Re: Banjar Kreatif : Cerita Jenaka - Jan 2010

by **Atong** Sat Jan 09, 2010 9:14 am

ayo hak

bertanjuk ke betanjak

auma nayak ada bakat melawak gak

melaran sehelai batik

by didin Sat Jan 09, 2010 9:35 am

*ROSMAH* wrote:Asa karing jua hudah idea nih!!
Ngapa dangsanak, ada jua kah kakarikan carita??
Tadi ulun ada ba carita sa ikit di AB...
Handak mamanjangi carita nya di sia pulang, di ubah ngaran2 nya jadiam nah..

Kak ros ba carita ba dahulu lah..
Tajuk nya.. Bisul Pacah..
Carita nya..

Ada ujar, orang dua laki bini nia ba ganak di unjut pa hujung nya kampung.. Hidup kada'ah pati susah bangat, cukup makan pakai haja..
Nang bini mangidam anak pugaan.. Maka handak bangat makan di orang aruh! tuhuk mahadangi tapi kadada orang nang aruh2 jua..
Amun ada gin jauh di pahuluan sana, tia kada di saruani orang pulang..

Bilang asa ba liuran bangat hudah si Diang tutih handak bangat mangidam ampal hayam orang aruh. Bilang asa ta mimpi2, balelehan liur bila ta guring!!
"Mambari maras nya anak ulun di dalam parut nia alih, handak bangat makan hayam orang aruh" jar Diang sambil mamusut parut, ba lelehan banyu mata..

Bukan nya kada ta makan hayam ba kari olahan nang laki tapi handak nang di orang aruh jua ya'am, ngapatu'ai ngaran nya gin mangidam!!
Si Utoh laki nya Diang, bilang maras bangat malihat bini ungut2 di palatar hari2, bahanuk inda mamusut ka parut sambil mangasat ka mata! asa kikiliran banyu mata si Utoh malihat bini nang kaya'itu..

Bukan nya kada di masakakan hayam di rumah, paluh li'iran Utoh nginto mangari hayam gasan bini, kaluko bini handak masakkan orang lain sa lain masakkan saurang.. Tapi "kada sama awan masakkan di orang aruh jua" jar Diang..

Takutan jua si Utoh, maka jar orang tuhak2 amun bini mangidam handak makan ngapa nang di idamakan tapi kada dapat jua hampai baranak, kaina anak balelehan pang liur kada kakasatan, bajarujuhan di dagu hampai ka dada2, jimus baju! ujar haja'ah.. Maka anak pugaan, Utoh kadada pangalaman lagi pasal orang mangidam awan batianan nia, suah manalinga mandangar nang tuhak2 nya ba cacaritaan narai..

"Ngapa fikiran?" ujar Utoh dalam hati..
Kilip2 mata kada hingkat ta guring!!
Bini tih kada'ah ba tagih bangat tapi mambari maras banarai..
Amun idaman nang lain dapat haja Utoh cari'akan tapi nang sa uting nia ngalih bangat! amun kada mahadangi ada orang aruh makaam hanya ta dapat ampal hayam orang aruh!!

Suah jua Diang ba tagih burung balatuk kijang nang ba jambul habang jar!
Sa harianan Utoh ta indap2 di mana ada ta dangar burung balatuk ba bunyi lituk2 ba olah sarang, ka situ Utoh ma indap!
Tamadakkan nya ada ta itihi burung balatuk kijang ba jambul habang di hujung turehan Patuhak Adanan, bila burung tu mantipur tarabang mancari makanan, sadangai kakayukut Utoh manaiki pokok gatah tuhak, maka purakad nya bilang dua paragap ganal nya! pupulut gatah hagan mamulut ada haja intang pinggang, di buat ka dalam ruasan buluh, di tali'ik di ikat ka pinggang..

