Re: KENANGAN..BANYU BA'AH (BANJIR)

by Auma Mon Jun 22, 2009 8:13 am

*ROSMAH* wrote:Hee..hee ba'3 ba'ading jua auma'ai!!

Ni tangah ba'saruan anu ading bungsu bibini, handak bangat jar babuat tapi nang laki kada mamasuk'akan intrnt lagi ka rumah!!

Ading no.3 bibini jua! tu labih kurang kayak UL haja, bisak mangana'akan orang jua...

Kak Ros

Kukuar??.

Kulaan leh??

by ***ROSMAH*** Mon Jun 22, 2009 8:36 am

Kak ros nang sulong..

nang ke 2, kalikir..

ke 3, ading bibini..

ke 4, ku kuar..

ke 5, bungsu bibini..

Amun kada faham jua! ninto kes banyak ngaran narai auma'ai he..he..

by Msj Mon Jun 22, 2009 9:33 am

Tukaras dangsanak kambar Kukuar kak ros lih... guling

handak mambawae inya makan rojak Assan he3

by ***ROSMAH*** Mon Jun 22, 2009 10:27 am

TEMPAT PEMINDAHAN BA'AH..

Di tampat pamindahan ba'ah di mana2 gin sama!! macam2 hal nang jadi, nang komplen lauk kada sadap lah, tampat lain lauk sadap2lah, nang ba'ndutan lah, ka'malingan lah, mangurat lah, kada dapat gabang lah wam macam2 lagi carita...

Anak kak ros nang bungsu bibini, wayah cuti sekolah ba'ganak di kg.anu paninian! bila ba'ah imbaham ta'kaduk kada hingkat bulik ka rumah kami di Batu Pahat, jadi paksa'ai umpat paninian pindah! ada sa pupu kembar nya bibini ya'am jua pindah jadi ada'ai kawan di tampat pamindahan tu tih..

Ading kak ros (umak nya kembar) makaam tuhuk bangat ba'jaga'ik 3 anak dara tu tih.. Sampai ka jamban paksa di eskot, napang aur di kurati orang haja!!! anak kak ros ba'carita: inya ba'3 sa pupu tulak manukar burger di luar sakolahan panampatan ba'ah tu, banyak lah nang ma'usik ta'masuk nang tukang jual burger!!

Tapi nang ba'3 tu diam haja le.. bila burger tu tih hudah imbah, bulik kan'ai lagi ka bilik handak mamakan! sa kali nya salah surang si kembar tu tih ta'igut karatas bila handak mamakan burger tu!! bila di pariksa rupa nya di karatas tuh ada ngaran wan nombor talipon nang tukang jual burger tu tih!! ngapang lagi pada tatawaan ha' sa paranakkan!!

Ada pulang jar cerita, 2 laki bini wan anak2 nih guring ta'parak wan janda, wayah handak guring nang laki di halat oleh nang bini guring di subalah hujung, imbah tu hanyar nang anak2! jadi nang bini guring subalah janda!! sa kali nya bila papagi bangun guring, nang laki tu tih nang guring di subalah janda! pada ma'amuk ha' nang bini!!

Ada pulang carita.. 2 laki bini jua tapi ta'anum le sikit! ada pak cik 2 laki bini jua guring di subalah.. Bila handak guringan lampu di pajah'hik'ai, ba'kadap tapi kalihatan lah sikit2 sebab ada lampu di subalah luar.. Pak cik nang tuhak tu tih balum ta'guring lagi bila ta'dangar bunyi inda lain macam di subalah!! bila di' tolih rupa nya nang anum 2 laki bini tu tih ba'tutunggangan di dalam gabang!! kada purun jar malihat, ba'paling'ngai ka subalah!!

Esuk siang habis di wiwir hidin ka anu kawan2 di pananggahanan (tempat masak nasi kawah) jar sebab ka sarekkan!! Carita kaya' ini ada lagi nang kak ros dangar tapi di tampat lain, carita nya labih kurang sama haja.. banyak lagi amun handak di carita'akan kisah di penampatan banjir!!

