MANYULUH..

waw wrote:he he he .....aku ingat hang makan jenahak asam pedas saekor sorang.....

Ikan tu jenahak...kuah nye asam pedas segera brand berahim..he he he

waw wrote:Amun makan nasi tengahari di 35 tu.........


hitung panjang....... saurang RM 10 . 00

Angah Waw amun di siya makan nasi lawan 2 lauk di kadai tom yam 3 KWD.....RM 36 sorang.... RM10 bleh sangat la tu

waw wrote:Di kedai Bukit Katil.........RM 5.00 termasuk tea O.

Kedai bukit katil asam padas nya nyaman leh

waw wrote:masing masing ramai pelanggan nya.......

Kaena lah amun ke malaka handak ja try asam pedas tu....

waw wrote:Kari kepala ikan kada handak mencubakah ?


di kuwait kepala ikan orang tak makan kut.

Kari kapala ikan ada ai di siya....Q8 penduduk 3 juta... asli kuwait 1 juta... 2 juta lagi pendatang nang bagawik.....he he he he 1 juta orang India di siya ilah bagana di Mumbai ja angah nya...

Angah Waw;

Ilah kaini ja Q8

he he he tagal pohon kada hijau...padang pasir je

Amun di ingat2 kenangan bahari wayah manoreh memang rame'2, tapi wahini kabun abah kak ros dah habis di palanting (di tabang wan tanam samula), samuaan di tanami kalapa sawit. Kabun arwah nenek di gunung gin di tanami kalapa sawit jua, kabun tu asal nya memang kabun pusaka arwah bapak abah kak ros tapi arwah nenek ma injam kabun tu, di tanami hidin gatah! jadi amun kami manoreh di kabun tu kada ba bagian kada, ba bagi dua awan nenek nang sama2 manoreh haja lah.

Hari jumaat sabtu atau cuti sakolah memang kak ros mangini'ik nenek manoreh, amun kada nenek kada talah manoreh! ekar nya banyak tapi ba olihi gatah 3 kaping jua. Bahari kadada gatah kawin (pokok gatah nang banyak mangeluarkan susu gatah), arwah atuk kak ros subalah umak gin bahari inta cantumakan gatah kawin anu bapa MSJ, umak kak ros ma hiyau bapa MSJ tu Pakacil Lani, hidin bisak mancantum gatah kampung awan gatah kawin.

Bila kabun gatah tuhak kami nang parak rumah di palanting wan di tanamai samula, mahadangi 7 tahun hanyar hingkat di toreh samula, kami tulak manoreh ka gunung anu nenek. Tulak ba basikal surang sa buah, imbah mamunggut gatah umak kak ros bulik ba dahulu mamasakkan ading2, kak ros manggini'ik nenek ma injin gatah di kelompok (tampat ma injin gatah ramai2).

Sa rajin tu nenek manyuluh dahulu saikit di kulilingan rumah, bila inda tatarawan (handak siang), nenek naik ba masak nasi wan lauk apa nang ada, ujar nenek "kada gagah manoreh amun parut kosong". Imbah makanan kak ros wan umak tulak manoreh mamawah dahulu di kabun Nenek Carang nang ta ka atas bukit saikit, lalu jalan ganal tanah habang. Umak kak ros manoreh kabun anak nenek Carang, kak ros manoreh kabun andih nenek Carang nya, bukan nya banyak! dalam 200 pokok surang jua.
Nenek Carang tu ba jualan kuih di pasar rabu kg.kami bahari, kuih hidin sadap2! ada kuih cincin (penderam), kararaban, kuih paparik,gagatas, kuih lapis wan kuih rangin. Bila laki nenek Carang ni maninggal, hidin umpat anak ka Felda Bukit Ramun, Kulai, Johor. Tanah di juali, tanah nang anak, ipar sa pupu abah kak ros nang manukari, nang andih nenek Carang pulang, abah kak ros manukari nya. Banyak pokok tiwadak, sampai wahini maguni ada wan ba buahan lagi, pokok kuliling rumah makaam habis matian kana banyu ba'ah.

