Re: MUZIK GHAZAL JOHOR

by **hasbima@abe** Thu Aug 13, 2009 2:43 pm

*ROSMAH* wrote:

Amun handak mahadangi kak ros ba nyanyi ghazal mungkin lambat lagi..

Jadi kak ros buatakan lagu Puteri Ledang nyanyian guru kak ros S.A.Aishah..

Pa mulaan umpat kumpulan ghazal, kak ros kada bisak manyanyiakan lagu2 ghazal.

Nang kak ros bisak nyanyi lagu2 asli,langgam,joget,zapin,dangdut,chacha,hindustan wan lagu2 moden haja..

Arwah kak Esah ni lah nang malajari kayapa handak manyanyiakan lagu2 ghazal wan lagu2 asli di ghazalakan..

S.A aishah ni urang jawa ka kak ros

by ***ROSMAH*** Thu Aug 13, 2009 2:55 pm

Kak Esah ni orang melayu biasa, laki nya dahulu kastam tapi dah lawas pencen, orang hiyau ngaran nya Pak Sheikh..
Cucu2 kak Esah ni banyak nang minat ghazal, kumpulannya dahulu top di JB, Ghazal Remaja Daya Tebrau.. Ada nang halui main peti harmoniam wayah nang nenek nyanyi Puteri Ledang tu cucu kak Esah, si Uda.. Wahini ganalan hudah, masukkan balajar di ASWARA, antara nya Sabihah Wahid nang suah jadi johan asli wan johan klasik nasional.

by **dragon** Thu Aug 13, 2009 4:31 pm

paraya!!!

kaina bagazal
tagal makai yg kada karuan pulang...

by **dragon** Fri Aug 14, 2009 12:18 am

dah tatawa hahaha
lagi maw tanya

Sad

by ***ROSMAH*** Fri Aug 21, 2009 12:28 pm

Gambar ni wayah manyanyi di Pulau Besar, Mersing..
Gambar 12 tahun lapas..

by ***ROSMAH*** Fri Aug 21, 2009 12:39 pm

Mana ada waw?
Nang di subalah kiwa tu anak kawan main marakas, imbah tu anak kak ros (cucu imoh) main tambrin, nang pinggir sakali laki kak ros tangah duduk tapi di balakang nya ada orang duduk mambalakang..

by **hasbima@abe** Fri Aug 21, 2009 1:59 pm

lagu ghazal pakai jean balubuhan lintuhut
talingga basubang....hidung batindik
kadak rasuk luko leh

by ***ROSMAH*** Fri Aug 21, 2009 2:43 pm

Ini gambar penyanyi ghazal kak ros ngaran Akhmal, masuk pertandingan keroncong awan pertandingan ghazal gasan ba tawakalan mancari duit handak masuk ke Universiti Sains Penang.

Kak ros jadiakan Akhmal ni anak angkat, tatamuk pamulaan wayah ghazal kakanakkan remaja Batu Pahat halui2 lagi, Amin nang main peti harmonium gin hanyar tingkatan 2, pagunai lagi gagayagap mamicik mata peti harmonium, Alip nang main violin gin kada ruhui lagi gayatan nya! masih sumbang lagi, mangarung bunyi nya he.. Akhmal hanyar balajar2 lagu ghazal, lagu ghazal *Bukit Kesenangan* hudah bisak tapi lagu * Bukit Kepong* pagunai lagi tanggalam timbul mangalun, balum yakin bangat!

Kak ros handak mancaritakan kisah Akhmal nang ba cari duit gasan sango' ka USM..
Kak ros dapat tahu Amal (ngaran hiyauan hari2 Akhmal) ni orang susah, ba ganak di Tongkang Pecah, Batu Pahat. Umak nya gawik kilang, rumah ka ganaan gin manyewa, Amal ni anak sulung wan ada lagi dua ading lalaki. Bahanuk nenek nya nang ba surah banjar di rumah ada ba ganak di rumah nya, nenek nya tu umpat ba ganak anu anak2. Umak Amal tu bukan nya janda tapi nang kak ros dangar carita, bapa nya polis di KL, hudah kawin lain! tu nang kada mahirani ka anak2 bini tuhak! bila kak ros takuni Amal, inya kada mau ba carita, ujar nya amun bapak nya bulik sa kali2 inya ba kalahi! bapak kada ba tanggung jawab ujar nya, lapas tangan maninggalakan bini wan anak2.