Bilang ma hingngal jua Utoh manaiki hanyar sampai ka cikang gatah nang japuk, tampat burung balatuk nginto handak ba olah sarang! di itihi ka bawah bilang asa marawanai tapi kahandak bini kasayangan ninto, paksai di turutakan jua! Maka bini tutih tuhuk bangat manggariti huluk hanyar dapat di olah bini, anak dara pingitan idaman bujang sa kampungan jar..
Tagal inya ka ba untungan awan jodoh Utoh narai, jadi di tampani Busu Anggut para'an Utoh! lagian Utoh ninto rajin ba gawik, rupa pulang lawa awan puputih nya.. Diang gin amun tatamu di orang ba karasminan bilang kada pajah mata ka anu Utoh pang jua! Jadi bila wakil bubuhan Utoh ba para' bilang ba tilambung Diang ka ungahan, lakas manyuruh nang bapa manampani he..

Di sambung carita tadi pulang..
Jadi di andaki oleh Utoh'ai pulut burung nginto ba kulilingan cikang gatah japuk nginto! di lindungakan saikit di sasala daun2 gatah nang ba juntai dari cikang lain nang di atas..
Imbah luhur sadangai Utoh ma rukui ka sana pulang..
Ungah bangat Utoh bila malihat kakalupuk burung balatuk kijang ba jambul habang kana pulut nya, bilang asa kada purun kada jua manangkap tapi bini mangidam ya'am, di turutakanai jua..
Sampai di rumah di siangi wan di masakiakan Utoh'ai, di sanga ( randang) haja jar.. Diang.. imbah tu di kilau Diang lingis hampai awan kakapala nya..
tatawa Utoh bila Diang ba habar pada burung tutih kanangah sadap!
"Mahung ba inguh anai2" ujar Diang. Balatuk memang makan anai2 awan serangga lain nya ya'am..

Suah jua Diang mangidam handak buburak awan hayam hutan laki, nginto nyaman haja utoh mancariakan! di higa rumah banyak haja buburak kura'akan ba bunyi, hayam hutan ada haja kadangaran ca'ru'utan ba bunyi di hujung kampung nya! pasang haja jarat tampat kalaluan buburak di tanah, amun bingkas ta jarinting pang! Hayam hutan di jarat awan di puluti haja jua, dapat dua laki bini lagi..

Tapi nang sa uting nia pang nang ngalih bangat handak di ada'akan..
Tamadakkan nya patang ari khamis ada orang datang ba saruan, orang aruh ma haul jar di rumah nya Tukacil Amit, imbah maghrib panjang!!
Maka patang tu hujan haja sa patangan, imbah Isya' sadangai Utoh turun dari rumah mambawa payung, hujan paguni haja ba rebesan saikit.. Orang kada pati banyak nang datang, inya hujan luko! lagiam ada orang aruh jua di kampung subalah tapi Utoh kada dapat saruan di situ, jauh dari rumah nya..

Utoh manggini'ik orang ba susurung, jadi lambat saikit makan. Sampai intang anu inya imbaham kadada ba kawan makan sa idang! tu gin ada nang makan sa idang ba dua jua, hidangan labihan pada orang nang di anggar datang jar!
Jadi makanani Utoh saurangan sa idang, babaya' handak manyuap ka ganangan kilip2 mata bini, kaganangan pasan bini sa balum turun di tangga tadi " bawa'akan sa rihit barang ampal hayam orang aruh kaina" jar bini nya..
Jadi bila di itihi orang datang saruan inda lengah, sibuk manyuap nasi! Utoh "cupp'ai" ampal hayam masak habang ka dalam kupiah di atas kapala! Nahh!! luhai jar Utoh di dalam hati," pacang dapat mambawa'akan bulik ampal hagan bini".. Jadi imbah tu Utoh makanai nasi awan lauk2 lain nang ada..

Imbah tuntung orang aruh, utoh ba dadadasai ba salaman, ma ucapakan tarima kasih anu Tukacil Amit, handak lakas bulik ka rumah!
Sa kali nya Tukacil Amit ma rawa' " Nangapa nang ba lelehan di dahi pian tu Toh?" jar Din..
Ka ganangan ampal nang ada di atas kapala ta lindung di dalam kupiah nginto, "tantu nya kuah ampal nginto nang ba lelehan sako" jar hati Utoh!!
Daripada ba supanan baik cari ikhtiar manggaradauwik Pakacil Amit, fikir Utoh!!
Jadi lakasai Utoh manapuk ka dahi sambil piragan ta kajut " Nahikamam!! imbaham.. bisul ulun pacah Pakacil'ai" ujar Utoh sambil ba tikapan haja tangan ka dahi ba dadadas turun ka tangga, mangincang! ma ngunyur ba ampah bulik ka rumah.. Kada kaganangan lagi payung nang ba sangkut di higa palatar Pakacil Amit..
Uling2 kapala Pakacil Amit malihat Utoh, " Mambari maras nya! rinyut2 tai sako kapala Utoh nginto' ujar hiden di dalam hati..