Ta layau ba carita he.. Ba bulik samula ka penorehan tadi! Bila sudah talah manoreh mamawah, kami bulikkan ka kabun nenek lalu mahantas di pahujung torehan, ada lah salang 3 kabun orang nang di lalui hanyar sampai ka torehan nenek! Bulikkan nya tu nang kami karap ta parawong awan cikgu lalaki nang ma ajar semantara di sakolah randah di kg.kami, cikgu tu awan ading lalaki nya nang sama sa kelas awan kak ros manoreh jua!
Amun kalihatan nya kami dari jauh2, cikgu tu lakas ha' ba sungkup di higa pokok gatah! amun cikgu tu kada perasan, tu nang ta parawong! Paksai cikgu tu managur umak kak ros, anu kak ros cikgu tu mangilar haja wan hahanjilum kurehing he..

Cikgu tu ma ajar ading kak ros nang bibini no.3, ading kak ros tu memang macal! di galari nya cikgu tu *Cikgu Gumpam*, di kapong cikgu tu sampai ka padang bila ading kak ros mawarahakan awan manyanyiakan lagu bahari *Gumpam2 tara rararam*. Bila kak ros bulik sakolah, ading kak ros lakas ha' manyampaiakan kirim salam cikgu gumpam. Bila kak ros tulak manoreh anu nenek, sa pupu kak ros pulang nang manyampaiakan kirim salam cikgu gumpam! kayaitu lah bilang hari2 dapat kiriman salam..
Habis balajar kak ros umpat mamarinak ba ganak di Johor Baharu, di dangar habar cikgu nginto masuk Maktab Perguruan.

Hari Raya 6 tahun lapas, cikgu gumpam tu ba ilang ka rumah ading kak ros nang ma warahakan *gumpam2 tara rararam* bahari. Kami memang ta kumpulan sa paadingan bulik kampungan ba raya wayah tu. Ading2 lalaki kak ros tulakai manyabuah ka rumah ading kak ros, umak kak ros gin handak jua ba tamuan awan cikgu ninto. Tamadakkan nya laki kak ros guring, jadi dapatai jua manyabuah ka rumah ading he..

Bila kak ros sampai haja lakas ha' cikgu tu marawak (managur) " lawas kada batamuan, bahari tatamuk di torehan haja!" ujar nya.. Jawab kak ros " bahari hari2 kirim salam tapi bila tatamuk di torehan, ba sungkup!", pada gigir tatawaan barataan, anak bini cikgu tu gin tatawa jua, mangartikah?
Rame' kami mamandir kisah2 bahari di kg.kami. Bila hudah handak bulikkan, anak bini cikgu tu tulakai ba ampah ka matukah tapi cikgu tu maguni haja mamandir! bila ba salaman sampai ka giliran kak ros, imbaham ba rikit salam he.. Ujar nya " dari bahari kapingin ba salaman tapi hanyar wahini dapat ba salaman" macal jua cikgu nginto he..

Wayah kak ros mangawinakan anak sulung, cikgu tu ada datang! cikgu tu kawan chating ading kak ros di PBM dahulu.
Amun cikgu tu ada mambaca carita nia, inta maaf cikgu'ai! kaluar carita kita bahari..
Mana tahu imbah ni cikgu tu mau ba chating wan ba forum di sia!
Ba semangat pang kak ros ba kawad samula ha..ha..

waw wrote:Talah ka hudah manjahit baju.........


Di Butik tu tentu banyak baju jahitan kak ros........

Manjahit baju anak2 wan minantu dahulu nih..

Kada sawat manjahit waw'ai, masa hari jualan besar2an JJ bulan lapas, habis linggis awan stok2nya kana borong..
Amun stok hanyar sampai, sa minggu jua hudah habis kain di tukari orang..
Alhamdulillah.. Mudah2an kaitu haja sa lawasan..

Ba kawad malam2 nia ilah orang manoreh manyuluh bahari'ai jua..
Amun manoreh ba olihi duit tapi ba kawad nia papang!
Takana nya amun kada di a'aur orang rame'ai tapi amun nasib kada baik, sakit hati!
Amun manoreh sakit tangan manggukut palanan awan pisau panorehan narai, sakit talinga awan linggong2 bunyi nyamuk.. Amun batis ta handung akar gin sakit jua, nasib kada baik ta jarungkup! Itu satumat jua sakit nya, kada kayak sakit hati! manahun balum tantu hilang...

bah!
kak ros bakawad jam 3 pagi!
sasambil masak sahor luko...

Tarus ba sahur Dragon'ai..
Imbah subuh guring pulang samula, malandau!
Hari ni cuti hujung minggu di Ganu, kada sakolahan awan kada bagawian..

sapa sakit naek atas pang!!!!

dragon wrote:bah!
kak ros bakawad jam 3 pagi!
sasambil masak sahor luko...

