KISAH-KISAH BANJAR

Atong wrote:orang mon sakit nak beubat

kadak kira hukum lagik


~Atong~meilak meulah 7 dosa ganal

banaran niat handak baobat
jangan niat handak sadap

Sajarah Urang Banjar

Ujar sajarah, urang Banjar tu asalnya tumat Karajaan Sriwijaya. Wayah
Karajaan Sriwijaya runtuh akibat disarbu dua kali (tahun 1024 &
1030) ulih Karajaan Colamandala dari Srilanka, maungsian bubuhan
padatuan kita ka arah Timur sampai tadapat sungai ganal (Barito) lalu
sidin-sidin susuri sampai ka hulunya. Ini bangsa Banjar nang panambaian
jar. Paungsian ini bagamatan tarjadinya sapanjang abad ka-11 Miladiah.

Lalu
tumat itu, padatuan kita bahari tu mandiriakan karajaan di Nagara Dipa
(wayah ini Margasari ngarannya). Karajaan di Nagara Dipa ini
dipindahakan ibukotanya ka Nagara Daha (wayah ini Nagara ngarannya) di
wayah kakuasaan Maharaja Sari Kaburangan. Sampai ka zaman Maharaja
Sukarama, timbul sulisih paham di kalangan bangsawan ulih sabab sidin
kadida bapawaris tahta. Maharaja Sukarama sabalum maninggal sabujurnya
sawat bapasan supaya Pangiran Samudera nang masih kakanakan dijadiakan
pengganti sidin, tapi Pangiran Tumanggung kada rila, kada hakun
manarima wasiat sidin nangitu. Pangiran Tumanggung naik tahta
bapaksaan, lalu gasan manguatakan tahtanya, Pangiran Tumanggung baniat
membunuh Pangiran Samudera, tagal Pangiran Samudera disambunyiakan ulih
Mahapatih Arya Taranggana, lalu dilarutakan bajukung saurangan, hatta
larutlah Pangeran Samudera ini sampai ka Sungai Kuin, lalu
disalamatakan ulih urang Kuin, diharagu ulih Patih Masih nang jadi
tatuha kampung di situ. Kampung Kuin bahari tu digalari ulih urang
Dayak "Bandar Masih" artinya "Kotanya Urang Melayu" (Oloh Masih = Urang
Melayu).

Pangiran Samudera ini limbah ganal dirajaakan oleh
urang Kuin. Karajaan halus inilah nang jadi cikal bakal Karajaan
Banjar. Sidin mamimpin parlawanan malawan Karajaan Daha. Karajaan Demak
di Jawa umpat mambantu bubuhan Pangiran Samudera tagal basyarat bahwa
sidin harus masuk Islam. Lalu baislamlah Pangiran Samudera (limbah tu
sidin baganti ngaran jadi Pangiran Suriansyah), diumpati bubuhan di
sakuliling sidin, lalu diumpati jua ulih urang sabanjaran.

Pada
tanggal 16 Saptimbir 1526, pacahlah perang Banjar - Daha nang
dimanangakan ulih Banjar. Karajaan Banjar disatuakan lawan Karajaan
Daha manjadi Kasultanan Banjar.

Kasultanan Banjar bajaya
sampai 300 tahun, sampai di tahun 1862 dihapusakan sacara sepihak ulih
Walanda. Inilah titik awal Perang Banjar nang balangsung sampai tahun
1905, dipimpin ulih Pangeran Antasari wan Pangeran Hidayatullah. Di
wayah Perang Banjar inilah banyak padatuan kita nang maungsi
kamana-mana. Ada nang maungsi ke Tembilahan (Riau), Perak (Malaysia)
bahkan banyak jua nang ka tanah suci, salajur bahaji kada babulikan
lagi ka banua.




Ma copy matan posting AngahMiji