balum habis kalo caritanya Kak Ros? mun dinto dilanjutakan nai ,ulun mahadangi , he he.

by Auma Sat Jan 09, 2010 9:58 am

Baharap di Tahun Hanyar

Dah parak 6 tahun si Diang Paruna (DP) wan Utuh Macho kawin. Syukur Alhamdulillah, dah dapat badua anak. Pasangan anum ni dua dua bagawi dan dah mali rumah saurang di pinggir Kota Ganal.

Si DP basukor bangat hidupnya sanang bangat kalau di banding wayah badiam di Ban 4 Wilayah Unjut bahari . Cuman ia heran jua napa kah tih lakinya aur kada paingatan bangat wayah ni. 'Awak anum haja lagi' fikir DP dalam hati.

Arini imbah basasimpun ia talihat sampul surat warna ungu di atas meja. Surat apa pulang yang ngini lain jer kaliatannya" fikir si DP tarus mambuka enbelop. Kaini isi surat toh.

>>>>>>>>>>>>>>>>>>>>>>>>>>>>>>>

Kehadapan DP bini kesayanganko,

Sepanjangan tahun 2009, abang telah cuba handak bersama (handak yang tu lah ) dengan ayang sebanyak 365 kali, pukul rata sekali sahari. Taga banyak kali jawapan negatib. Abang dah catat alasan- alasan ayang awan sabab-sabab lain pemerhatian abang ilah di bawah:

1. Salah ari...........................................28 kali
2. Takotan kanakan ilan............. ............19 kali
3. Ari hangat bangat..............................18
4. Awak uyuh....................................... 20
5. Malam bangat dah ............................20
6. Awal bangat lagi............................... 10
7. Piragah guring (hmm,,abang tau)........ 55
8. Lalungkang tabuka............................. 5
9. Sakit belakang, sakit gigi................... 15
10.Tak ade mood ................................10
11. Anak manangis ..............................40
12. Hanyar maandak facial mask ...........10
13. Kulaan guring bilek subalah .............10
14. Dah ngantuk banar.........................20
15. Hingkatkah abang fikir banda lain?... 60 kali

Jumlah .........................................355 kali

Rekod 10 nginto..... bukan rekod perfect 10 . Jadi, abang baharap bangat lah di tahun hanyar 2010 rekod kita hingkat di baiki.

Yang berharap

..............................
(Suami mu Utuh Macho)

by ***ROSMAH*** Sat Jan 09, 2010 10:29 am

didin wrote:
*ROSMAH* wrote:Asa karing jua hudah idea nih!!
Ngapa dangsanak, ada jua kah kakarikan carita??
Tadi ulun ada ba carita sa ikit di AB...
Handak mamanjangi carita nya di sia pulang, di ubah ngaran2 nya jadiam nah..

Kak ros ba carita ba dahulu lah..
Tajuk nya.. Bisul Pacah..
Carita nya..

balum habis kalo caritanya Kak Ros? mun dinto dilanjutakan nai ,ulun mahadangi , he he.

Tuntung hudah carita nya Didin'ai..
Tantu'ai Utoh nginto dapat mambawa'akan barakat sa ampalan hayam di atas kapala ta lindung awan kupiah, hagan nang bini he..
Kada bulih di sambung2 lagi Didin'ai! kada aci..

by TantadukHabang Sat Jan 09, 2010 10:44 am

Auma wrote:Rami jua banyak kisah di wadah hanyar nia.