Hudah tangah malam line network ok saikit..
Hingkat jua manyelak2 foram..

waw wrote:kak ros makai line celcom kah

Hi'eh waw'ai..
Sa rajin kada lah problam bangat, tapi dalam minggu ni haja nang taruk!
Kadang2 line kosong tarus..
Hudah malam kayak nia ok lah ni..

waw wrote:Canggih laa makai broadband ni........

Masa kadada broadband, kak ros pakai handphone nokia!!
Dah ada broadband hanyar sanang saikit..
Amun bulik ka Batu Pahat bawa broadbrand awan lap top haja..

Kak ros balum ada lap top lagi, asa kapinginai jua!
Amun bulik kg.pakai andih anak2 lah..
Tapi amun bulik kg.memang kada kaubaran lagi handak ba chating atau ba forum! banyak pandiran awan banyak program..

Amun orang manoreh atau manyuluh..
Bila ari tarang haja kada hujan, patang2 hudah ma asah pisau panorehan kirut2 di muha lawang, ba andal watun! panambaian ma asah awan batu asah nang ta kasar saikit, ma asah intang pipi wan mata pisau panorehan,bila hudah landap hanyar di asah di kilir2 awan batu asah nang ta lanyap saikit! handak tahu landap kada nya, tarai mata pisau panorehan tu di andak ka kuku! amun inda ba rikit mata nya ka kuku, landap tu hudah..
Di simpani'ai lagi di dalam baladi, mata pisau panorehan di pundut makaam awan rihitan kain buruk! kaluko di main nya kakanakkan.. Lagi kaluko ta rubuh wayah mambawa pisau tu tih, pa' bangrak ( luka dalam wan ganal) amun kana parut atau batis..

ayah mintuha Mail kawan ku di Jeransung ampah jalan ke Benta dari Jerantut...papagian hudah tulak manoreh dua laki bini. Subuh tu hidin takajut ada babi tunggal nang sadang sasarusup di bawah pohon gatahnya. Di ambil hidin ranting di hawar ka babi tu..sagan hidin babi tunggua tu bukah, rupanya kadak ..saling darasan mangapung ampah kahidin..kada sawat maelak..dirodok oleh babi tunggal tu...babau tampaha..14 jarum bajahit..saminggu di wad.

Andika halam di felda Sg Retang leh...

Ada sapupo ko kat sana...kami nyaro lakinya abang Mawi...Asmawi luko ngarannya...Abang Mawi ni asal Peket 20, Sg Hjai Dorani...
Sapupo tu kami nyaro Kak imas, asal Simpang 5...anakya ngaran Izul(34 tahun)...Ipah...

UmaYani/UY wrote:Andika halam di felda Sg Retang leh...

Ada sapupo ko kat sana...kami nyaro lakinya abang Mawi...Asmawi luko ngarannya...Abang Mawi ni asal Peket 20, Sg Hjai Dorani...
Sapupo tu kami nyaro Kak imas, asal Simpang 5...anakya ngaran Izul(34 tahun)...Ipah...

Umak ayah ku hudah 32 tahun di Sg, Retang..memang ako bagana disana umpat kuitan.Sapa ngaran bujur sapupu tu...saja ramai urang selangor di Sg. Retang..Banjar awan Jawa..mun dapat no rumah , ngaran jalan dan blok berapa

Kina ha batakon ka adingnya...

Jarang banar batahabaan Kak Imas & abang Mawi...

Mun ianya bulik kpg...kami pulang kada bulik....

cuur- cuur mau takait kulaan nih, tapi UY inya katurunan kaluak

luko ada nang kawin campur
kandangan + kaluak
Alai + Kaluak

Heih bujur... arwah uma ko kalua...lahir kat Kuala Kurau...

Arwah abah tu ada takambuh alai luko...pasal marinaan balah abah bisa basurah alai... kalua gin bisa...

arwah marinaan...kaka arwah abah nyambat kunyit tu janar...garam tu uyah...
kami nyambat ayak...ianya nyambat banyu...

UY mlam tadi aku ta jumpa urang Sg Retang
manakuni pasal sapupu UY tu
jar Abang Man ngaranya Jamhari...( Alai ) Bini nya Imas ( Kalua )
masih manyiasat.....macam 360...jeng...jeng