanah. Amun tasalah andak bujurakan..