Ada jua nang tukang bagi2 wan manjaga bekalan belot, kada amanah!! ma'ngalipit, ma'angkut mambawa bulik barang2 makanan bantuan ba'ah, ada nang ba'kongsi ba'dua mancatar lori halui gasan mambawa bulik baras wan barang2 nang hingkat di kalipit..

Ada'ai jua pak2 naib nang kada jujur, bantuan ba'ah kada sampai ka penampatan bantuan ba'ah!! dah imbah ba'ah kana siasat!! ada nang kana denda 2 ribu surang!!

Laki kak ros bilang kada ba'guguring wayah ba'ah, kana operasi manolong orang ka ba'ahan!! tapi kawasan nya intang Seri Medan, tampat nang paling dalam ba'ah di dearah Batu Pahat.. Dari manggini'ik orang pindah sampai ka ma'atai bekalan hari2 ka Seri Medan wan bot kastam sebab jalan ta'putus!
Malam pulang kana mangini'ik orang intang majlis dearah ba'bagi bekalan, tu di bawa wan jeep ka tampat pamindahan nang hingkat di lalui kenderaan.. Orang2 majlis dearah suruh'hai ma'ambil bekalan tu amun handak, sebab jar orang2 tu : kita kerja sukarela, kalau nak ambik apa2 pn tak kisah!! tapi laki kak ros kada purun, mun ada gin ma'ambil gabin tawar ganal narai 2-3 bungkus..

Ujar nya, kita handak manolongi wan duit tapi kada ba'duit!! jadi dapat manolongi kaya' itu gin jadi lah, tu wayah orang susah! kaina nasib kita balum tahu lagi kaya'apa!!

KENANGAN..BANYU BA'AH (BANJIR) - Page 3 36_3_10

KENANGAN..BANYU BA'AH (BANJIR) - Page 3 36_3_10

KENANGAN..BANYU BA'AH (BANJIR) - Page 3 36_3_13

KENANGAN..BANYU BA'AH (BANJIR) - Page 3 36_3_5

by CTNor Wed Jun 24, 2009 6:09 pm

Suah umpat bagana di panampatan ba'ah ni sakali masa Tingkatan 3 di SM Dato' Seth Yong Peng...nostalgia tu

Mun di kampung kada suah umpatan, napang rumah kami jarang kaba'ahan. Mun ba'ah gin bahari rumah batinggi jadi hingkat haja lagi diganai'

Katuju manjajaki cacing di dalam banyu...hehehe

by UmaYani/UY Wed Jun 24, 2009 6:38 pm

kampong kami kada suah baah ganal...
tanggalam sampai buku lali ada ai..masa halui...
kami katuju mainan wayah banyu banyak kaito...baudakan...

by Dandan Setia Sat Jun 27, 2009 9:22 pm

Amun jar banjar WAW nia Kalayangan..

Aur di atas pang guguligar..
mandaran'ai kada suah tahayau na'ah !!

temenung

by ***ROSMAH*** Wed Jul 01, 2009 2:44 am

Ba'ah Di Pt Khalid... Jalan Masuk Ke Dalam Tu Kg Kami... Kg Sri Mendapat... KENANGAN..BANYU BA'AH (BANJIR) - Page 3 Banjir2

by ***ROSMAH*** Wed Jul 01, 2009 2:46 am

Di Kg Batu Tiga (Ba'ah), Di sinilah kawasan yg dah dihalat atau dipagar wayah musim jepun... KENANGAN..BANYU BA'AH (BANJIR) - Page 3 Banjir1

by CTNor Wed Jul 01, 2009 10:12 am

Kak Ros, Kg Batu 3 ni nang manuju ka Olak Batu tu kah?

by **hasbima@abe** Wed Jul 01, 2009 11:42 am

BAHARI MUN BANJIR PAHANG NANG TARUK SAKALI
WAHINI OK DAH

TAPI MUN BANJIR RAMIK DI KALANTAN
MAIN AIR.................TAKULIH URANG BABINIAN NANG MANYINGSING TAPIH HAMPAI KA PAHA
PUTIH.......................CT-I KACAR LIUR

by CTNor Wed Jul 01, 2009 5:26 pm

Hehehe...bisa haja leh angahnya...

Tu nang lakas haja datang mangginie urang ka ba'ahan leh... lol!

