NOSTALGIA ZAMAN BAHARI

semangat waja seorang penulis!!!!

takper kadak censor hehehehe


~Atong~abe boleh teruskan kisah

tarima kasih Atong....
kuatkan samangat......kuuuuuur samangat
jangan jadi Samangat 46
Wak Samangat bin Samingun...kabare wak
luko bakulaan awan Wak Miskun....

Amun gasan panduan wan pangajaran, kada mandayik handak di sensor jua!
Lagi pun bukan bahasa ba tatarangan.. Sa kurang2 nya amun kita mambaca, insaf jua diri! baik jua kita kada manggawik nang kayak itu..
Astagafirullah al azim..

Insyaalah Chinta Ku DiSepia akan barsambung ari Ahad kaina
ni panat banar......asa ringkutan
umanya manyurug guring awal....
umai napa pulang...leh...jar ia hudah imbah sambahyang isyak
ka-kanakan gin ralit manonton TV;;;Nur Kasih
handak bagimat ka panguringan...barilaan...barataan

Ayuk haja ba istirehat Hasbima'ai..
Kami mahadangi haja Cinta di Sepia ninto ahad kaina..

Hasbima dah handak guring, laki kak ros tangah malayan cucu2 nih.. Kada ingat panat bila tatamuk cucu2..
Kuriakan nang ba dua ba ading tutih ba gaya' awan atuk nya..

waw wrote:aku dah tahoooo badahulu he he he

Waw pangilat, inya ba dahulu inta carita'akan anu Hasbima carita Cinta di Sepia he..

waw wrote:Samantara manghadange Kastam Bibinian shopping ......


Hasbima awan aku nginuman di Starbuck , Parkson.......


sapatangan di situ pang........

Geng-geng laki kak ros singgahan di Tangkak ba batukar kain baju di situ..

waw wrote:he he he

madae sampai ka rumah lambat......


Bas rosak.....alasan aje kut......

Singgah Tangkak tu kada lawas kada!
Sampai Kuantan, intang simpang labuh raya timur tu rosak nang kali ka 3 jar!
Imbah tu baiki saurang sasama kakawanan haja, baik pulang bas nya sampai ka rumah..

Salam kulaan
mohon manyambung kisah Chinta ku di Sepia

......Masa malintas jaram ampai...kaganangan ka SS ....disini pang kami suah mamadu cinta...taga kada kasampaian..jodoh SS bukan awan ako. Lawas ta ungut di dalam bot...pak da Umar...digalahan bot...Pak da Sahar juru enjin...maraung bot kajang Tembeling...merantasi sungai tembeling...jam 6 patang bot baranti di kampung peling...di hilir kg. pagi. " Samua turun kita bakemah dan bamalam di sini ' arah pak da Sahar. Nang babini sibuk bacari kayu...hagan bamasak...nang lalaki umpat Pak Da Umar..memedak / bagagau ikan di jeram....bah raminya..pakai tangkap haja anak ikan kelah..kejor, ikan lampam dan macam ikan..ada panuh sabaldi iakn tu ...hagan lauk makan malam. Rami makan dan bamalam di pasir. Masuk maghrib ako sumbahyang magrib jama' sakali isyak....lawas ta ungut di atas sajadah..pambarian ayah. Wahini ada lagi sajadah tu...tag hudah buntos di bahagian tapat bajajak. panjang doa ku...minta salamat minta di mudahkan urusan. malam tu kami balampasan guring di pasir..di hatapi langin awan bintang nag bakilipan...urang babinian guring dalam bot...Pad Sahar awan Pak da Umar guring parak bot...taga di atas pasir jua...bajaga-jaga luko ada yang manyalinap kadalam bot...maklumlah....babinian nang dalam bot tu anak dara samuan. Asuk lapas asar hanyar bot kami sampai di jeti Kg. Sasak, di situpang andaknya s SK Gusai tampat ako ma-ajar. Di atas jeti kalacungan ka-kanakan...ada beberapa urang babinian handak turun mandi awan batatapas., cikgu Mat Nadil GPK mahadange kami. Malam tu kami makan di rumah mat Narun tukang kabun sekolah.

Esok GB Cikgu Halip urang busut jin temerloh..mambagi-bagi kelas. SK Gusai ada 76 urang murid. Cikgu Nadil cikgu khas KBSR..ma-ajar tahun satu. Aku masuk semua klas...ma-ajar BM, Matametik, BI Ilmu Alam, Sejarah, dan Kesihatan. Darjah 6 aku jadi guru klas...