Ulun gin handak bakisah jua TH ai

Handak maantar dua kisah

Bulihai luko??

hagan baramian banar ai TH ai

Kisah ulun yang mulaan bertajuk

Baharap di tahun Hanyar

Bulih menghantar 2 kisah, banyak lagi pun takde masalah. Tapi hanya 1 yang boleh bertanding. Nanti Auma bagitahu kisah yang mana yang mahu di pertandingkan. Pasal nanti saya buat link ke cerita pada carta untuk memudahkan ahli mencari cerita.

by TantadukHabang Sat Jan 09, 2010 11:01 am

*ROSMAH* wrote:
didin wrote:
*ROSMAH* wrote:Asa karing jua hudah idea nih!!
Ngapa dangsanak, ada jua kah kakarikan carita??
Tadi ulun ada ba carita sa ikit di AB...
Handak mamanjangi carita nya di sia pulang, di ubah ngaran2 nya jadiam nah..

Kak ros ba carita ba dahulu lah..
Tajuk nya.. Bisul Pacah..
Carita nya..

balum habis kalo caritanya Kak Ros? mun dinto dilanjutakan nai ,ulun mahadangi , he he.

Tuntung hudah carita nya Didin'ai..
Tantu'ai Utoh nginto dapat mambawa'akan barakat sa ampalan hayam di atas kapala ta lindung awan kupiah, hagan nang bini he..
Kada bulih di sambung2 lagi Didin'ai! kada aci..

Bulih disambung tapi di topik lain, kada aci di topik ini. Di topik HUMOR - Jenaka pun bagus juga. Ayuk undi achik didin.

Carta telah ulun update. Mana2 ahli yang mahu mencari cerita2 dipertandingkan click sahaja pada tajuk karya di carta tersebut. Very Happy

by **Atong** Sat Jan 09, 2010 12:21 pm

ulon nak betakon

bolehkah peserta meedit baasa citernya

edit menambah ker menyambong pulang?

by TantadukHabang Sat Jan 09, 2010 12:54 pm

waw wrote:

Pada pendapat ku boleh haja.........dengan syarat... belum ada pengundian.

Ya betul, jika masih tiada pengundian terhadap karya tersebut masih boleh di 'EDIT'

Edit maknanya ubah sikit2 bukan sambung lagi cerita tu. Kalau setakat ubah perkataan atau 1-2 ayat masih dikira edit. Tapi kalau tambah sampai 1 perenggan tak boleh. Jangan lupa kita ada penunjuk edit di bawah post masing2.

Tetapi setelah undian dibuat, peserta sama sekali tidak boleh menukar cerita itu. Tetapi sekiranya terdapat aduan atau perkara2 yang kurang disenangi oleh ahli didalam cerita itu, cerita itu dibatalkan, peserta dikehendaki menghantar cerita lain atau cerita sama versi yang disenangi oleh ahli forum.

Satu lagi, peserta boleh menukar cerita yang dipertandingkan tetapi dengan syarat ahli masih belum lagi mengundi peserta tersebut. Link cerita yang 'Valid' akan diletakkan di Carta di post no 2.

Harap semua ahli berpuas hati & faham Laughing

by **Atong** Sat Jan 09, 2010 1:18 pm

okek no problem

sapa nak memulaik memberi markah

ulon hayaan gak nak beri markah

ulon nei strict sket

by ***ROSMAH*** Sat Jan 09, 2010 1:47 pm

Kak ros tih kada kisahai ta buat kah atau kada masuk ba tanding!
Kak ros memang katuju ba carita matan mula2 masuk ka sia, tu pang tujuan utama kak ros!
Orang ka tuju kah, kada kah, kada tahu jua!!

Amun kaubaran atau ada carita hanyar, kak ros lakas haja mambuat ka sia..
Amun kada,mambaca carita kulaan haja..

Kak ros memang edit carita kak ros nginto tadi!
Sebab nya.. *kada ingat ma andaki tajuk..
*koma, noktah wan tanda saruan kada karuan..
*mambuangi saikit ayat nang kada patut..
*manambahi saikit ayat nang ta gantung..

by **hasbima@abe** Sat Jan 09, 2010 1:55 pm

abe bagi markah

5 Banjar Kreatif : Cerita Jenaka - Jan 2010 - Page 2 Icon_biggrin

tahniah kak ros

by Kacumbai Sat Jan 09, 2010 3:43 pm

Dandan Setia wrote:
Nia kada ulun kada nang bahabar..
Utoh lanji tadi manyambat ujar ada'ai hudah sabuting
cardap pacang handak di turai'akan..

