Jujur VS Kada Jujur

Suatu malam, saikung Utoh awan kawan babininya kaluar matan hotel
balaluan singgah di restoran nang ta’andak dibawah hotel ninto, manukar
lima himpil hayam basanga awan dua butul banyu orin. Imbah manukar, Utoh awan kawan babininya tulak ka taman handak mahantus di bawah
sinar rangbulan yang rumantis. Kutika mambuka pundutan hayam basanga Utoh takajut takalipik.. bukannya hayam di dalam pundutan tutih tapi
tapahurup awan duit hasil dari jualan restoran sabanyak RM1000. Utoh
basadinan mambulik’akan duit kanu tuanpunya restoran salajur mainta hayam basanga
yang ditukarnya tadih.

Tuan punya restoran:
Marasa kagum atas kajujuran si Utoh... tarus batakun ngaranya
balaluan handak manalipun wartawan Metro awan TV3 supaya maulah kisah
nilai kajujuran dan moral saikung pamuda yang akan manjadi tauladan kapada
urang lain!

Utoh:
Kada hakun mambarie ngaran juha kada rigi di tamuramah "Ulun tangah
lapar nih....kawan ulun mahadang di Taman...ulun kada handak nang lain
kacawali hayam basanga tuto pang" jar

Tuan punya restoran:
Sasain kagum atas sikap si Utoh yang marandah diri.. tarus mainta
di izin’akan mancarita’akan kajadian ninto tih kanu wartawan.

Utoh:
Sarik gagarunum bamamai kada hakun di tamuramah juha kada hakun mamadah'akan
ngarannya.

Tuan punya Restoran:
"Ulun kada paham, ikam adalah saikung-ikungnya Utoh paling jujur di
tangah dunia yang kada jujur nih! Nia am wayahnya kasampatan yang baik
hagan mamadah'akan kanu dunia bahawa masih ada orang-orang jujur yang
hakun bakalakon bujur mambulik’akan duit nang tapahurup tutih... Ulun
mainta disambat ngaran ikam juha ngaran kawan ikam ninto" jar

Utoh:
"Nang sabujurnya ulun lah manusia yang PALING KADA JUJUR" ujarnya
batarus tarang.

Tuan punya Restoran:
Takajut tarus manyambat "Aaiii hanyar’am tadih buktinya kajujur’an ikam"

Utoh:
"Ulun sabujurnya kada jujur awan bini ulun....ulun hudah manipu bini
ulun ... babini tadih sabujurnya kakasih ulun.... pariannya disiar’akan
di surat habar sudah tantu’ai ulun tapahual awan bini ulun... juha
pacang tumbar bagigiran tupang di AB,AM awan di Chat Kulaan " jar

Tuan punya Restoran: !!! (dalam hati – jujur tahi palat napa’an nia !)