Konon maantari makanan, walhal bacari 'makanan'....hehehe

by ***ROSMAH*** Wed Jul 01, 2009 5:49 pm

CTNor wrote:Kak Ros, Kg Batu 3 ni nang manuju ka Olak Batu tu kah?

Kg.batu 3 tu di awal masuk jalan ampah ke olak batu, banyak jua orang manyambat kawasan sawah tuh sawah olak batu.. Olak Batu nang sabujuran nya di subalah dalam lagi se belum sampai ka sungai rambut..

by **hasbima@abe** Wed Jul 01, 2009 7:34 pm

wayahhini tabalik
bahari kawasan pendalaman di hulu nang jadi baah
wahini kawasan bandar nang acap baah
hujan 1- 2 jam dah baah

esuk lusa baah pulang

kada karing talasan

by **hasbima@abe** Wed Jul 01, 2009 7:51 pm

dah lah kada karing
kada karing buluk pulang

baah..baah
sakali ikam manjanguk
sakali sungai barubah

nang kadah barubah sungai basar
walau pun sasain halui
di sambati sungai basar jua

by Dandan Setia Fri Jul 10, 2009 12:16 am

KENANGAN..BANYU BA'AH (BANJIR) - Page 3 Image686

Dalam kenangan

Sad

by Msj Fri Jul 10, 2009 12:28 am

jing yang kalihatan tu hadapan kadai Mimis lih.... guring

by ***ROSMAH*** Fri Jul 10, 2009 1:59 am

Memang kadai Mimis MSJ'ai...

Nang babaju putih ninto kalikir kah atau tukaras kah leh?
Kada tarang bangat waw'ai!!
Tapi nang ba dua ba'ading tu cutian ba'jaga rumah masa ba'ah ari tuh..
manja

by Dandan Setia Fri Jul 10, 2009 9:21 am

Siapa garang nang mangatik gambar nia !!

KENANGAN..BANYU BA'AH (BANJIR) - Page 3 99

by ***ROSMAH*** Fri Jul 10, 2009 10:09 am

Oohhhh!!

Amun kayaitu nang babaju putih dalam gambar ninto si tukaras lah...

Nang ba'dua ba'ading ninto memang karap bangat orang tapahurup!!
asaan orang nang ading tu Dandan Setia he..
Padahal jauh bangat beza nya,nang mana ading , nang mana abang... manja

by Dandan Setia Fri Jul 10, 2009 11:55 am

by Msj Fri Jul 10, 2009 12:46 pm

KENANGAN..BANYU BA'AH (BANJIR) - Page 3 27608798

Baombak-ombak mau buhaya lalu.. hayu.... tolo

by Dandan Setia Fri Jul 10, 2009 3:26 pm

waw wrote:napa maka kalikir tatawa.......sasakali langkah tok guru sumbang jua leh ha ha ha

Ulun padam Tuan Waw'ai..
di ulah samula

KENANGAN..BANYU BA'AH (BANJIR) - Page 3 18933298

by ***ROSMAH*** Fri Jul 10, 2009 3:31 pm

waw wrote:
*ROSMAH* wrote:Oohhhh!!

Nang ba'dua ba'ading ninto memang karap bangat orang tapahurup!!
asaan orang nang ading tu Dandan Setia he..
Padahal jauh bangat beza nya,nang mana ading , nang mana abang...

Nasib baik wayah naik pelamin kada tapahurup ha ha ha

Kada inya mau tapahurup naik palamin waw'ai!!

Kalikir tu 6 tahun beza umur wan tukaras..

Tukaras kawin, anak kalikir dah ganalan!! guling kalikir

by Dandan Setia Fri Jul 10, 2009 3:32 pm

Jadiam hulu..
Handak ka Lenggong nih
mambawa kakanakan sakolah (Kadet ) bakemah

Hari Ahad hanyar bulik !!
Barilaan

KENANGAN..BANYU BA'AH (BANJIR) - Page 3 36_1_71

KENANGAN..BANYU BA'AH (BANJIR) - Page 3 36_1_71

KENANGAN..BANYU BA'AH (BANJIR) - Page 3 7_2_210

by Sponsored content

KENANGAN..BANYU BA'AH (BANJIR)