MUZIK GHAZAL JOHOR

Ni gambar di rurungkuan tampat Ku kuar manyapong jua..

Nang main tabla tuh Cucu Imoh..
Nang main gitar tuh Amin..

Ni gambar masa persembahan di Tanjung Surat, Johor..

Masa di Tanjung Surat nia, Tengku Mahkota Johor nang merasmi'akan Pembukaan Pengkalan Baru Marin Kastam..
Wayah Tengku Mahkota bersantap ni kami kana mempersembahkan ghazal..
Malam lagi sa kali kami mambuat persembahan..

Amun ada jemputan Raja2, Sultan atau kerabat2 di raja, kami kana rehearsal lebih sikit sebab ada peraturan protokol2 nya..
Amun ada jemputan menteri2 atau datuk2, kana rehearsal macam biasa haja!!
Amun Kerabat Sultan Johor, kada payah menyembah kayak negeri lain! tunduk hormat haja.. Suah kami ma'olah persembahan di dewan Seremban, jemputan nya Almarhum Yang Di Pertuan Besar Negeri Sembilan! wayah rehearsal kana ulang banyak kali sebab kana menyembah menjunjung duli dahulu!!

Kami jarang dapat ma'ambil gambar wayah ma'olah persembahan sebab orang2 nang tulak umpat ba'ghazal samuaan ba'ghazalan..
Kadang2 wayah ba'nyanyi tu kak ros malilihat jua siapa jemputan nang duduk intang meja makan VIP wan siapa nang intang meja V VIP, wayah sambutan Hari Kastam Sa Dunia di Kelana Jaya ada'ai ta'kilar Datuk Musa Hassan, Ketua Polis Di Raja Malaysia! dalam hati kak ros: ohh! ini pang orang nya nang top wan karap kaluar tv tu!!.

Dahulu wayah di Mersing, kami karap jua ba'ghazal masuk kawasan Pahang! suah sampai ka auditorium Kuantan.. Ada sa kali tu kami dapat jemputan ba'ghazal gasan anugerah olahraga wan olahraga terbaik dearah Rompin, Pahang.. Bini DO Rompin tu bapandiranlah wan kak ros, di bawa'ik nya ka rumah, bila sambutan UMNO Rompin manang kami ba'ghazal jua! wayah tu bini DO tu tih dah jadi ketua wanita UMNO..
Di Muaazam Shah masa berkhatan beramai-ramai, bini DO nang dah jadi ADUN kawasan Muaazam Shah nang merasmi'akan..
Bila kak ros dah pindah dari Mersing, YB bini DO tu tih dah naik tangga sa tantang-sa tantang jadi orang ganal! wahini dah jadi Timbalan Menteri jua, Datuk Maznah Ahmad nang kamalangan di Kuala Terangganu hanyar2 nih..

Kak ros pang nang masih lagi kayak damia, baganak intang rumah haja! mangarang carita nah he..he..

Ni gambar kumpulan ghazal Remaja Seri Kenangan Bukit Alam, Batu Pahat.. Dari kiri Alif (ketua kumpulan), Shida, Akhmal dan Ayu (ayu ni gin banjar jua).. Nang lain kak ros dah padahakan intang gambar2 ghazal KDRM nang lapas..

Pemain2 nya juga merupakan pemain2 ghazal KDRM, Batu Pahat..
Gambar ni di rakam masa imbah pertandingan ghazal Johor 2006..
Wayah ni anak kak ros (cucu imoh) hanyar haja balajar main tabla, jadi kada bisak lagi handak umpat ba tanding! tapaksa'ai si tok guru nang babuat ba tanding..
Dapat tempat naib johan sebab tok guru dah tuhak, bukan remaja lagi he..
Nang johan Kluang, tapi kumpulan Kluang tu gin anak murid tok guru ninto'ai jua..

Gambar ni.. masa kumpulan ghazal remaja Batu Pahat masuk bertanding dalam pertandingan kumpulan lagu asli di Kota Tinggi, Johor.. dapat jadi Juara..

Kiwa sa kali, cucu imoh main gong..
Penyanyi nya Mamat, paranah (susur galur) anak kamanakkan Sarimah Ibrahim..

