Ulasan Puisi

by Ranai Thu Aug 06, 2009 1:22 pm

Salam barataan. Topik ini ulun buka gasan bubuhan nang katuju menghayati puisi. Silakan beri ulasan gasan dikongsi bersama.

by Ranai Thu Aug 06, 2009 1:23 pm

Ulun mulai awan sajak Pingkalung Sangkut karya Arsyad Indardi

Pingkalung Sangkut

Mun bapandir pakara gawi sabumi

Cah babubuang liur basi banarai

Dipikirpikir kada jadi baras

Mbah sasain tinggi kamajuan zaman

Sasain jua tabuang adat pusaka urang bahari

Jar urang kada baparibasa baguna tahi larut

Wayahini urang bapipintaran mancari kadudukan

mancari duit nang kaya apakah caranya

Dalas bakalahi sakalambu dalas mamilanduk

manimpakul atawa manahi punai

Han kada sakira wayahini

Banyak bagung jadi raja

Kada ingat lagi lawan tanahbanyu

Sahibar maniring sahibar malihat

Binjai marimbun daun babuah labat

Siapa jua nang uyuh mananam

Adingku handak inya mangidam

by Ranai Thu Aug 06, 2009 2:06 pm

Ranai wrote:Ulun mulai awan sajak Pingkalung Sangkut karya Arsyad Indardi

Pingkalung Sangkut
Penyair memilih tajuk yang tepat untuk disepadankan dengan maudhu' nang handak dibicarakan. Bila pingkalung sangkut seseorang tidak dapat lagi menukuni buah. Kaya itulah penyair menggambarkan ketidak mampuan ia nang hanya sebagai seorang ahli dalam masyarakat kada kawa hendak membetulkan kepincangannya.

Mun bapandir pakara gawi sabumi
Cah babubuang liur basi banarai
Dipikirpikir kada jadi baras
Mbah sasain tinggi kamajuan zaman
Sasain jua tabuang adat pusaka urang bahari

Penyair dah muyak bakisah tentang topik nang bakisar dalam masyarakat. Pada penyair inya hanya mambuang masa, pacul muntong mamadahi tagal urang kada handak manurut. Mamikirkan isu semasa 'gawi sabumi' kada mandatangkan kebaikan kepada pembangunan ekonomi 'kada jadi baras'. Semakin tinggi kemajuan yang dicapai semakin urang mambuang adat, nilai murni kada dihirani lagi, halal haram dah jadi perkara halam

Jar urang kada baparibasa baguna tahi larut
Wayahini urang bapipintaran mancari kadudukan
mancari duit nang kaya apakah caranya
Dalas bakalahi sakalambu dalas mamilanduk
manimpakul atawa manahi punai

Pada penyair, jenerasi hari ini kada makan saman lagi, dipadahi kada mandangar, diumpamakan lagi bagus tahi nang larut di sungai. Untuk mancari kedudukan urang demini sanggup tindas manindas, waluh mawaluhi. Sampai matlamat menghalalkan cara. Kaum keluarga saurang 'bakalahi sakalambu' gin sanggup dibungoli. Nasihat wan peringatan kada tapakai diibaratkan ilah jadi tahi burung nang batuyuk di bawah sarang merpati

Han kada sakira wayahini
Banyak bagung jadi raja
Kada ingat lagi lawan tanahbanyu

Penyair sudah banyak melihat contoh urang nang asalnya susah atau golongan marhain, bila sudah bapangkat jadi lupa daratan 'bagung jadi raja', hilang rasa patriotik wan kada mahirani negara saurang.

Sahibar maniring sahibar malihat
Binjai marimbun daun babuah labat
Siapa jua nang uyuh mananam
Adingku handak inya mangidam

Penyair mambawai kita mamikir akan segala kemajuan wan pembangunan nang diusaha akan secara bersusah payah oleh generasi nang tadahulu digambarkan melalui puhon 'binjai nang marimbun daun babuah labat' supaya dipelihara wan ditarua akan untuk dinikmati oleh generasi nang dudi nang disambat sebagai 'ading ku'. Generasi nang dudi sangat dahagakan keamanan, kemajuan wan keharmonian. Penyair menggunakan perkataan 'mangidam' bagi menggambarkan citra ini.

