MANCARI KAYU API..

Kita wahini dah sanang, bila handak ba'masak pakai kuantan karan! amun handak mamasaki lauk katik haja dapur gas...

Kaganangan bahari!!!
Tuhuk nya ba cari kayu api gasan ba masak! amun wahini kaya' itu mau haja kada ba'asap dapur kak ros! napang kada' ba'urat-urat lagi handak ba'cari kayu kaya bahari..

Kami mancari kayu bila ari kada sakolah, pagi manorehan dahulu! patang hanyar turunan mancari kayu ka torehan! maka kuitan bibini kak ros kada magan kada amun di itihi hidin di bawah *pulangan* (bawah atang) kayu tatinggal sa ikit! hara' bangat hidin.. kaluko hujan jar hidin,amun kayu basah pa ta'hingus maniup api!!

Amun mancari kayu samuaan ading2 umpatan, pahadangan kuitan mancari kayu karing yang runtuh, kami mancari jua kayu rabah gasan main o'unggatan dahulu! bila kuitan dah dapat runtuhan kayu, di situ lah port kami ma'olah operasi! kada talah sa hari sambung pulang esok..

Tugas kak ros wan ading no.2, manggayat kayu panjang yang ganal2 pakai garagaji ganal yang ada pa'ingkutan hujung ma'hujung, amun manggayat kayu kana sa'ikong ma'narik wan yang sa'ikong ma'ulur ba'gagantian.... paling mambari sarik amun hudah manggayat sampai ka tanggahan kayu,garagaji tu manggapit!! paksa di angkat sa mula ka atas, amun di gayatakan jua garagaji tu kada mau ba'garak lagi.

Kuitan manataki kayu nang halui2nya awan parang, imbah tu di susun kaya' piramid diatas tapih ba'ampar! tu tugas ading no.3 wan no.4 mambawa bulik.. kana ingkuti ba'dua makaam hujung2 ma'hujung tapih hanyar hingkat di angkat, yang hadapan sanangai dapat malihat ka tunggul wan akar2 kayu! yang balakang makaam bangkung tulang karing ta'hantuk-hantuk kayu yang di bawa tutih,nasib kada baik ta'sepak tunggul! ta'hambur kayu...

Kayu yang kami gayat tutih di andak ka ancak basikal kargo, di ikat awan baladar! di sasala' antara pangayuh awan batang basikal gin di andaki kayu jua, kak ros tukang sorong basikal tu, ading kak ros tukang tunjul di balakang.. umak kak ros manyahan kayu nang ta'ganal sikit! amun bulik kayu2 yang ta'ganal di tungkih awan kapak, di ricik di haluiyik!!! kak ros ni anak sulung jadi manungkih kayu gin bisak..

Kayu ranting2 ta'halui tarusai di masukkan ka pulangan (bawah atang), yang ganal2 atau yang kada karing di susun di barumahan dapur.. kadang2 operasi tu makan masa 2 hari hanyar imbah! sanang hati amun malihat bawah atang hibak wan kayu, di barumahan gi banyak kayu spare! amun panghujan gin kada hara' lagi..

Wahini kadada ba'atang lagi! amun handak mamanggang ikan kana di tanah, ba'tungku batu blok! tapi kulikar (tungku) bahari pagunai ada lagi, bila aruh2 tapakai haja..

Alhamdulillah,kita wahini sanang kada payah2 lagi paluh li'iran ba'cari kayu! awak hibak di tapal nyamuk, bial kada sa kira gatal nya, bangkak awak!!!
Patut nya anak2 wahini ba'syukur kada susah2 kaya' bahari handak ma'ada'akan sa suap nasi...

Main ungatan dikayuk rabah memeng ramik lek kak tagal yang kada sadapnya tungau umpat basarang tuhuk pang bagiruh bagaruk.Dihija akan gatal,digawil sakit,
Baharik amun handak mangaluarkan ntungau hangatkan minyak lala di dauh sireh imbahtu titis sakan ka tampat tungau bajajal.
Tungau suka baganak parak into teh,umai ngalihnyak.

mmg bujur kakROS ai. mun bahari patang2 kana mancari kayu api pang. mun hujan ngalih . diada ba kayu api kina kada hingkat bamasak. huhu..

Tuan waw karap kah di igut tungau,suka main dipadang tagah kadakpun parak kitarak an hayam luko.

Walloh mancari kayu apik saminggu sakalik.angkut awan basikal target dua basikal saminggu ma angkut awan mancari kayu apik. Yang ramik mancari kayuk apik nih bila ada orang handak ba arohan,sakampungan pan tulak ka kabun manabang pokok gatah tuhak hagan mamasak harik ba arohan kayinak. Hariktuh pagat oang dua tiga ekong hayam.
Baharik amun makan lauk hayam tu kayak sugih hudah yaha hinik biasa hajak makan ikan masin atau ikan bilis lagik sugih.

Kg.kami gin masih lagi ba'arian (gotong royong) kaya'itu!!

tu gin amun siapa ada pohon gatah parak rumah..

imbah ba'arian, tuan rumah yang pacang ba'pangantinan tu kana mambari makani orang2 yang umpat ba'arian tutih, lauk nya gangan lamak nangka anum ke atau gangan waloh wan campuran nya, ikan karing wan sambal tumis, tu ta'pulang pada ka ikhlasan tuan rumah..