Tajuknya: " Pakistan panjual hambal awan Janda "

Di ulangi nih.. kada ulun kada nang bahabar
manyampai'akan sambatan Utoh Lanji banarai!!

Barilaan.

Ha ha ha ha
Angahnya Utoh Lanji... Ulun tatawa badahulu nih Banjar Kreatif : Cerita Jenaka - Jan 2010 - Page 2 Icon_lol

Amun bujur... nia kah kisah nang Angah ungkai di AB halam!!
Kada sawat baampah ka patang imbaham kana cantas (buangi)

Tagal tajuknya talain saikit:-
Amun kada silap halam " Pakistan jaga Kambing awan Janda "

Amun di ungkai di sia memang sah pang kana cantas juha
Saku papak pang mamai kukulaan..
Yang iya'nya si Kak Long ninto pang " satua banar " jar ha ha ha

Barilaan

Banjar Kreatif : Cerita Jenaka - Jan 2010 - Page 2 Affraid

Banjar Kreatif : Cerita Jenaka - Jan 2010 - Page 2 Affraid

by ***ROSMAH*** Sat Jan 09, 2010 9:08 pm

Kacumbai wrote:
Dandan Setia wrote:
Nia kada ulun kada nang bahabar..
Utoh lanji tadi manyambat ujar ada'ai hudah sabuting
cardap pacang handak di turai'akan..

Tajuknya: " Pakistan panjual hambal awan Janda "

Di ulangi nih.. kada ulun kada nang bahabar
manyampai'akan sambatan Utoh Lanji banarai!!

Barilaan.

Ha ha ha ha
Angahnya Utoh Lanji... Ulun tatawa badahulu nih
Amun bujur... nia kah kisah nang Angah ungkai di AB halam!!
Kada sawat baampah ka patang imbaham kana cantas (buangi)

Tagal tajuknya talain saikit:-
Amun kada silap halam " Pakistan jaga Kambing awan Janda "

Amun di ungkai di sia memang sah pang kana cantas juha
Saku papak pang mamai kukulaan..
Yang iya'nya si Kak Long ninto pang " satua banar " jar ha ha ha

Barilaan

Galak kak ros tatawa Kacumbai'ai!!
Kak ros kada suah lagi mambaca carita si Pakistan nginto, macam tahu2 haja kak ros mambayabak mamai amun mambaca nya he..
Kaya'apa tih carita nya, maka amun kak ros mambaca ta sambat " satua banar?".. Tantu mambari muar kalo!

by ***ROSMAH*** Sat Jan 09, 2010 9:11 pm

hasbima@abe wrote:abe bagi markah

5

tahniah kak ros

Tarima kasih Hasbima..
Bila pulang giliran Hasbima manyurung carita?
Mahadangi haja nih..

by **hasbima@abe** Sat Jan 09, 2010 9:51 pm

tangah mancari ilham....
aur sikit sahari dua ni

by TantadukHabang Sat Jan 09, 2010 10:40 pm

Markah telah di'update' Smile

Terima kasih kerana mengundi

by Dandan Setia Sat Jan 09, 2010 10:57 pm

*ROSMAH* wrote:
Kacumbai wrote:
Dandan Setia wrote:
Nia kada ulun kada nang bahabar..
Utoh lanji tadi manyambat ujar ada'ai hudah sabuting
cardap pacang handak di turai'akan..

Tajuknya: " Pakistan panjual hambal awan Janda "

Di ulangi nih.. kada ulun kada nang bahabar
manyampai'akan sambatan Utoh Lanji banarai!!

Barilaan.

Ha ha ha ha
Angahnya Utoh Lanji... Ulun tatawa badahulu nih
Amun bujur... nia kah kisah nang Angah ungkai di AB halam!!
Kada sawat baampah ka patang imbaham kana cantas (buangi)

Tagal tajuknya talain saikit:-
Amun kada silap halam " Pakistan jaga Kambing awan Janda "

Amun di ungkai di sia memang sah pang kana cantas juha
Saku papak pang mamai kukulaan..
Yang iya'nya si Kak Long ninto pang " satua banar " jar ha ha ha

Barilaan

Galak kak ros tatawa Kacumbai'ai!!
Kak ros kada suah lagi mambaca carita si Pakistan nginto, macam tahu2 haja kak ros mambayabak mamai amun mambaca nya he..
Kaya'apa tih carita nya, maka amun kak ros mambaca ta sambat " satua banar?".. Tantu mambari muar kalo!

