Re: BUKAN PANTUN BUKAN MADAH...PAPADAHAN

by **hasbima@abe** Tue Feb 16, 2010 8:55 pm

hanya sakadar bahuhulutan
juga sakadar bagagayaan
sahibar mandarasi bahasa kuitan
nang tahu bahabar mamadahakan
nang kada tahu balajar

jangan capat sarek atau maangap
cuma sakadar cakap dan sambat
amun kaubaran salalu hinggap
diwadah forum dan chat

by **dragon** Wed Feb 17, 2010 1:57 am

kada bapupur muha muring
aku asa handak guring...

by Amat Abon Wed Feb 17, 2010 6:57 pm

guring jgn kada guring

rahat guring kawan bakawad

potong pelan pelan

by **dragon** Wed Feb 17, 2010 9:52 pm

bakawad kada kira ari
magun kada puas ati
selagi pangkat jendral kada dimiliki
dalam guring gin magun mangapongi...

by didin Wed Feb 17, 2010 11:26 pm

sahari sauntai kata
lama lama manjadi berita
bauntung jua Dragon nia
pangkat naik bini baulit dihiga haja

by **dragon** Wed Feb 17, 2010 11:36 pm

bini dihiga guring hudah
mahadang lakinya luko bukah
amun baforum haja kada kisah
jangan sampai ka diang bamandah...

by didin Wed Feb 17, 2010 11:46 pm

bujur jua ujar andika
bakawad disasadangi haja
amun sudah bini dihiga
kada hingkat marayu janda

by **dragon** Wed Feb 17, 2010 11:56 pm

janda anum lalu dihiga
bakijim mata tatiring jua
bakawad kita hagan basuka-suka
jangan pulang ada nang marista...

by didin Thu Feb 18, 2010 12:00 am

dimapa hati kada marista
mun kada pacangan manang jua
jadi am umpat mambaca haja
syukur jua mun hingkat tatawa

by **dragon** Thu Feb 18, 2010 12:03 am

bunyi ilonnya ilah marajuk
nanti ku suruh si Icha mamujuk
urang tuha marajuk nampak buruk
tatawaan haja nang paruna, asanku....

by didin Thu Feb 18, 2010 12:13 am

dimapa jua handak marujuk
mun aturannya sudah dirasuk
kalu urang tuha sudah marajuk
kada cukup kambang gula handak diunjuk

by **dragon** Thu Feb 18, 2010 12:26 am

amun kambang gula gin kada mahu
kaipa lagi handak mamujuk
amun parak hingkat haja bahumu ku gusuk
tagal jauh, apakan dayaku...

by didin Thu Feb 18, 2010 7:04 am

maksud hati mamaluk gunung
apalah daya tanganku kutung
biarlah kulaan nang jadi untung
didin saurangan nang banasib buntung

by **Atong** Thu Feb 18, 2010 9:21 am

pindah kebukit beruntung

musti beruntung

apa habaq ler waksab sahabat gue

wagas jua kah

by **dragon** Thu Feb 18, 2010 11:38 am

waksab wahini aur haja
di dalam yahoogroup gin aur beniaga
apa nang dijualnya, aku kada kawa mambuka
luko failnya, formatnya pc ku dikda...

by **Atong** Thu Feb 18, 2010 12:01 pm

awor mencari duit

alhamdulillah

by **hasbima@abe** Sat Feb 20, 2010 11:56 pm

amun tangan handap
jangan mayuntan

amun fikiran handap
awak binasa

aman galah handap
kada hingkat mangait nyiur

amun langkah handap
jangan umpat lumba bukah

by didin Sun Feb 21, 2010 12:24 am

amun hati handak
silakan muntung baucap

amun tangan handak
silakan jari bakawad

amun kaki handak
silakan bajalan kabanua

amun talinga handak
silakan mandangar barita

amun muntung handak
silakan makan sakahandak

amun DIDIN handak
silakan inya malamar .....

by **hasbima@abe** Sun Feb 21, 2010 12:43 am

amun kada handak
1000 dalih

amun handak
1000 daya

amun handak mangurati janda
babaik awan anaknya

amun handak mangurati dara
babaik awan ayah umanya

amun handak manukar kalambu
jangan manukar kalambu cina

amun handak manukar basikar
jangan manukar basikar hindu

amun handak kawin janda
jangan kawin janda bangali

amun supan bapadah
kina dara diamabil urang

amun supan makan
parut lapar

amun supan batakun
sasat jalan

amun sasat dihujung jalan
bulik kapangkal jalan

by didin Sun Feb 21, 2010 12:50 am

Amun hati kada handak
jangan dipaksa

amun tangan kada handak
jangan baingkut

amun muntung kada handak
jangan baucap

amun didin kada handak
inya kada umpat bakawad

by **hasbima@abe** Sun Feb 21, 2010 1:04 am

amun didin kada handak
jangan dipaksa

amun didin handak
marahaja

amun didin suka
ambil ha

amun didin handak
kada manangat

amun didin rindu
sambat ha ngarannya

amun didin takurehing
tanda didin gembira

amun didin maunggut
tanda didin bermasaalah

amun didin baranai
ada nang didin sarik

amun didin tatawa
tanda rasi dan rasok

by didin Sun Feb 21, 2010 1:09 am

ha ha ha........kabibisaan bang Abe mangarang

jakanya awaq ni ulahan japang, mau pang rakai tapanggal 9 hudah,, napa mun bakawad bamamalaman, sasiang ari bagawik sambil bakawad jua, tapinya lantaran awaq ulahan Allah ta'ala jua , alhamdulillah taganang haja lawan inya matan banua,

by **hasbima@abe** Sun Feb 21, 2010 1:16 am

bukan mati
karana sumpahan

bukan hidup
karana doa

dari allah kita datang
kasitu pang kita bulik

alah bisa
karana biasa

umpama ular menyusur akar
bisanya kadakan tawar

umpama harimau manyimpan kuku

umpa ubi diam-diam berisi

baundur bukan takutan

bacakah bukan piragah wani

kada kalah amun mangalah

kada miskin mun banyak sadakah

by didin Sun Feb 21, 2010 1:54 am

han tiya jako,
kada miskin mun banyak sadakah
jadi MISKUN harus banyak basadakah
amun Miskun kada mau basadakah
jadi Miskin lantaran kada mau basadakah

by ~lampuyang~ Sun Feb 21, 2010 4:27 am

umpat mambaca haja dulu...kadada idea maulah nang kaya abe..heee

by Sponsored content