Tapi wahini pokok gatah dah kurang, orang banyak dah mananam kalapa sawit..

Jadi amun kadada kayu yang handak di tabang jajauh hari sa balum pangantinan, ta'paksa'ai manukar kayu rejek ka kilang sawmill yang ta'parak..

umaileh kak ros, kisah kayu api gin ada. tahniah.
amun urang bandang kayu apinya handayang nyiur pang, daunnya disasap gasan mahidupkan api. amun ada pohon hampalam mati ok jua. amun handak amun handak aroh hanyar nukar kayu gatah. atau kayu sayong. wahini aroh gin makai gas.

urg wahini bisa juakah mahidupkan api makai atang.
1. cara urg kulir - pakai minyak gas. malindap, amun kada bujur susunan kayunya, sabutul gin kada mayu. amun banyak banar manuang kaluko kasalukutan pulang dapur.
2. makai gatah tiub tayar.
3. makai daun nior karing.
alat tambahan - buluh gasan meniup mangganalkan api, hingkat jua makai suar yg dah rakai. meniup api ni gin ada seninya. kada kana gaya api pajah. habu atang yg bahamburan.
mun ada yg maharagu kucing dirumah, kucing gin bisa bahira di atang.

aku paling suka umpatan manyusun kayu hagan mangaringakan...disusun ilah pamainan kakanakan wahini (kada ingat napa ngarannya) nang kayu halui2 disusun sampai tinggi jangan sampai runtuh...

Huhuhu...hudah tuha...banyak nang hudah kalumpanan...

RD yg paling kulir tu pang.. mancari kayu api. uyuh awak. awak haloi lagi dah bagawi. manyahan kayu ganal2 pulang. baratttttt.. imbah tu kina babakas bahu habang..adohhhhh...

bahok habang kadak apak RD ai jangan guluk habang babakas kalukok putih talapak batis bukah dikapongik kuwitan

tahniah!!

ari ni walloh terima pangkat lans koperal.

Tarimak kasih, kadak mangapongik pangkat, mangapongik calit juak am.
Epoh kehabisan hayam kampong yang tartinggal sipong hayam hajak

Busu acil tulak ka PD confirm leh
Walloh handak ai tulak juak tagal wayah hinik indak kamarau kaloko kahausan amon umpat juak bajajal

waw wrote:waheni sipong hayam hudah di ulah kaya satey.......

nyaman ujar......


baharik sipong di buang narai......

Batakon lah...napanya sipong tu? tongkeng hayamkah?

Heeh..sipong ninto tongking UY ai..klasik bahasa tuh...

Acik Kalikir jangan banyak banar ma unal sipong hayam kalukok muntong tuh kadak kawak baranai. Ujar urang tuhak.
Makan sipong hayam = Muntung kadak bisak diam
Makan gulu hayam = kapala tahiling amun basanding
Makam batis hayam = Lintuhut galataran jadi panakutan
Makan hati ayam = babungulan
Rasanya yang sababnarnya urang tuhak tuh yang handak anak nyak makan yang baik baik hajak luko lagipun bandanya sadikit mangalihik barabut

Bahari amun ta'dangar manggarabau haja kayu runtuh di higa rumah, amun siang lakas ha' kami manuntik!! handak mamasti'akan di mana runtuh nya, jadi hingkat di olah port operasi pulang..

Amun lambat2 kaina luko ta'dahuluk orang.. amun kulir mancari kayu, kaina kuitan ba'mamai ha' " ca' itihi ba'rumahan orang! hibak wan kayu" jar.. bukan nya hingkat mamadar2 (amun di kuantan karan "keep warm) guring, jadi paksa'ai ba'puat.. umak kak ros tu rajin bangat, bukan nya bisak bararanaiyan, sama lantih muntung wan gawiyan..

Jadi barumahan dapur kami kada' suah puang (kosong), amun di bawah atang makinan nya'ai, ba'jajal-jajal kayu hibak sampai ka atas-atas.. Jadi amun hujan sa mingguan kah, kami pagun haja ada lagi stok kayu..

Suah'ai jua ba'masak kayu ba'al, tuhuk ta'hingus maniup kada' tapi mau hidup!kulup2 api nya.. jadi amun kayu inda' ba'al di salai2 hulu ka atas kulikar (tungku), mangaring'akan..

Suah kak ros mambawak basikal hibak wan kayu manyubarang titi ampah ka rumah kami!!
Sampai intang tangahan titi tapih handak tabalului he..he..
Kak ros salamat'akan tapih dahulu dari tabalului!!
Hijak'akan basikal wan kayu2nya gugur ka parit..

jangan kalumpanan bawa kayu api...kina ngaleh handak bamasak
nak---chaghi kayu nak chaghi kayu...ta ingat carita labu-labi
mimpi cari kayu api tak jumpa harta karun..tarus jadi koboi
jar banjar mun mandi bakubui..........basah kapala
jimus barata..lagu banjar tu

kak ros...andaki lagu jimus barata boleh!!!!!!!!!!!!!!!!!