Mancuba Maulah PANTUN Loghat BANJAR

hjoreezhanna wrote:patang2 batagar nasi
nasi dimakan bini laki
gendang gandut tali kacapi
kanyang parut sukahati

(pantun apa ni????)

Tarima kasih, Hjoreezhanna mancuba pantun surah Banjar...

Asa kapinjin juha manyurung pantun!
Manjual haja nih..

Urik-Urik tumbuh dirakun,
Tumbuhnya di balam bika,
Jangan sarik ulun batakun,
Babulu kah..... ( anu ) andika !!!



'anu' tutih pada klatiyak banarhaja..
Kada'ah kalain angapanya!

umai kalikir!!!!

macal nyak

ngeh ngeh ngeh




~Atong~nak kena lesing nei

kalikir wrote:Asa kapinjin juha manyurung pantun!
Manjual haja nih..

Urik-Urik tumbuh dirakun,
Tumbuhnya di balam bika,
Jangan sarik ulun batakun,
Babulu kah..... ( anu ) andika !!!



'anu' tutih pada klatiyak banarhaja..
Kada'ah kalain angapanya!

Tulak balalah ka Inderaloka
Menyewa hotel awan amoi
Umai purunnya pantun andika
Handak manjawab asa himoi

Lawas ulun kada bapantunan, lawas kada babuat.
Rasa giank (kahahandakan) jua...

Banyu liur di palit ka pipi,
Karja urang kurang waras;
Amun handak rasa dihargai,
Jangan batinggi basuara karas.

urangbahari wrote:Lawas ulun kada bapantunan, lawas kada babuat.
Rasa giank (kahahandakan) jua...

Banyu liur di palit ka pipi,
Karja urang kurang waras;
Amun handak rasa dihargai,
Jangan batinggi basuara karas.

amun diri handak dipandang
jangan sombong jangan baunggah
jangan maniggi basuara lantang
awan urang ramah tamah

nasib baik timbul sabut
niyur lapah dibuang jangan
amun basurah lamah lambut
hati dingin asa karindangan

buah macang buah kulibik
kuini juak ditireng orang
besurah lamah pehatian lembik
lukok awak dijajak orang!!!

diyang bakutong manutop rambut
basalubung pulang awan kain
amun basurah lamah lambut
santiasa manghurmati urang lain

manggangan puyo awan susupan
mambanam kali di atas atang
basurah lambut awan basupan
tegas baprinsip dihurmati urang

tulak badadah ka parit limambut
jangan lupa mambawa rantang
mun basurah nang lamah lambut
kadada juha urang malarang

Pantun Banjar ampat karat wan dua rangkap.
Ulun kada bisa tapi mancuba..


Rangkap satu:

Manukar rukok bakatun-katun,
Gasan dibawa aruh di hilir;
Takurihing disangka handak batakun,
Rupanya bisu kada tahu bapandir.

Si Palui manginum teh cair,
Bininya digampak tagugur di titi;
Bisa basurah tapi pangulir
Handak disambat barasa hati.

Handak tulak kapakan sari
taparuang awan angah Dolah
Maucap salam awan urangbahari
Andika damini napa diulah

Urangbahari mahambin galah,
Taparusuk di lubang galah patah;
Gawian banyak balum imbah,
Gawian baru datang manyasah.

Barilaan..

mancilang simata cacing
kada tahu sisarang warik
bila lawang bakancing
kada tahu siurang sarik

sakit awak ta ambung
tadapat mintuha lambung
jangan handak baliung
manulih kalainpun dah malayang kakayuh jukung

Pantun Banjar

Rangkap 1
Manangar rinjing manyanga mandai,
Mandai diulah dari tiwadak;
Urang bahari bukanlah pandai,
Saja-saja handak mambuat lawak.

Rangkap 2
Mandai diulah dari tiwadak,
Tiwadak masak rasanya manis;
Bajalan jauh kulir bamandak,
Takutan pacat hinggap di batis.

tulak ka kadai manukar lading
hagan magupas buah kuini
malihat urang duduk basanding
tarasa jua handak babini

buah macang buah kuini
maumpan hayam awan dadak
hati taringin handak babini
dalam paket duit takdak


handak babini kada baduit
taga balagak kaya juhara
urang kaya gin kada tarait
uyungannya bujang hampai ka tuha

Bulik patang tarus taguring,
Lalu tamimpi dijamba bibinian;
Urang harat suka takurihing,
Hurmat dijaga ingatan kawitan.

Amun sarik jangan ditahan,
Ikut pitua urang wayahini;
Nang tuha dirajini baparakan,
Nang anum dilakasi bacari bini.

Ilham tangah datang ni, jadi kana kawani wan lawani ABE, Atong, Didin Pangkala Raya (Banjarmasin)...

Amun handak baiya handak,
Jangan dijaja tapi kada jadi;
Daun kunyit awan daun pudak,
Nang mana satu kawan wadi.

Kayuh baimbai paniup samangat,
Amun maintai biar baranai;
Galuh Banjar bungas bangat,
Amun tatamu sanggupkah mangawai.

asam kuini diputik sanja
disimpan didalam kampil
amun diri handak bapara
jangan basupanan mangiau acil

amun mandadai silawar handap
jangan didadai dimuka rumah
amun si itay handak bahadap
jangan lalai diri basasarah

Ako'ai rami nya alih bapantunan..
Ulun nia kada tapi bisa..
U'umpatan banarai nih
Rasuk juakah !!

Di buati kawadah kaladi kamuna
Hagan bawaan baandah ka Jawa
Di pidarae hudah bamandi bunga
Karindangan magun manggandah jiwa

Barilaaan

Bunga padi di tanah Jawa
Lakas ditabas ulih tuannya
Amun magun karindangan jua
Dibawa bapara ka urang tuhanya

tulak ka masigit handak mahutbah
bulikannya singgah di kedai
amun hati sakit supan bapadah
nang kaya apa nasib si Itay

Tulak bagawe ka Putra Jaya
naik motokah Busu Aban
Parak hudah hari raya
Barapa ikung nyumbalih korban

Handak banar manireng Atong
Ujar balum kawin awan baanak
Raya haji bulikan ka Keratong
Asa rame batahagaan dangsanak

hayam jagau balum bataji
tamakan kapor aur bahiraan
ari jumahat raya haji
barilaan haja kita barataan