Ako, Ustaz Jamalludin urang Batu Talam Raub dan Cikgu Ramli dari Baling Kedah, kami batiga badiam dirumah guru dihujung padang sekolah. Cikgu Halip dalam setor nang di jadikan bilik. Cikgu Nadil awan bininya di kantin sekolah...nang bini bajualan di kantin. Kami batiga..makan bayar di rumah Mat Narun 3 kali sahri..pagi, tangahari dan makan malam. Emcik ( makcik ) Ji, bini Mat Darun bamasak hagan kami...di bantu ading nya Rosmina..di galari Mina..umai bungas jua.

SK Gusai di kelilingi oleh 8 buah kampung lain..Dijak, Kuala Gusai, Sasak, Salat, Lancar, Magun, Jekertel dan Kuala Aur...anak-anak murid dari sekitar kampung ni pang nang basakolah di SK Gusai. Darjah 6 nang aku jadi guru klasnya hanya ada 16 urang pelajar...7 lalaki 8 babinian. Samua ganalan awak...labih-labih lagi nang babinian...jar lambat repot..umur hudah 15 tahun taga hanyar darjah 6..curi umur maklum di pendalaman.

Ada surang murid, mun malihat ka ako, senyum manis, imbah tu, tunduk kasisipuan...dah tahu dah masti syok ka ako...mun ako ma ajar salalu ako baparak ka murid tu...ku gosok-gosok bahunya,,,bah,,,bilang suka banar...murid nang lain tabalalak mata maniring ka ako.

Cikgu Ramli awan Ustaz Jamaluddin hudah 3 tahun di SK Gusai, dah tahu cara hidup dan parangai urang disitu....gugusan kampong-kampung di sambati Gugusan Sepia...karana sungai nang mangalir manjadi jalan dan sumber air ba-ngaran Sepia. Mereka karap manasihati aku agar bahati-hati..dan jangan mangurati anak dara urang kampong...mereka kada suka ka urang luar...mun hingkat anak dara dia urang kawin sasama urang sakampung. Suah saurang cikgu hudah main cinta awan anak urang kampung..janji handak kawin..sarik urang-urang muda kampung tu..malam tu di datangi urang..malatup sanapang patah...lagi sa inci awan kapala cikgu Sulaiman...mun kada almarhum cikgu tu...jar tukar 24 jam atas alasan keselamatan..urang nang manimbak di antar ke Henry Gurney Malaka sabab baru umur 18 tahun. Masa nang lain Cikgu Hassan urang Kelantan...ka itu jua...mangurti anak dara kampung...dakapungi urang bukah keliling kampung hampai masuk basungkup ka raban hayam...kisah-kisah cikgu tu salalu di sambati urang-urang kampung...asa supan jua mandangar. Dalam hati ku..depa tu panakutan...mun anak banjar ni kada tantu lagi....mun ada darah pangacut kada ako datang ka ulu sungai nia...banyak lagi gawean lain.

Masuk bulan ka dua ma-ajar....
Pagi tu hari jumahat...aku masuk ma-ajar matematik didarja 4, ku suruh semua murid mangaluarkan buku kerja matematik ' home work' samalam. Azhar akan pengerusi PIBG Sk Gusai..kada maherani arahan ku...
" Mana buku latihan awak ' jar ku
" Tak buat " jar nya
' kenapa'
' 'malas'
' bediri atas kerusi' ujar ku manyariki
Azhar bangun dan manolak mejanya, sambil memandang dengan marah ka ako.
napang lagi..siinggg..talingga ma-nginging..lapau..azahar ku tampar..ka cukup awan nintu..ku sambar pambaris panjang...ku balasah si Azhar dari atas bahu hampai kabatis ku pupuh...taduduk kawan tu...

Malam tu Cikgu halip..lapas makan manyuruh aku ka bilk nya
" Hassan esuk pagi-pagi awak kena hilir dengan saya "
Kita jumpa PPD minta awak tukar..saya dengar urang kampung nak pukul awak, sebab awak belasah anak di urang " ujar cikgu Halip.sambil kilip-kilip bigi mata.
' biar di belah dua..di tatak 7 saya tak akan hilir cikgu ' ujar ko
" Kalau saya hilir nampak saya salah, saya penakut : ujar ko lagi
" terpulanglah pada awak...tapi saya nak bagi tau...urang kampung nak pukul awak, nak buat sasuatu pada awak..hati-hati "...jar cikgu Halip
Esuknya cikgu Halip hilir...jar bajumpa PPD..tantu repot pasal ako awan urang kampung handak babalah

