Banjar Kreatif : Feb 2010

waw wrote:Ma mosting di saat akhir......



ma undi di saat akhir.....

Amun mamposting di saat akhir, pengundi kada sawat mambaca wan kada sawat mambari'ik markah, rugi wooooo!!!

cerdap pendukung


TULAK HAJI , TASASAT BAJALAN


urang banua ni fasih awan faham
bangat mambaca makna qur'an
mun Al-fatihah nginto diluar kapala haja sidin mangarti bangat artinya, tapi
sidin baluman bisa cakap arab.

suatu hari sampailah sidin dimakkah tulak haji, sambahiyang dihadapan ka'bah
tarus, imbah talah tawaf , sa'i, tahalul , sidin balalah handak salajur bulik
kapondokan, ka asyikan balalah, mata cagat balilihat dagangan urang haja,
higa mahiga, sakalinya kada tahu lagi jalan manuju bulik ka pondokan, " napa maka kada
sing sampai an aku kapondokan" naaaahh....., sasat ngarannya aku
nia" jar hidin, balalu ha sidin bafikir handak batakun awan urang
nang ada talihat disakitar sidin, tapinya kadida talihat urang indon atawa
melayu, nang ada arab katiya arab haja sakulilingan, baduduk hulu sidin
satumat,sambil mambaca alfatihah, sampai ayat “Ihdinas shiratal mustaqim” ,talintas dihati bahwa artinya “tunjukilah kami kejalan nang lurus” nang ngaran urang mangarti makna ayat, hingkat ai, mamahami maknanya,

sadar diri akan tasasat bajalan, lalu batakun nai awan su Arab

urang banua : “Assalamu’alaikum” jar sidin
Urang Arab : “ Wa’alaikum salam warahmatullah” jar su arab manjawab

Urang Banua : “ Ihdinas shiratal mustaqim” jar sidin, urang arab nginto badiam
haja, kada manjawab lagi, disangkanya sidin mandaras Alfatihah haja , padahal maksud sidin, tunjuki aku kajalan nang bujur, sabab aku ini tasasat jalan. “Ihdinas shiratal mustaqim..” jar hidin maulangi lagi bahangkui
sadikit , sambil ba isyarat diri tasasat, oooh ..., hingkat jua paham urang
arab nginto apa nang dimaksud sidin ," Ihdinas shiratal mustaqim” jar hidin lagi
, balalu ha urang arab tutih manjawab “ ‘Alat Tuuullll” sambil ma arahakan
tangan kamuka manuju jalan batarus (maksudnya , tarus haja bajalan) imbah itu, “tarima kasih” jar sidin, batarus haja sidin bajalan,satangah jam lapas, asa bingung
pulang sidin, napa kada sampai-sampai jua kapondokan, kadida talihat jua ciri-ciri pondokan sidin, dimapa am mun kada ingat
ngaran pondokan saurang, batakun pulang sidin awan su arab nang ada bajalan
parak sidin jua


“ihdinas shiratal mustaqim” jar sidin sambil ma acungakan tangan,
urang arab tutih manjawab “’alat Tuulll.......” (artinya batarus haja) bajalan batarus pulang sidin, sampai basapuluh urang arab tutih ditakuni sidin “ihdinas
Shiratal mustaqim” katiya jawabnya sama haja “’Alat Tuuulll...” batarus pulang sidin bajalan, ayungannya magrib
ari, saharianan bajalan kada tadapat jua lawan pondokan


Akhirnya ka uyuhan sidin, bajalan
kada badaya lagi , tabantai tak sedarkan diri , untung tadapat awan rumbungan umrah pak Haji
JAMHURI rombongan dari malaysia, akhir carita diatarakan jua sidin kapondokan asalnya nang di Misfalah, kada jauh lawan ka’bah
sakalinya, sedangkan sidin bajalan ka arah pasar seng, manuju Hudaibiyah,
taliwati makam ma’laa, subaikah,..... jauh banar balawanan arah sakalinya he'



Istimbatnya : jadi kaina mun tasasat
bajalan di makkah , jangan piragah mangarti, balalu batakun Ihdinas shiratal mustaqim, kaina su arab manjawab ‘Alat Tuuull’ maknanya
disuruhnya bajalan batarus haja , sebab maknanya meminta ditunjukakan jalan nang lurus, jadi disuruh su Arab batarus haja bajalan, karena itulah jalan nang lurus

labaram tasasat jua kaina, ha ha ha...........

Salingkar kisah matan Dandan Setia..
Cerdap nia kada tarait awan yang magun hidup atawa yang hudah kadada. Hanya karadau samata-mata salajur mandarasi bahasa paninian.


