Carita: Kasukaan Zaman Kakanakan

Ulun handak bakungsi carita atawa kisah zaman kakanakan atau masa halus-halus dahulu masa umur antara 8 tahun ka 12 tahun, zaman ujar urangbahari (macal) kada kataguran.

Ulun yakin, antara kulaan ni ramai kisah zaman kakanakan yang lucu, sadih (marista) pabila manganangkan samula.

Amun ulun, zaman kakanakan dahulu umur 10 tahun suka bakubang parit panjang di pinggir rumah paninian. Urang tuha malajari:

" Amun handak bisa lakas bakunyung, ambil nyiur gumpa di ikat dua bigi andak di bawah dada, batis batujah tangan dikuak macam urang bisa bakunyung "

Ulun pun carilah dua bigi nyiur gumpa tarus ulah, apa lagi ulahlah macam dipadahakan, tujah kada jalan bakuak kada mahir. Lama kalamaan badiri, dipagang nyiur gumpa tu tarus batajun sambil mata bapijim, akhirnya nyiur palampung antah ka mana, kapala tatumus ke gumpalan rumput. Asaan asa handak lamas, tiba-tiba tafikir batujah, bakuak kuat-kuat ka atas sambil tataguk banyu lumpur, parut kambang kimpis manahan banyu masuk di hidung. Akhirnya sampai ka tabing, amun kada Inalillah pang...

Itulah pangalaman zaman kakanakan. Amun urang wayahini balum tantu bisa bakunyung macam urang zaman bahari. Alhamdulillah bisa bakunyung sampai wayahini.

Amun ada kulaan nang tabaca, ayuha kita bakungsi caritanya..

aku sampai wahini kada bisa bakunyong...
padahal matan lahir dah bakubang di parit...