Umai alih..
Siapa garang si Kacumbai nia..
Pariannya tahu kisah cerdap Utoh Lanji kana tatak di AB
musti urang lawas nih.. cilakoinya!

Ayuam bapadah..
Amun kada hadak urang lain tahu.. ayuha babisik bagagamat
Pariannya di Juhur... urang lawas si New Jikin pang

Banjar Kreatif : Cerita Jenaka - Jan 2010 - Page 2 Newjikin

Banjar Kreatif : Cerita Jenaka - Jan 2010 - Page 2 Newjikin

Bujur kah!!

by Dandan Setia Sat Jan 09, 2010 11:14 pm

Markah hagan cardap Kak Long
Ulun mambarie..

5 Banjar Kreatif : Cerita Jenaka - Jan 2010 - Page 2 Icon_wink

Syabas n tahniah

by **dragon** Sat Jan 09, 2010 11:38 pm

Dandan Setia wrote:
Markah hagan cardap Kak Long
Ulun mambarie..

5

Syabas n tahniah

aku bagi 3 Banjar Kreatif : Cerita Jenaka - Jan 2010 - Page 2 Icon_smile

by ***ROSMAH*** Sun Jan 10, 2010 12:58 am

Tarima kasih hagan nang mambari'ik markah anu kak ros..
Bahhh!! mula asa ba samangat pulang handak ba carita nih..

Kada sawat lagi handak ba carita di misteri, ada nang handak di caritakan..

by Kalikir Sun Jan 10, 2010 2:20 am

Nia giliran Ulun pulang ma andak cardap nah..
Umpat baturai manarai nasip pang.

Ulun maagak kurang labih 10% juha layaunya.
Tagal taunjuk kanu kakawanan manilai.. apa-apa gin 'No komen'

* Cardap hanya karadau samata-mata. Kada tarait kanu urang nang hidup atawa nang sudah mati.

Ngaran Cardap....
HUNDANG LAKI HUNDANG BINI

Ijam ngaran bujurnya Masjam mambawa nang bini awan anaknya bagana di rumah puga di panghujung kampong Pt. Hj. Dullah. Nang bini bangaran Sapiah. Anak lalaki tunggal ulihan laki bini nia bangaran Sani hudah baumur sawalas tahun. Kurus pancau tapi pintar.

Satidanya baulah rumah hanyar ya'am, kada tapi samparaka'ai. Jalan baampah karumah Ijam nia basubalah awan parit. Jalan babatu habang, magun kada tapi rata bilang papak awan lulupakan.

Hari ini hari Sabtu 23/12/1059.
Ijam laki bini kada kawa manureh. Hujan magun haja garabakan. Bapandiran dimuhara lawang kalikikan tatawa sambil bakikibitan. Si Sani umpat juha barabah disubalah. Talalu bahimat bapusut bakikibitan tutih imbaham asa mandalinding. Babisik Ijam kanu yang bini...

Ijam: "Abang asa lain macam nih, ayupang ka katilan"

Saripah: "Nang saikung nintu pang dimapaam" sambil curing muntung maampah'akan kanu yang anak.

Taranai satumat Ijam. 'dimapaam handak mahandar si Sani nia' jar dalam hati. Kada lawas bangun Ijam baampah ka lamari maambil duit lima kupang balaluan manjulung kanu nang anak, manyuruh kakadai haraguan ikan dll. Jauh juha andaknya kadai tutih. Tulak awan bulik sako labih manangah jam.. malaran juha.

Ijam: "tukar'akan abah hundang hidup dua ikung, laki awan bini, pilih nang ganalnya kakaya ibu jariji"

Sani: "magun hujan nih bah'ai"

Mangunyur laju Saripah maambil tupi kulit 'koboi' intang tawing. Tupi nia tupi kasayangan Ijam. Tagal tutih pina ranai haja.

Saripah: "jin hak, wayah bulik kayina.. taduh'akan hulu ari" jar sambil mamurukakan tupi ka kapala sani.