CINCIN PUTIH KAKAMBANG PUTIH


Tapat pukul 9.00 malam,
Zaiza habis bagawi, wayah malimpuae gate number 5 lawang wadah
pagawiannya, Zaiza itihi di subarang jalan Izwan bauniform babintingan bungkusan kakambang ros putih ditangan. Imbah malintas jalan, Izwan manyambut awan kurehing manis balaluan manarik tangan Zaiza parak lampu bujur-bujur baampah ka Terminal Bas. ”ai napa garang si mamat nia, ditatangahan KLIA pulang tuh” jar dalam hati Zaiza.

“Zaiza…Wan kada tahu handak manyambat kaya apa!! ,,, tapi”

“Tapi? Nih ros hagan siapa?.” Jariji talunjuk Zaiza tapat manunjuk ampah ke kakambang ros putih yang bapundut awan panyu babunga-bunga.. bingking.

“Hagan ikam pang” bigi mata Zaiza basinar tarang. ‘First time’ bulihi bungalah katakan. Basadinan hati kambang-kuncup. Kada mahadang lawas balaluan Zaiza manjamba bunga dari ingkutan Wan. Putar kakiwa, pusing kakanan balaluan mancium.. arumnyaaa..

Kada karasaan wayah bila, jariji manis Zaiza diingkuti Izwan.. Sadar-sadar haja,
Izwan hudah manculupakan sabigi cincin amas putih, balaluan manunjul bagagamat
sampai ke pangkal jariji. Ngam-ngam muat. Zaiza terkesima. Ba mimpi kah? Zaiza
tapak pipi kiwa, kibit pipi kanan.

“Ikam kada bamimpi kada Zai’ai”

“Hm..nasib baik ngam-ngam.. asaan tih kada rasuk. Maklumlah Zai nih montel
orangnya.” Izwan tatawa. Sengal! Sawat bagayaan!!.

“Cincin napa garang nih??.” Zaiza bapiragah bungul.. tagal dalam hati arainya’ai..

“Cincin kahwin.” Izwan kurehing sambil mangibit pipi kiwa Zaiza.

“Bila masa Ulun handak kahwin awan ikam?..kan Zai handak balajar lagi ka Austarlia” Jar Zaiza awan muha salamba.

“Lima tahun tumatan wahinih, simpani hak.. Wan mahadangi.. amun ikam kada manarima, kayina dah sampai Austarlia pos bulik kanu Wan okey.”

Izwan baugah maninggalkan Zaiza, cincin awan kakambang ros putih.




Lima hari sasudah..lima tahun imbah tuhh..

Banci banar urang datang lambat nih, rasanya wayah nih juha Zaiza handak bukah
kaluar maambil spray banyu, sambur kamuha. Maraha cair mekap-mekap nih. Hijaakan basah jimus songket putih "cream" nih… tapi karana maras maitihi kakak-kakak ipar yang bahimat mangipasi, ma’ambilakan banyu, manganie "touch up" mana yang patut, balaluan ranai duduklah Zaiza kada bagarak. Mahadang dalam bilik pangantin yang sarabanya putih.

Nasib baik Bapanya hanyar mamasang "aircond" dua minggu hudah, ujar umak nyaman tadingin saikit, kadaah Zaiza cair dalam bilik kayina.

Dah parak bapuluh-puluh orang bakasak masuk..satumat-satumat jar handak maniring pangantin.

Jar tadih matukah rosak, ish..napaan maka wayah nih maka jadinya. Kanapa kada
diparigal awal-awal?? Dahlah Zai kada khatuju batapal awan mekap ilah wayang
opra cina..Rimas!
Zaiza menguap halus babaya taungkap muntung.. mangilar jam ditangan subalah kiwa.. Dah mangantuk nih. Zaiza bakicing.. kada sadar bilakah wayahnya taguringan.

Tailanan haja..ada urang mangibit pipi, Zai tepis. Imbahtu mangawil telinga. Zai tapis lagi. “Warik.. ulun handak guring laa”

Zaiza buka mata. Suasana reep. Yang tinggal cuma Zaiza, bilik pengantin saraba putih awan desiran aircond. Zai kulih kakiwa kada baurang.. kulih kakanan kadada juha. Eh..mana’an urangnya nih??

Basadinan kadap gulita. Mata Zaiza ditukupi pisit. Siapa pulang maulah april fool nih?? Zaiza tunjul tangan kasar yang manukupi matanya. Tungal ikitan Zaiza
dapat malihat sinar cahaya.