Kak ros nang maminanduakan Amal ni awan anak kak ros si Cucu Imoh (Faiz). Jadilah nang ba dua ninto kawan baik, tulak ma unjun ka sungai, tasik, empangan gin ba dua wan mambawai jua kakawanan masing2. Ba karaoke ba dua lagu Ghazal untuk Rabiah.. Imbah STPM Amal ba gawik kilang, amun kada ba gawik inya aur di umah kak ros atau di kg.kami haja. Rumah nya halui,dah tu panas kada ba siling! kasian kak ros malihat, amun di rumah kami marinuk guring kada ingat bangun.

Bila dapat surat tawaran masuk universiti, Amal kada handak tulak! kadada ba modal ujar nya. Nang umak manyambat, amun handak masuk ka universiti cari duit modal saurang. Kak ros awan Alip memujuk suruh masuk jua lah, rajaki ada di mana2 ujar kak ros.. Amun hudah dapat duit PTPTN kada jadi masaalah lagi, ni handak mamodali pahadangan dapat pinjaman tu nang masaalah nya.
Tamadakan nya wayah itu ada pertandingan ghazal awan keroncong anjuran Yayasan Warisan Johor. Kak ros suruh Amal masuk sa tiap ketegori nang hingkat di masuki nya. Jadi Amal masuk jadi penyanyi ghazal ketegori remaja, ketegori Keroncong ba kumpulan umpat kumpulan Keroncong Majlis Dearah Batu Pahat wan masuk jua keroncong terbuka solo (perseorangan). Sayang amun suara lamak merdu tu kada di manafaatakan! Tapi nang umak memang kada mambariakan Amal nia masuk pertandingan manyanyi, tu nang ba raranaian haja jangan sampai nang umak tahu.

Wayah rehearsal wan saringan memang kak ros nang manunggu'ik awan Alip, jadi pemberi samangat! amun kada kaluko inya bulik. Kak ros usahakan apa nang patut gasan suara wan rupa nya supaya orang wan pengadil suka malihat wan mandangar suara nya. Orang2 di dewan wan pertandingan tu manyangka kak ros ni umak Amal, kak ros hi'eh kan nai he..
Kak ros duduk di hadapan haja bila Amal ba nyanyi, jadi bila Amal malihat kak ros ada haja, inya manyanyi penuh parasaan! sa habis usaha, mambari maras! asa garabakkan banyu mata bila malihat inya manyanyi. Bila dapat masuk akhir pertandingan keroncong, Amal handak ma injam baju kemeja batik andih anak kak ros! tapi kak ros tukarakan baju batik nang pugak. Gasan muzik keroncong ba kumpulan memang di injami orang baju kot, ghazal pakai baju melayu haja. Kasut hirang kulit,laki kak ros unjuki kasut kerajaan, nasib baik sama saiz..

Rajaki Amal rupa nya.. Ghazal remaja dapat naib johan, hadiah rm dua ribu tapi ba bagi2 lah sa kumpulan. Keroncongan ba kumpulan gin dapat naib johan, rm dua ribu jua ba bagi2, nang juara kumpulan ading ba ading Noraniza Idris, Kluang. Keroncong solo Amal dapat no.3, kalah anu bibinian! no.1 awan no.2 babini. No.3 gin dapat hadiah rm sa ribu. Amun di kumpulakan duit ghazal dapat lah bahagian sako dalam rm 250, kumpulan keroncong dapat jua bahagian dalam rm 250, jadi amun di campurakan awan duit keroncong solo nang sa ribu ninto dapat lah samuaan rm1500! jadiam cukupai gasan modal tulak ka USM Penang.
Barang2 keperluan masuk Universiti macam baju2 salawar,cadar2 wan bantal, tuala, salimut wan sa raba nya nang parlu kak ros awan laki kak ros sponsor tapi samuaan tu di rahsiakan nya dari nang umak, takutan luko nang umak sariki sebab nang umak memang kada mambariakan masuk USM ninto amun kada ba duit.