Babaya turun haja Sani tutih ka palatar. Badadas'ai Ijam laki bini masuk ka bilik baampah kapaguringan. Bilang kada bapantang lagi pang. Bakarasmin bahimat. Ninto gin Sawat haja si Ijam bapandir batakun kanu yang bini.

Ijam: "Urang babini nia pariannya kanyamanan kayaapa alih muhanya"

Saripah: "tahu juha, sako kapalanya tauling kakiwa kakanan pang" tarus manyambungi..

Saripah: "amun urang lalakian pang kaya apa" jar pina supan.

Ijam: "itihi sasingutnya gagarujut" jar

Imbaham kalikikan tatawaan. Pina kalalawasan marandam tutih Asa uyuh hudah Saripah balaluan manyambat..

Saripah: "lawas hudah barandaman.. hudah-hudah hak lagi"

Ijam: "bah maraha tarandam dilupak, kada pacang japuk juaha" sambil batungkas baasa.

Proputt tutt tut kadangaran kantot sang hangkuian di higa lawang bilik. Badadas Sani bukah ampah kalawang balaluan turun kapalatar.. badiri intang parak tangga. Pina habang miar'an muha Ijam awan nang bini mamaraki Sani.

Ijam: "Oohhhh bisa maindap pang hudah alih"

Sani: "Kada Bah'ai.. nih hanyaram sampai"

Kaatas kabawah Ijam maniring nang anak tutih. Diliat tupi kada basah. Baju silawar karing haja. 'bisa badusta pang hudah' jar dalam hati.

Ijam: "amun tulak manukar.. mana hundangnya" pina hangkoi suwara.

Sani: "wayah bukah hundang dalam plastik tadih kalapasan.. balaluan mancapil ka parit" jar takarucut bigi mata katakutanan.

Saripah: "amun bujar ikam manukar.. kayaapa kalakun hundang bini"

Sani: ranai satumat..imbahtu manyambat "kapalanya tauling kakiwa kakanan pang"

Nah hikamam asa mandirau, galudupan baancap jantung, asa sasak hinak Ijam laki bini. Balaluan manahapi batakun Ijam kanu nang anak.

Ijam: "hundang laki pang kaya'apa kalakunnya tih"

Sani: "sasingutnya gagarujut" jar pina gamat.

Basadinan habang muha Ijam. Kada karasaan mailai tangan sing kuatan manampar Sani. Madakannya Sani batunduk saikit. 'Kalapokk" Kana tupi 'koboi' malayang mancapir ka tanah tabuat ka lulupakan. Asa sayang ka tupi tutih.. bakuriak Saripah manyuruh nang anak manjatu.

Saripah: "Jin lakasi turun ambil kayina tarandam"

Sani: "bah maraha tarandam dilupak, kada pacang japuk juaha" sambil mangunyur masuk ka biliknya balaluan mangunci tumatan dalam.

Ijam & Saripah: kilip-kilip bigi mata %$*&^@$%^

Tammat.

Banjar Kreatif : Cerita Jenaka - Jan 2010 - Page 2 Affraid

Tanggal
10 Januari 2010
@ 2.19 am

by **dragon** Sun Jan 10, 2010 10:09 am

hahahahahaha!!!!
dasar utoh lanji, cardapnya gin kasitu jua!

ok! ngini aku barie 4 Banjar Kreatif : Cerita Jenaka - Jan 2010 - Page 2 Icon_smile

by ***ROSMAH*** Sun Jan 10, 2010 10:44 am

Hahahahhahaha..
Cangul jua'ai hudah cardap pian lih Dangsanak!!
Asa mambari tatawa ada jua he..
Maka jar orang "ta lajak perahu hingkat di undur" Ijam dua laki bini tutih kada hingkat lagi ma undur2, tantu supan bangat hiden awan nang anak leh hahahaha..
Kaina mambari'ik markah..

by TantadukHabang Sun Jan 10, 2010 12:42 pm

Markah & Carta telah di update Smile

by **Atong** Sun Jan 10, 2010 5:17 pm

ulon umpat meundik jadik am

mejar auma= 1 Smile

kolonel rosmah=2 Smile

gurkha kalikir=3 Smile

(maaf yer edit sket tadi silap ler pulok)

by Sponsored content