Izwan takurehing. Ada sakuntum kakambang ros putih ditangannya.
“Eh..dah sampai rupanya mamat ni”. Zaiza umpat kurehing.. ma’ambil ros yang yang
dijulung Izwan. Lawong kapala Izwan, Zaiza pacul andak kapinggir. Izwan marabahakan kapalanya diasuhan Zaiza. Zaiza pusut-pusut bagamat rambut hirang kariting., arumnya’ai..

“Wan sayang Zaiza.” sambatan Izwan pina gamat.
Banyu matanya bajarujuhan.. tarasa hangat garabakan kaasuhan Zaiza. Zaiza
angkat kapala Izwan.. Wan manangis?? banyumatanya Zaiza sapue.

Zaiza tasintak dari mimpi guringnya wayah awaknya digoncang. Baju songket
putih yang diragapnya bakarudut. Di lantai, barang-barang hantaran tarsusun
kaya asalnya. Tinggal lima hari lagi sabelum diijabkabulkan awan Izwan.

“Ada pangilan …umak nangis jar pasal Izwan” jar ading Zaiza.


Imbah mandangar ngaran Izwan.. Zaiza bapuat bukah kaluar ampah katalipon…
dip dap dip dap injap jantung Zaiza mangumpa laju.
Di talinganya tadangar tangisan matan curung talipon. Mama!

“Zaiza… ranai.. hanya isakan tangis yang kadangaran.

Zaiza mahiyut hinak dalam-dalam.. rupa Izwan mananggis taganang basadinan.

“Izwan dah kadada! Flight latihan yang di daribarnya tahampas pagi tadih” ujar nang uma.

Ya ALLAH! Wayah nia sapanggal nyawa Zaiza tarabang maninggalakan jasad. Batis Zaiza lamah basadinan balaluan tajalipok kalantai. Banyu mata luruh kapipi garabakan kalantai. Sarabanya ganangan lima tahun yang sudah baputar cinit di ingatan... suara tangisannya kada kadangaran.. hanya awaknya bagantar-gantar .. sasak hinak kadap panjanak. Kada tahu barapa lawas Zaiza laip.


Lima tahun ganangan indah.. lima tahun..
nia dalam lima hari wastu…Izwan hudah manyahuti hiyauan ilahi. Bagagamat Zaiza
mancium Cincin Putih yang kada suah pacul matan jariji manisnya.


Tammat.
Tanggal 21 Feb. 2010
@ 8.46 pm

AF pulak dah...hehehehe

Besok ada pelancaran telecenter kat rumah media melaka, achik waw ada tak kat sana ?

http://www.micth.com/

Carita sadiih

TULAK HAJI , TASASAT BAJALAN



best carita Pak Didin nia.
Banyak carita urang Banjar bahari bapiragah wani di Tanah Suci. Yang panamparan bacarita manampar pak Arab yang tingginya 6 kaki ++ . Kada wani arab tu malawan jer!!!

Sabujurnya Arab ninto basabar di tanah suci banar ai

sadih jua mambaca cerdap andih dandan setia..

Kaina mangumpulakan carita huluk hanyar mambari'ik markah..

Auma wrote:TULAK HAJI , TASASAT BAJALAN



best carita Pak Didin nia.
Banyak carita urang Banjar bahari bapiragah wani di Tanah Suci. Yang panamparan bacarita manampar pak Arab yang tingginya 6 kaki ++ . Kada wani arab tu malawan jer!!!

Sabujurnya Arab ninto basabar di tanah suci banar ai

tarimakasih atas dukungannya
tahniah Auma

ulun dah kata dah malam tadi, mesti ada yang gatal tangan 'super-impose' gambar AF tu...hehehehe

ulun letak kat depan gambar tu

Handak mancuba nasib jua..
Tapi kada carita sadih atau kalakar...

BA HURUP TIKAR..

Tahun 60'an banyak orang2 kampung kami di pandalaman Batu Pahat, pindahan ka Sungai Tiram parak Kota Tinggi Johor.. Pekan Sungai Tiram tu ada jua nang mangarani Batu 13.. Ada nang ba jual kabun di kampung, imbah tu manukar kabun di Sungai Tiram di kampung Batu 16 ngaran nya..
Nang pindah nginto ta masuk kakak ipar atok kak ros sa paranakkan wan sa pacucuan..
Umpat jua pindah, kakak sulung umak kak ros awan 4 anak bibini nya, carai awan laki sebab laki kaki judi macuk!!
Nang ada manukar kabun, hidup ta sanangai pada nang lain..