Wahini Akhmal dah habis balajar di USM,Penang bulan mei lapas, jurusan seni halus.. Bagawi di syarikat swasta di Muar, ari tu ada manalipon kak ros ba takun bila bulik ka Batu Pahat! sunyi jar nya, handak ma unjun kada ba kawan wan handak ba ghazal, kakawanan hudah habis tulakan balajaran. Bila anak kak ros bulik kg.ari tu, Amal gin umpat jua bulik kg.

Dari awal kak ros ba pasan anu Amal, ubah nasib umak wan ading2! bantu umak awan ading2 amun inya dah bagawik kaina.. Kak ros cukup lah di tagur amun tatamuk di jalan jadiam! Kak ros puas hati dapat manolongi anak banjar nang nia mancapai cita2 nya..
Alhamdulillah..

by **hasbima@abe** Fri Aug 21, 2009 4:45 pm

saham akhirat tu kak ros
kada putus....
budi nang baik tatap dibalas baik
mun urang malupakan...allah nang mambalasi
asa bangga dan tarharu awan sikap kak ros

by utoh-Q8 Fri Aug 21, 2009 7:37 pm

Salam nu Kak Ros

He ih kaya ito lah kisah nya ye... aku ni sekadar membaca cerita andika je

by ***ROSMAH*** Sat Aug 22, 2009 9:06 am

Nang manggayat violin dalam gambar nia ngaran nya Angah, banjar jua, orang Yong Peng, umak nya banjar Pontian, Johor..

Angah ni bisak main gitar wan gambus, inya ni balajar sampai SPM jua, bila kak ros takuni "kanapa kada sambung balajar lagi" Jawab nya " tak ada modal la cik ros!"..
Kak ros suah tulak ka rumah nya ma atari borang hagan gawian, ba ganak di rumah murah tapi kak ros kada tahu jua samada rumah surang atau manyewa.

Suah jua kak ros awan Alip manyuruh Angah ni masuk ASWARA tapi jawab nya, kada ba modal wan bapa nya kada mampu tih pang..

Angah ni gawian gin kada manantu, lacung sana lacung sini! amun gawian ta sanang sikit ta lawasi ba gawik di situ.
Anak kak ros tolongi'ai jua ma isi'ik borang SPA di internet, mudah2an dapat! InsyALLAH.
Sambil ba gawik Angah sawat haja jua mancari duit tambahan awan mangini'ik Yayasan Warisan Johor ma olah show amun Yayasan Warisan Johor ka kurangan orang gitar atau gambus.
Kak ros kada sawat handak manolongi banjar nang surang nih, lagi pun wayah tu kami gin ka palipitan duit jua! anak ba dua di universiti nang handak di modali. Kasian Angah, kawan2 habis tulakkan balajaran! inya makaam, umur nang sa patut nya pagun haja balajar tapi inya hudah ba gawik manolongi kuitan.

Nang main gambus intang tihang tu, Azis pamain tabla dari kumpulan Sri Muar,dari Pagoh, Muar. Kak ros karap ma injam inya amun ada show kastam, Dahulu anak kak ros Cucu Imoh tu nang main tabla tapi imbah tu anak kak ros tu rame' jadi penyanyi pulang wahini. Tapi amun imbah ba nyanyi sa rajin tu anak kak ros tu ba undur ka balakang main tabla pulang, si Azis tabla tu main rebana. Bila giliran nya manyanyi sampai, ba kisut pulang ka hadapan he.. Baik jua orang ba ghazal ba dudukkan haja, jadi hingkat ba kisut, ba undur ba mara. Azis ni bujang, umur parak ma 30 tahun, sama sa guru awan kakanakkan ghazal kak ros, tu nang ngam bangat sa barataan.

by ***ROSMAH*** Fri Sep 04, 2009 4:49 am

Hari raya kaina kak ros handak mangumpulakan anak2 ghazal kak ros nang ta hambur balajaran ka negeri orang supaya ba raya di kg.kami.

Lawas kada ba ghazalan, tantu ada nang hudah kaganangan handak mahantak tabla, manggayat violin, manggitar, mamanting manggambus, ma orak2 peti harmonium wan nang kada katahanan lagi handak ma alun suara! manyumbang atau di sumbangakan..

by ***ROSMAH*** Fri Sep 04, 2009 3:31 pm