Gambar masa menunggu giliran rehearsal di Menara Kastam Larkin, Johor Baharu.
Di sebelah kiwa, kawan yang sama2 menyanyi (bini tok guru) awan anak2nya.. Anak nya nang halui ninto suara power, ngaran nya Nur Atikah, amun nyanyi lagu hindustan, bilang ba puntal ilat! mun manyanyi lagu2 ghazal, kalah nang tuhak! tarik suara tinggi gin kada putus.Tahun lapas handak masuk bintang kecil tapi silap masuk tang chorus, belum ada rezeki..

Subalah balakang gambar, tu Perumahan Perkampungan Kastam,Larkin. Kak ros suah ba ganak di situ sa belum dapat pindah ke Batu Pahat. Banyak ka giatan nang kami dua laki bini olah gasan anak2 kastam, terutama nya zapin, nasyid wan kompang..

Angan2 tu ada waw'ai..
Imbah laki kak ros pencen kaina, kak ros handak ba'olah rumah di kg.. Dah ada kawan2 banjar sa kg.nang bisak main alat2 muzik ghazal.. Jadi kami handak manubuhakan ghazal di kg..

Penyanyi banyak haja, sebab ghazal rasuk haja wan lagu2 langgam,asli, hindustan, dangdut, joget, zapin. Lagu2 arab,orang putih, cina, latin wan palbagai lagu lagi!! lagu Thailand gin Akhmal suah manyanyi'akan, lagu Hari ini dan Semalam di alih bahasa ka bahasa Thailand, rame'ai jua..

Kak ros mun ada handak lagu2 top Thailand nang terkini.. Mana tahu hingkat di ghazalakan..

Gasan malajari kakanakkan ghazal lagu2 wan muzik nya se kali, kaina hingkat di olah persembahan..

kak ros mun maulah ghazal banjar ako handak umpat
boleh tak

Kak ros mambuka ghazal imbah laki kak ros pencen, di kg.Batu Pahat..
Jauh bangat amun handak manuntik hasbima'ai..

Kak ros amun handak ma'ambil orang jadi ahli mesti kana audition jua!
Amun nang handak manyanyi, mesti cukup syarat nya..

Amun handak main gitar, sa lain lagu2 biasa mesti kana bisak lagu2 ghazal atau sa kurang2nya lagu asli..
Gambus kayakitu jua..

Nang main peti harmonium mesti bisak lagu2 ghazal wan asli, atau sa kurang2nya bisak main akodian..

Amun pemain tabla mesti tahu ada berapa cara pukulan tabla, lagu2 ghazal lain cara pukulan nya!! bagitu juga dangdut, cha cha,mambo, zapin, joget wan lain2 lagi..

Violin, ni ngalih sikit! ada orang manggayat pakai note, ada jua nang pakai by heart..
Pamain marakas wan tamrin, walaupun di lihat sanang tapi kana tahu jua rantak nya..

Memang ngalih waw'ai ba ghazal nia, tapi kak ros matan lagi umur 16 tahun umpat abah ba ghazal, jadi kada kekok lagi wahini!!

Lagu nan paling ngalih adalah lagu2 ghazal!!
Lagu2 lain sanang haja, tapi amun lagu ghazal handak ma alun intang *AHAI* nya haja gin 2 hari hanyar dapat..
Amun lagu asli sanang sikit, kada banyak olai nya mangalun kayak lagu ghazal..

Sa lain ghazal, Kesenian Tradisional masyarakat Melayu Johor ada zapin jua sa bagai satu kesenian nang di ketengahkan wan di ajar di sekolah2 seluruh Johor..
Gambar di atas, kumpulan zapin anak2 kastam Perkampungan Kastam, Larkin, Johor Baharu 8-9 tahun lapas, anak lalaki kak ros (cucu imoh) nang ba tinggung subalah kanan hadapan, baju merah jambu gin wayah tu hanyar tingkatan 3, sekolah SSI di Johor Baharu.
Kami lah ba tiga ba ranak nang ma latih anak2 kastam ni manari zapin, gambar ni di Komplek Kastam Tanjung Puteri, pa mulaan sa kali ma olah persembahan..
Imbah tu kami pindah ka Batu Pahat, kakanakan zapin ni ma olah persembahan gasan Jabatan Kastam di marata2 tempat.. 3 tahun lapas, masa kami ba ghazal di AKMAL,Melaka, kami ada ta parawong awan zapin tu! sama2 ma olah persembahan. Sa kali lagi masa di Kelana Jaya gasan Hari Kastam Sa dunia, gin kami ba tamuan lagi awan group zapin tu.

waw wrote:Banjar Malaysia kadaida seni warisan luko leh

urang banjar ni kada seni luko
kasar ....
taga nang madihin....
tu kesenian lah luko


786lav.123

papantulan ,kesenian banjar bahari....