Imbah tu kerajaan tawari tanah rancangan (felda) ba ampah ka dalam Sungai Tiram, ka dalam lagi pada batu 16 tutih.. Tapi nya kerajaan unjuki tanah haja, rumah kana olah saurang awan kabun kana tanami saurang tapi banih gatah kawin kerajaan unjuki.. Amun jalan mahantas lalu dalam, Batu 16 tu parak haja awan Rancangan Felda tutih.. Banyak orang banjar matan Pontian dapat tanah rancangan tu jua..
Pahadangan ma olah kabun di rancangan nginto, nang ada kabun gatah saurang di turehai hagan makan! nang kadada ba kabun kana mamawah kabun orang manoreh..

Mamarinak kak ros tih ta susahai pada bubuhan nang lain tapi hiden sa paranakkan rajin bagawik, sayur ba tanaman saurang, malam2 manyuluh hundang di sungai di balakang rumah! kira amun hagan makan cukup haja.. Bahari sungai di situ banyu nya jaranih ba pasir, walaupun kada dalam, hinggan sa tangah landau haja tapi malaran jua landas nya! Sa lain hundang, banyak ikan kali, haruan wan limbat di situ.. Atuk kak ros nang dapat jua tanah rancangan nginto ma olahakan lukah hagan mamarinak kak ros manahan lukah di sungai di situ..
Tapi nya Atuk kak ros ba olah rumah di rancangan (felda) tu, tiap bulan nenek ma antari duit hagan balanja ma olah kabun! Nenek awan anak2 bujang nang balum kawin tinggal di kampung manorehan..

Wahini banyu sungai tu hudah igat tercemar! amun kita lalu ba ampah ka Kota Tinggi, ta lalui jambatan Sungai Tiram nginto! jauh2 hudah mandingur bau haruk banyu nya he..

Rumah mamarinak kak ros ta ka muhara saikit pada nang lain, ta parak awan rumah kakak ipar Atok.. Jua ta parak awan rumah sa pupu2 nang lain..
Anak hiden nang panambaiyan kada di sakolahakan wayah di kampung, hagan ma inguk ading2 jar! nang lain sakolahan haja tapi hampai darjah 6 jua..
Ada lagi ba dua sa pupu umak kak ros nang ba ganak ta ka dalam, di subarang sungai! tapi ada jambatan hagan manyubarang.. Ba subarangan sungai tutih ba ganak orang melayu sa paranakkan awan cucu lalaki..
Orang melayu tu ngaran nya Cik Mat, gawian jadi mandur, katuju bangat ba buru binatang di hutan2 parak situ..
Anak nang bibini hudah kawinan, jadi tinggal anak bujang lalaki ba dua wan cucu lalaki ingunan hiden..
Anak lalaki nang tatuhak gawian manoreh di kabun saurang haja, anak nang sa ikong ba gawik kerajaan..

Handak di jadi akan carita..
Cik Mat dua laki bini nia rupa nya karap ma indap sa pupu2 kak ros manoreh! kapingin jar awan nang sulung nang ngaran Irom hagan di jadiakan minantu.. Jadi di para'akanai hagan anak nang tatuhak ngaran Abang Hashim! Abang Hashim nya kada kisah, ayu'haja!! rupa nya Abang Hashim tih di hahandaki oleh anak sa pupu umak kak ros nang di subarang sungai (sa pupu dua kali awan kak ros), ngaran nya Iyam..

Ngapang ngada!! bila Kak Iyam mandangar Abang Hashim hudah di para'akan hagan Kak Irom, pada ma'amukai inya!! Bukah dari rumah ka jambatan, handak ba tajun ka sungai he..
Abang Hashim nang tangah ba tualaan gin umpat jua bukah ka jambatan handak manyabari.. Kak Iyam tih asa putus harapan hudah, ba laluan "burrr" ba tajun matan jambatan ka dalam sungai! Abang Hashim kada purun malihat, tarus manajuni!
Abang Hashim dapat manangkap Iyam di dalam banyu, di kindung nya di bawak naik!
Bukan nya sawat lamas hahaha..
Banyu nya walaupun landas tapi sa tangah landau jua! kada tinggalam amun ba cabur walaupun dari atas jambatan..
Ujar orang wahini "trick" narai luko'!!

Imbah tu Cik Mat dua laki bini kada nyaman jua fikiran, kada jadi Abang Hashim tutih di tunangakan awan Kak Irom! Ading Abang Hashim nang ngaran Berahim pulang di hurupi hagan Kak Irom.. Abang Hashim tih di para'akan hagan Kak Iyam!

