Katurunan Babi awan pokok gajus

by Msj Wed Jun 10, 2009 4:19 pm

Dicaritaakan urang jaman bahari bahijrah lah urang banjar ni dari banua paninian kasia Malaysia, Indonesia, Singapura mana haja ada urang kitani. .. kabanyakan urang kita ni suka mambuka tanah pugaan di hutan2 balantara, paya2 nang kadada lagi urang lain bagana, manabang kayu balak ganal2 awan kapak baliung haja, sabatang ada nang sampai baminggu-minggu hayar rabah..

Dihabari ada sabuah kampong nang hanyar diulah bagana lah dua laki bini tu disitu, maulah rumah tinggi batihang kayu karas, badinding paring bagapit, bahatap rumbia mahambit saurang, balantai nibung dibalah ampat balubang2 kalihatan barumahan.Bagana disitu dah batahun2 jua tapi masih kada baurang banar ada rumah lain gin jauh2 diunjut, amun bakuriak hanyar mandangar.. panat siang bausaha mamurun, manyangkul, mananam hubi, kaladi macam2 haja bahaup awan binatang pang mamakani, ada rajaki ada ai amun tidak tinggal tunggul narai hubi dibarubut babi tutih, masa tu hutan masih takuliling maka kada takira ai banyak nya binatang buas2 ni.. pariannya lah harimau, musang, tanuk laur2an haja dihiga2 rumah ilah baingunan tutih amun ari hudah malam. Antara binatang nang banyak tadi tu babi lah kaluarga nang paling banyak, ia am amun baranak bajurut jar urang bbi ni..

Amun ari malam kada wani lagi laki bini tu turun katanah pariannya, bahirak bakamih gin dari atas rumah tu pang, banyak nya babi tutih laur2 dibarumahan pariannya bahira kada sampai katanah talah ditagoknya, bakamih kada sawat basah tanah batanai muntung babi tu jar.. he3 kayapa banyaknya babi tulih, dari hari ka hari bulan ka bulan tuhuk hudah maniring babi tutih laur2 dibarumahan manungui nangapa haja dibuang, bigi tiwadak ditimbai hanyar kaluar dari lubang lantai nibung tutih dah ditungapnya babi tutih gagaruggup magunyah.. amun siang barasih kaya imbah disapui kada baratek gawean babi malam2 tu habis ditunggap sunyaan.

Satu hari saharian lakibini tu tulak kakadai cina jauh dihulu batutukar barang makanan, talihat guli putih manukar jua hidin, bulik karumah hudah sanja badadas manangar guli tutih didapur, ari hudah malam kaya sarajin dibarumahan kada takira lagi dah banyaknya babi tu, tapi malam ni macam ada lainnya ada nang ganal banar indungnya datang, bagabik mambari takutan ditiring he3... laur2 dibarumahan sigabik ganal tutih kada mambari can babi lain manunggap nang gugur.. ditimbai hubi ditungap kasukaan, ditimbai bigi tiwadak ditungap riip sadap, nyanyat hudah sigabik ganal tu heee.. didapur bigi guli nang ditanggar habang hudah.. diangkat nang laki diluruk kabarumahan napang lagi sibabi gabik indung tadi malihat ada yang maluruk gugur badadas manunggap ada la sapuloh bigi guli habang panas ditungapnya, ranai satumat marasakan he3 imbah tu inya mangarong kapanasan, asa rakai rakongan luko, bakijim mata bukah mandaradai kada maingat kada lawas maladok ha tahumbaling talangar pokok gajus ganal babuah.. takaluar bigi gajus sampai wahini kada hingkat masuk lagi kahkahkah... nang babi indung tu pulang lingsak hidungnya, barubuian badarah kada mau wagas lagi dumpak limir jua hidung sampai wahini hehehe............... hagan hiburan haja.. guling

by ***ROSMAH*** Wed Jun 10, 2009 9:06 pm

Kaganangan di mersing...

Masa kak ros ba'ganak di mersing ada cerita cina ba'garit (ba'buru) babi.. bulihi babi tunggal nang ganal, lamak pundal jar.. jadi ba'bagi-bagi'ai!!

Bila di makan daging nya pahit, tu yang cina2 hairan!! kanapa maka daging babi maka pahit rasa nya, kada' kaya' sa rajin??

Masa manembak babi tutih bukan nya di hutan atau kabun2 tapi di higa sekolah rendah yang jauh dari hutan!!!

Orang2 malayu parak situ asa manyangka yang babi tu bukan babi biasa!! tapi ada orang yang mati jadi babi sebab ta'salah nuntut ilmu!!

Wallahualam..

Katurunan Babi awan pokok gajus 39_3_10

by RATUDUYUNG Wed Jun 10, 2009 11:34 pm

bahari rumah RD di kg. sekalilingan hutan. mmg banyak ba alif ba ya. mun datang cina ba'garit takutanan kami badiam dirumah ja. kada wani turun. bukan apa. takutan ba alif ba ya. sasat. inya ba'garit awan anjing. mun kacongan anjing tu ba'makna ada la.. ba alif ba ya. kada ba'barapa saat ja. pom! malatop sanapang. dah tantu ba'olihi .

Katurunan Babi awan pokok gajus 39_3_10