Ulun mangucapkan tahniah kanu Pak Arsyad nang pada ulun telah berjaya menyampaikan massege dengan menggunakan perkataan nang tepat wan ayat nang padat. Beberapa peribahasa Banjar seperti 'babuang liur basi', 'bapikir kada jadi baras', 'baguna tahi larut', 'bakalahi sekalambu', 'mamilanduk', 'manahi punai', wan 'bagung jadi raja' sangat tepat penggunaannya dan menjadikan mesej sajak disampaikan dengan padat.

by **hasbima@abe** Thu Aug 06, 2009 2:37 pm

pada sagi bahasa bagus puisi ni
manggunakan bahasa banjar alai/kandangan
mun kada biasa mandangar..mau-i kada faham

taruskan ranai.......
kita rahati ba puisi....malambut hati

786lav.12

by Ranai Thu Aug 06, 2009 3:46 pm

Panjang banar sajak tutih sako, nia itihi nang tahandap. Sako banyak nang umpat mahalusi........

Kambang Campaka, Gugur Sakaki

Tanganku jimus marangkai du’a
Mahadang siapa jua nang datang manjumputakan
Tanah mahampar dinginnya subuh
Sisigan nang panjang dibawa angin
Kusilak aminnya :
Kurangkai kalupaknya nang
bahamburan dalam hatiku.

by **hasbima@abe** Thu Aug 06, 2009 10:22 pm

Ranai wrote:Panjang banar sajak tutih sako, nia itihi nang tahandap. Sako banyak nang umpat mahalusi........

Kambang Campaka, Gugur Sakaki

Tanganku jimus marangkai du’a
Mahadang siapa jua nang datang manjumputakan
Tanah mahampar dinginnya subuh
Sisigan nang panjang dibawa angin
Kusilak aminnya :
Kurangkai kalupaknya nang
bahamburan dalam hatiku.

imbah tu
patamuan balalu
di panjuru mata ku nang biru

786lav.12

by urangbahari Thu Nov 19, 2009 4:03 pm

Hati ulun balum hawas manulis sajak bahasa Banjar, tapi masih balajar lagi.

Bukan apa tabiasa sudah manggunaakan bahasa Malayu...

by didin Fri Nov 20, 2009 2:28 am

ujar urang bahari

apik-apik maulah kanji
jangan sampai tual-tualan
apik-apik maulah janji
jangan sampai asal-asalan

amun kanji tual-tualan
kain hanyar ngalih dilipat
amun janji asal-asalan
kainanya ngalih badapat

biarlah luka batisku
dibatis kawa kuhariti
mun sudah luka hatiku
dihati sampai kamati

diapailah jua , badanku, badanku

bamalaman manjatu manggis
lanjungku kipit kada muat
bamalaman aku manangis
jantungku sakit kada kuat

(ngini contoh papantunan bhs banjar haja tumatan lagi bahari)

by **hasbima@abe** Fri Nov 20, 2009 12:24 pm

hasbima@abe wrote:
Ranai wrote:Panjang banar sajak tutih sako, nia itihi nang tahandap. Sako banyak nang umpat mahalusi........

Kambang Campaka, Gugur Sakaki

Tanganku jimus marangkai du’a
Mahadang siapa jua nang datang manjumputakan
Tanah mahampar dinginnya subuh
Sisigan nang panjang dibawa angin
Kusilak aminnya :
Kurangkai kalupaknya nang
bahamburan dalam hatiku.

imbah tu
patamuan balalu
di panjuru mata ku nang biru

786lav.12

parpisahan balalu
di penjuru
mata mu yang unggu

abe.......786

by didin Fri Nov 20, 2009 2:37 pm

ibarat bunga kambang seroja
nang senantiasa disayang dipalihara
saat katika ada nang mamutiknya
umai alih.....kapupurunan andhika

tapi apalah daya, sudah saatnya
seroja kambang gemilang mulia
diparsunting oleh sang panguasa
jadilah ia permaisuri raja

by **hasbima@abe** Fri Nov 20, 2009 9:09 pm

didin wrote:ibarat bunga kambang seroja
nang senantiasa disayang dipalihara
saat katika ada nang mamutiknya
umai alih.....kapupurunan andhika

tapi apalah daya, sudah saatnya
seroja kambang gemilang mulia
diparsunting oleh sang panguasa
jadilah ia permaisuri raja

bunga seroja kambang pagi
mandingur arum....
siapa mancium
banyak kumbang nang datang
handak ma isap madunya

malang...seroja
bunga mu kada batahan lama
arum mu gin satumat haja
larilah sang kumbang
ke hujung sana desa
kerana...
ada bunga tanjung nang
labih perona
labih arum baunya

abe....

by Sponsored content

Ulasan Puisi

Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi

Re: Ulasan Puisi