Pamulaan Abang Berahim nya kada handak kada dijadiakan mangsa Hurupan Tikar, sarek bangat jar!!
Tapi nya ta paksa pasal handak manutup supan kuitan! angan2 nya bila hudah kawin handak di caraiakan nya bini.. Napang kada suah ba pinanduan, alih2 kana tunangkan!!
Bila hudah kawin, malihat bini bungas imbaham sayang bangat ka bini..
Kak Irom tutih tumatan dari kampung umur 12 tahun hudah ada nang ba para', imbah tu banyak jar nang ba para' tapi mamarinak kak ros kada tampani sebab anum bangat lagi.. Kawin tu gin umur hanyar 16 tahun..
Wahini Kak Irom nya hidup sanang, laki nya dah pencen dari gawian kerajaan nang sama awan laki kak ros..
Kak Iyam nya dua laki bini sampai wahini paguni haja di kampung tu, bagawik kampung! anak2 nya gin hudah kawinan..
Anak2 Kak Irom, walaupun nang umak kada sakolah tapi anak2nya ada beberapa orang nang balajar sampai universiti, ada nang balajar hampai dapat Dr. jadi pensyarah di UKM.. Alhamdulillah
Kaya'itu lah takdir sa saurang.. Kita cuma marancang tapi ALLAH nang manantu'akan jodoh..
Sekian.. Barilaan..

mana pang lagi nang maantar cardap kasia, asa kada sabar hudah handak mambaca nah

Dandan Setia wrote:

Yang lawas tu kada rasuk TH'ai
Copy matan Multiply!!


Cuba yang nia pang dimapa'am!!



Barilaan

Bahh alih!! harat nya logo cerdap kita..
Cukup saraba nya ta buat di dalam logo tu TH'ai..
Terima kasih dangsanak'ai!!
Nginto ngaran nya bujur2 Banjar kreatif he..

pulak dah...dah update dah...keh keh keh, jadi cerdemy fantasia

nanti ulun tanya sarimah ibrahim handak ma-ngacara atau tak...ulun ada sarimah ismail inya kadak faham bahasa banjar, orang terengganu...hehehehe

umai alih

ngini kisah cinta terlarang

sadiih jua akhirannya

achik hasbima, link youtube tu salah kod... < nya takde rasanya...

umai sariknya network di rumah ulun, ulun ada 3.5G celcom, di kedai full 3.5G....bawak ka rumah hilang 3.5 nya tinggal GPRS haja.....bahanyut haja...

Terima kasih Hasbima! mamposting carita sadih tapi rame'..

Ba ampat hudah ma andak cerdap ka sia, Auma bila lagi?
Yukk!! MSJ bila jua lagi??

TantadukHabang wrote:achik hasbima, link youtube tu salah kod... < nya takde rasanya...

umai sariknya network di rumah ulun, ulun ada 3.5G celcom, di kedai full 3.5G....bawak ka rumah hilang 3.5 nya tinggal GPRS haja.....bahanyut haja...

link youtube nang mana salah...th
di pc abe ok haja
kaluar lagunya

aisey man, ni kes 3.5G hilang 3.5 lah ni...minik minik

Kayaapa handak mambarie markah!!

Amun hudah ba Logo kaya Academy Fantasia @ Cerdemy Fantasia nia..
sabalum maunjuki markah kana karitik dahulu kalo'... kada lah!!

Kanapa kita mambarie markah banyak!
Sebab napa kita manjulungi markah saikit!

Bukan napa-apa'ah..
Sahibar mambujurakan jalan Cerdap yang diulah.
sakadar mambaiki bahasa paninian.
Supaya Banjar labih kreatif.

Pendapat ulun banar haja nih.

Barilaan.

ulun sapandapat haja awan D2S, sebab segala sesuatu itu musti diawali dengan penjelasan dan pemahaman, apakah itu namanya keritik ataupun saran nang bersifat mambangun, sehingga markah nang didapat akan lebih murni dan tidak berbau kolusi atau kong kalingkong

handak ma-kritik atau tidak terpulang pada pengundi lah...kalau nak kritik, kritiklah...kalau kada handak kritik, beri haja markah. terpulang. ulun malas ada yang ba-timpas, ba-tempungas takpe hehehehe

panat ma-udak 3.5G ni, 2 bar 3.5G haja paling kuat di rumah. amun ka kadai full 5 bar 3.5G nya...hehehehe

TantadukHabang wrote:handak ma-kritik atau tidak terpulang pada pengundi lah...kalau nak kritik, kritiklah...kalau kada handak kritik, beri haja markah. terpulang. ulun malas ada yang ba-timpas, ba-tempungas takpe hehehehe

panat ma-udak 3.5G ni, 2 bar 3.5G haja paling kuat di rumah. amun ka kadai full 5 bar 3.5G nya...hehehehe

pakai modem AT & T TH ai, nang tabagus