Ari isnin...bila sakolah di buka....ako tulak ma-ajar macam biasa...Ari tu ako pakai baji kemeja sport..baju kada 'tuck in '...di pinggang balakang ko sisip benet askar indonesia pambarian ayah. Siapa masuk dalam darjah...ku kira musuh ku suduk....mun handak mamupuhi ako, pupuh hampai mati, jar ku ka Ustaz..mun hidup lagi kina ako bisa mambalas dandam...mun kada wani saurangan aku datang badua, kada wani ba2 ako datang ba 3, kada wani siang ako datang malam...takutan kada sakali..sama-sama makan nasi...kada makan pisang kadak...bukanya ba urat basi...sama-i badarah habang. Masa ako ma-ajar di darjah anam...banyak jua urang kampung datang bakumpulan...bekaliling di klas ako ma-ajar...masing mamandang awan mata bulat bengis ka ako...urang babinian gin ada jua nang datang..
Benet di pinggang balakang ku tapuk-tapuk...jangan ada nang manyantuh ako...ari ni bekeruh pang...ako dah batekad..mun siapa nang wani masuk ka dalam kalas handak manyarang ka....ada pang nag tumpah darah...ajal maut di tangan tuhun...ba-undur maka kadak...tukutan kada sakali...mati sakali saurang...hampai habis sekolah tangahari tu...alhamdulliha kada apa nang tajadi.
masa bulik tu GB manapuk-napuk bahu ku...saja hirat ikam jah.....masa urang kampung datang keliling klas tu kami..semua di bilik guru....tunggu haja napa handak di lakukan oleh urang kampung. Baru ako tahu rupanya ayah si Azhar pengerusi PIBG memang handak mambalasah ako...awan urang-urang kampung...cikgu nang lain galataran lintuhut di bilik guru...sekolah hudah mereka kepung..jar handak manimbai ako ka sungai Sepia.

Selepas peristiwa tu urang-urang kampong jadi baikan awan ako...ada nang mambawa-e makan di rumah...bamalam dirumah..ada jua nag handak maulah manantu...jar Cikgu ni urang wanik.....boleh membela anak bini...jar ku tahuam

Patang tu aku tangah mandi awan batatapas di jeti...di subarang sana kulihat Mina handak ba ampah mayubarang ka sia..sungai Sepia mun musim kamarau hingkat di subarangi bajalan haja ..paling dalam atas timpaha...putih melepak timpaha Mina, masa ianya manyingsing tapih..aku bapiragah kada milihat. hampai satantang awan ako..Mina managur....' Cikgu mak..suruh cikgu datang rumah malam ni, jangan tidak " jar Mina...umaknya mempalawa kami batiga datang makan mlama di rumahnya di kampung Salat. Mina tarus manaiki tangga...aku melunggu dibawah jeti..bah ganal burit Mina ba-ingang masa mandaki tangga...macam-macam tabayang dalam otak nang kelabu...maklum masa tu baru handak masuk 21 tahun..Mina pula urang bungas...body hui...macam gitar jar S.Samsuddin. Malam tu imbah maghrib kami manyubarang sungai Sepia ba-ampah ka rumah Mina....masa kami lalu di hadapan babarapa pemuda ada nang senyum sinis mamandang ka kami....ada nang mangaratap-garatp bibir...dalam hati ku..anak banjar jangan di gawel..mun sahalai bulu romanya gugur...memang ba-amuk sakan...awan banyu hangat pang balapai...mun kada , kadak malapas hulu pisau

Sampai di rumah Mina, makanan hudah tahidang...kami makan ..dan makan..Mina sibuk malayani kami...malam tu Mina babaju kebaya putih...umai lawa sungguh..sasakali ia tunduk majangkau lauk...nampak lurah dendamnya didada nang bidang ...tutur kata kada lapas awan senyuman..cukup-cukup mamikat...Ustaz gin ku lihat kada' ka ruan duduk...Cikgu Ramli..takibil-kibil bigi mata..lain nang di takuni...lain nang di jawab. .jantung lu badanyut daras...ringut-ringut bagarak bibir...taga ku damaikan diri ku saurang
basa-sabar haja....bawa......... ba-ingat.....bawa ba ingat...

basambung..pulang

Umaiii!!
Ba sambung pulang alih Hasbima?

alamakkkk...lawas lagi kah handak manyambong ni abe....potong stim aaaa

Ayuhak Hasbima'ai!!

