Jum Ulas Sajak Sarai Sarampun

Kada disambat mati abah disambat mati uma

(be the best u can be)

Sarai Sarapun

Baik batuakal kugamati sakikihduakikih
Penyair merasakan adalah labih baik bertawakal, inya bagamat bajalan salingkang dua lingkang

Matahari nang mantapuk kabumbunan
maulah panjanak bahindang bahindala
Matahari nang jatuh atas bunbunan maulah panglihatan minik bakunang-kunang

ulun mantarjemah akan makna 4 baris dahulu, bubuhannya pulang manambahi ulasannya

sadap sajak tu
basa banjar tutuk
mau ada nang kada mangarti...
bahindala,bursiah,halania,pahualanlinai . taruskan ranai
ako sukak

786

Ranai wrote:Sarai Sarapun

Baik batuakal kugamati sakikihduakikih

Matahari nang mantapuk kabumbunan

maulah panjanak bahindang bahindala

Kaina kada sawat baulah jalan

manyampati ari

bursiah sanja bagasut bahantak

ka sangkar bumi


Baik kubarasihi darahku

wan ampatpuluhsatu macam wadai

Mbah saraba santuk

Mun baucap buruk muntung

Kada disambat mati abah disambat mati uma

Halinai sarai sarapun nang ditanam

di tanah pahalatan bauumuran

manjadi pakara manjadi pahualan

Nang kaya apa jua banua nang kada suah lagi dipalas


Sanja manyambur sapah

Batiti di balaran tapah

batampi ilat wan nasi astakona

sarai pangasai sakit manyamak


bbaru, 2004

Memang bahasa banjar tutuk bahari.

kak ros faham sa tiap parkataan wan tahu makna sa tiap ayat sajak nia.

Kak ros katuju intang rangkap nang panghabisan.

Tarima kasih ka anu pangarang nya, bisak mangarang wan mambuati baris2 ayat banjar nang dalam makna nya, mungkin orang wahini ngalih handak faham!

Kak ros terjemahakan mana2 parkataan banjar bahari nang ta ngalih sa ikit.


sa kikih dua kikih..
Kikih= kaisan hayam.. Boleh jua makna nya di kais atau di kuis awan jari atau tangan.

Mantapuk ka bumbunan..
Gugur atau jatuh ka ubun2.

Panjanak ba hindang bahindala.
panglihatan asa handak pitam, ba pinar2 panglihatan.

Ba hindang bahindala..
Cahaya ba balang2 atau ba warna2 macam pelangi.

Bursiah sanja bagasut bahantak..
Jangan2 ari sudah parak sampai ka sanja.

Saraba santuk..
Samuaan jalan ta tutup. (santuk= ta sentuh,sampai,ta kana, labih kurang kayaitu lah makna nya)

Di tanah pahalatan ba umuran..
sampadan tanah sa lawasan atau sa lama2nya.


Manyambur Sapah= manyamburakan sireh imbah manginang (makan sireh))

Batiti di balaran tapah..
batiti di titian semut.

Ba tampi ilat..
Ka padasan.

Pangasai sakit manyamak..
ubat sakit manyucuk2 nang karap kana di dada,hulu hati wan balakang.

Nia pengartian dari kak ros..
tahuam orang lain, amun salah bujurakan..

alahai kak ros..sakit kulit kepala chu kana garu mamikir maksud nya

huhuhu

hjoreezhanna wrote:alahai kak ros..sakit kulit kepala chu kana garu mamikir maksud nya

huhuhu

Kak ros sudah andaki makna2 nyak jadi bisak2 chu lah mamahami nya..

tq kak ros....

nnti chu masak bubur kacang ksi kak ros yer..kik kik kik

..dalam banyak2 baris...

''kada disambat mati abah disambat mati uma"

itu aje yg eja paham...

huhuhu...mana AJ .....
huhuhu...takut AJ pun kada pati paham....

macam tu lah sekarang keadaan diriku..

disambat mati uma..kada disambat mati abah

Ba titi di balaran tapah...

Dahulu kak ros suah ba pandiran awan umak kak ros, hidin ada manyambat "samut jua nang hingkat ba titi di balaran tapah" jar!

Jadi bulik nang hanyar nih kak ros himati ba takun "nangapa nya balaran tapah nginto?"

Ujar umak, balaran tapah tu sa jenis rumput nang manjalar kayak rumput salaput..
Tapi balaran tapah hingkat di olah tali, tali nya kuat! orang bahari amun ma olah pondok di kabun, balaran tapah jadi pangikat kayu2, hatap wan tangga pondok..

harat kak ros nia..mantarjamah
banjar tutuk............

bahantak..bahintajul ka araian

Sajak tu banjar tutuk kandangan hasbima'ai..
Jadi kak ros hingkat'ai saikit2 manterjemahakan..
Tu gin tuhuk ma ingatakan ba gagamatan ngapa nya makna perkataan2 tu..

Bahantak maksud di sajak tu #bursiah sanja bagasut bahantak#, bahantak ka sanja jar orang!
Bahantak ka sanja= sampai ka sanja.
Bagasut ka sanja= mamara'ik sanja.
Bursiah= jangan2, kaluko..

ungkai kan sajak nang lain - ranai
kina kak ros mantarjamahkan -
tu pang sumbangsih hagan kulaan