Urang banjar gin ada kasenian... basilat...kuntau banjar...

bapantun bagurindam...bakisah gin bisa...

marinaan balah umako bisa bakisah carita Siti Zubaidah...

marinaan balah abahko bisa bapantun, bagurindam...

kita maulah dikir barat macam orang kalantan
taga cakap banjar...mau i rami
kada pun ba-ghazal partian
ada panari gelek awan lawak lagi


786lav.123

Kada maulah dikir Barat kaya Kalantan San ai. Memang urang Banjar sudah ada dikir baratnya nang disambat madihin. Inya sama awan dikir barat, ada Tukang Karut, irama wan akhiran ayat madihin sama awan dikir barat ikut syaer:

a,
a,
a,
a,

Carii di youtube tu madihin John Tralalal.....
Sawa wan dikir barat, malam makin larut, tukang
madihin makin karut...

Tu pang disambat Tukang Karut.....

Urang Banjar gin bazapin jua tagal disambat Japin.
Zapin Johor nang disambat Zapin Tenggelu, mungkin
juga dipelopori oleh urang Banjar sebab Tenggelu di
Mersing adalah padang bubuhan Banjar.

Wayang Pantol Cina magun ai dipantas akan di mana-mana.
Aku gin umpat maniring di Batu 5. Sunyaan tuan kadai di Batu 5
termasuk nang Banjar diminta manaja wayang pantol nia.

Amun ada nang baminat kawa sako barusaha mancari panaja
gasan parsembahan kebudayaan Banjar yang datang ka Pesta
Gandang Nusantara tahun hadap.

Kita bawa ka kampung dipantas akan di Dewan Orang Ramai
ilah wayang Cina di Dewan Batu 5.

Bangsawan Banjar "Mamanda" asaan ku ramai nang kada
bapaluang manireng balum. Aku sawat maniring di Banua halam.

Suruh ditungkali dahulu sabalum persembahan. Jadi kada am kasurupan.

Ranai wrote:Urang Banjar gin bazapin jua tagal disambat Japin.
Zapin Johor nang disambat Zapin Tenggelu, mungkin
juga dipelopori oleh urang Banjar sebab Tenggelu di
Mersing adalah padang bubuhan Banjar.

Kak ros suah ba ganak di mersing 10 tahun..
Tenglu memang kg.banjar, asal zapin Tenglu gin pengasas nya orang Banjar!
Kak ros pinandu awan pengasas nya, Pak Yusof wan sorang lagi bibini, kami hiyau Mak Usu. Mak Usu ni ada chalet di Pulau Sibu, anak nya ada nang jadi penolong penguasa kastam di Johor Baharu. Kak ros suah mambingkingi (make up kan) Mak Usu wayah hidin wan pengasas2 zapin Johor kana ma olah persembahan di Zapin Se Dunia di Johor Baharu dahulu, kak ros injami selendang! Kami ba pandiran cakap banjar he.. Hidup kah lagi wahini Mak Usu tu alih? Salang dahulu gin umur hidin hudah ma 60 tahun labih,lawas hudah kada mandangar barita! dahulu kak ros ada no.talipon hidin.

Anak kak ros nang Cucu Imoh tu memang bisak manari zapin Tenglu tu, kak ros teori nya tahu tapi handak manariakan tu nang barat sikit he.. Awak nang barat, supan handak manari!! lagi pun wayah anak dara hudah puas manari awan persatuan kak ros di Kg.Melayu, Pandan, Johor Baharu. Sa rajin nya sa balum pertandingan zapin, Yayasan Warisan Johor mangadakan bengkel zapin dahulu, malajari apa nang patut peraturan2 pertandingan.

Di Mersing ada lagi sa jenis zapin, ngaran nya zapin pulau! di asaskan oleh orang2 Pulau.. Kak ros awan laki kak ros antara orang nang terawal balajar zapin pulau tu.Pengasas nya gin hanyar2 ni dah maninggal sorang, Pat Mat Desa.. Al fatihah..

Saja urang seni Kak Ros nia, aku nia maambil tahu sapintas lalu haja sekadar malapai haja jar Banjar....

dangarkan ghazal Johor
moga kak ros terhibur.