Sa lalawas nya hanyar ba sambung carita, kami hadangi jua lah leh Misha!!

amun di taip panjang-panjang
muyak pulang urang mambaca

Umpat mambaca jua carita handap (CARDAP) Tuan Hasbima

Suspen haja kami ni Hasbima'ai!!
Sa hahadangi! bila kah hanyar manyambung carita?

kisah rekaan atawa bujur ?

handak manyambung pulang kisah Cinta Ku di Sepia

Malam tu tapat jam 12 , hanyar kami minta diri. Tu gin imbah kanyang banar ..napang lapas makan di surungi hidin 'bubur liar '
( macam cendul ) Masa malintasi jeti, handak turun ke Sungai Sepia, urang-urang muda nang kami jumpa tadi masih bakumpulan di situ. Ada nang managur, ada nang basalam..Aku mandangar si Amran manyambat " sedap ke... cikgu bayuy Mina ". Cikgu Ramli awan Ustaz kada manjawab...taga saling bapandangan..ako lagilah kada faham. Apa nang di maksudkan. Masa menyubarang Sungai Sepia tu hanyar ako batakun ka , Ustaz napa nang di sambat Amran tadi " bayuy ' jar ustaz
( pantat )..takema ako ...nampaknya Amran sarik ka-kamik. Imbah tu hanyar ako tahu rupanya si Amran ada manaruh hati ka Mina. Jar suah maminang Mina taga pinangannya kada di terima. Amran ni dah kawin pun ada 2 anak...taga masih lagi syok awan Mina... malam tu sabalum mata ta lalap macam-macam aku taganang..Mina..Mina...Amran ni macam mancabar banar....patut kah ako mambuktikan....sasuatu...bahawa Mina bukan lagi milik Amran....mina dah syok awan Cikgu Hassan...ako pang.....Ah...apa peduli ... dah urang manjual...kita tukari haja lah.....bukan kita nang handak jadi hayam jagau...taga urang handak mambihau ka kita...napang dihija-akan haja kah......

Ai handap ja kisahnya....

tangah sadap baca...putus kisahnya...

lakasi sambunge HAsan ai....

KAINA PATANG ..kada saway nih auran
handak...bamain tapakbintan

17.21 patang hudah nia manghadange jua

besasabar hajak

berkarya ne kena ketenangan fikiran

kena dalam hinip malam

kena pulak ngan kopi kaw kaw

kena pulak ngan asap bajabol

baru hasilnya syahduuuu


~Atong~orang guring ulon begawik

Tarima kasih manyambung carita Cinta di Sepia, Hasbima..
Handap pun handap lah, janji ada sambungan nya..

korek--korek
yes...yes...korek...korek
baik...datuk....baik datuk
korek---korek....

mohon sambung cerita...anak cucu tumpang lalu

Pagi isuk tumbar sakampungan jar Mina sakit kada ingat
maracau-racau.....kana rasuk...,Malam tu di kiau Pawang Dollah,,,hagan bajampi sarapah...ako awan ustaz tulak....handak malihat kaya pa urang bapawang. Urang Ulu Tembeling bapawang macam cara urang asli....Satalah di jampi di tiupi...di alin awan tapung di balakang awan di dada....da balah tapung pangalin, ada 3 bigi siput nang ada karbon beteri suar di dalam cengkerang siput tutih...ada lagi paku awan jarum....masa pawang tu balupa...di takuni urang..sapa nang ma olah Mina...jawabnya urang parak...rumah subalah hilir....ka itu ka ini...jar Amran nang ma-olah...sabab sarik ka Mina kada malayan inya...Sabab Mina hudah syok awan ako.

Imbah tu SK Gusai handak ma-olah sukan....sabab murid kada ramai...sukan di gabung awan belia kampung..jadi dalam masa dua minggu balatih sukan..aku rumah kuning...Mina jua rumah kuning...makin karap kami tahaga,,,makin masra...Mina hudah wanik mangawel-gawel ako. Ako apa lagi lah macam hulut bulu marayap daun..gatal..gatalan....aur bakiroh pang gawian.

Dalam masa 2 minggu balatih sukan tu ako bakanalan pulang awan Key...anak dara kampung Lancar...lagi lawa pada Mina..ianya rumah Biru..Tuhuk jua ma-himpit. imbah tu jadi masra...sawat haja..badating malam-malam..masa latihan persembahan pentas. Taga Key ni liar sikit kada macam Mina nang over bangat. Key ni biasa-biasa haja malayan ako...taga ako suka ke Key....aduh....sakit pang awak....malayan Mina awan over actingnya. Mamujuki si Key yang cool tuh. Ako tahu banar Mina camburu sangat-sangat bila aku malayan Key....ako mandangar ia manyambati ka urang ako ni kakasihnya...akan kawin awan ianya...langkah mayatnya hulu jar mun handak marampas ako dari tangan nya. Tu pang pertama kali ako tajumpa urang babini bakalahi...bamasam muha...batimburuan sebab lalaki.

