Sajak Hahantusan Kita

by Msj Tue Jan 19, 2010 6:27 pm

Hahantusan

Dikampong ku bahari
Napa nang kita kada tuntum
Banyu sungai, sumur amun ari kamarau
Banyu hujan di gumbang ganal
Salawasan kada bisa linggu kada
Kada payah batapis batingkat harat
Malapai rakongan kita saparuhungan
Ganal haja, gancang haja bagawe
Janak haja guring kita

Dikampong kita bahari
Napang nang kada ditagok
Hayam kampong nang nyaman
Buburak sapongan, jarat nang liar
Punai bungas hijau kapala masam
Balibis balicak baudak bulanak
Itik muring mancucur, manyudu pucirin
Nyaman haja, gahak haja hahantusan
Dimasak habang, kurma, basangging haja
Dibanam jabol bakukus nyaman ditiring
Manitik banyu liur... kacar kaingatan

Dikampong kita bahari
Napa nang kita kada sulum
Pucuk paku, pucuk hubi, pucuk maranti
Digangan lamak, dijarang dihirup tiis kuah dipiring
Tungkul pisang, di kukus di kipong cacap sambal balacan
Hampapai, batik anum dilalap ditumis bilis,
Tatamba kalaparan ading mananggis

Dikampong kita bahari...
Kita ramik haja
Kaitu pang kahidupan kita kulaan
Mangariti nang sederhana, mansyukuri napa nang ada
Alhamdulillah taganang haja sampai wahini
Kampong ku bahari

mairah98/Msj
1801101200h Sajak Hahantusan Kita 04

by **hasbima@abe** Tue Jan 19, 2010 7:45 pm

oo ada tred sajak hanyar

kina abe maandak sajak jua

tajuknya bebas luko

Sajak Hahantusan Kita

Sajak Hahantusan Kita

Re: Sajak Hahantusan Kita