Hubungan kami. ako awan Mina santiasa di parhatikan urang. Sukan tu balangsung saharian maning. Malamnya ada pesta karamai-an, pertunjukan kebudayaan, tarian, nyanyian, dan sabagainya. Malam tu ako nginum..saurangan di warung kopi segera nang di ulah khas hagan sukan tu, Mat Narun tokehnya.....jadi Mina gin menolongi di situ. Urang lain rahat malihat pertunjukan pentas..tinggal ako badaduan awan Mina. Macam-macam kami bapandir.....Mina memang syok habis ka ako...macam-macam di kenen nya...taga ako sedia faham..inya handak mambawa-i ako kawin. Intang situ ako rasa kurang senang,,,balum basadia...lagi pun ako bukan handak kawin...handak suka-suka haja. Mungkin Mina hudah tahu,,,niat ku..tu pang inya baiya-iya mambawa-i ako kawin. Ujar ku kawin kina hulu...enjoy ok.
Maranggut Mina, bila ako manjawap ka itu. Tanpa ako manyadari rupanya segala tingkah lako kami sedang di perhatikan, di - intai, di intip....mulanya ako kada perasan....
" Cikgu jom gani-e Mina ka sungai..." ujar Mina setalah lama ma-unggut.
Ako mahirup banyu kopi o...sambil mahiut rokok dalam-dalam....
" Asa ku ni perangkap " tadatik di hati ko
Bakali-kali, Mina membawa-e ka sungai...taga ako buat kada tahu...
akhirnya Mina bajalan ba-ampah ka sungai saurangan....sambil manguleh-nguleh ka ako...mambari isyarat manyuruh ako ma-iringi ianya. Memang naluri kejantanan ku suruh mairingi Mina ka sungai ..ini paluang ako..dapat barcumbuan awan Mina...bukan sanang nak dapat paluang nih...sabab anak dara urang Ulu Tembeling..di pinggit...kada di biarkan ba-campur bebas...apa lagi macam ako urang luar. Taga barat burit ku handak bangun...lantaran pulang ako gin ba-ingat. Dan perasaan ada mata-mata liar nang ma-indap ka-ako. Kada ku hireni si Mina..sabab macam ada bahaya manunggu mun ako ka sungai. Aku tulak baparak ke pentas pertunjukkan...Manyusup manyasap aku duduk di subalah Key...nang dudukan awan 2 urang kawanya malihat pertunjukkan pentas. Duduk manumpang sajuring di tikar mengkuang Key...adui....mandingur arum bau Key...minyak apa nang di pakainya. Sambil baparagah kada sangaja...ku japai tangan Key.. Ada tindak balas positive.... jari ku di picik-picik nyak. Mina nang hudah turun ka sungai kada tahu lagi kisahnya. Ako dah ramik main picik-picik jari awan Key...
" Key malam ni cikgu antar Key balik, boleh tak : jar ku
" Ikut lah kalau cikgu berani " ujar Key....
" Imbah habis persebahan "
" okey jar ' ...Key
Umai mudah lah pulak....tuah badan jar ku.
Sampai habis persembahan pentas aku kada malihat lagi bayang-bayang Mina. Gerai abang iparnya gin hudah galap..urang nang manonton ba-ansur bulikkan. Aku sawat bapadah ka ustaz...handak umpat bamalam di rumah Pak Teh di kampong Dijak. Jar ustaz,,,jin ha..ianya latih....panat siang tadi ba-sukan...Cikgu Ramli hudah lama janak, inya paning kapala...kada habis malihat persembahan pentas....urang ramai makin ba isur bulikkan karumah masing-masing. Ako ma iringgi Key bulik ka kampong Lancar..kira-kira sabatu dari SK Gusai, bajalan batis malalui tabing sungai Sepia...sasakali kami ba pagangan tangan...bahanu bahampangan, sambil ba-ikupan..kami bamandak di higa pokok galap gugup nang kada kalihatan urang...hanyar samar-samar cahaya bulan....lama kami baragapan...ba ci-ciuman..ba-kakucupan...
" abangggg.".ujar Key lamah layu basandar di dada ku
jari-jari nya maramas jari jemari ku...adui...romintaklah sangat

dug--dug...dada ku badagup kancang
Dada key gin tarasa umbaknya...turun naik, nafasnya kada tanang lagi, kada karuan..dagupannya, hangat..awaknya..manariap..hangat dingin awak ku,,,rasa macam handak garing....pahinakan Key bahanu kuat..bahanuk palahan ba-ombak-ombak, mandangus-dangus macam urang manggah.....
Key...ujar ku...sambil.....



bamandak hulu mangantuk
sambung pulang kaina 123