Banjar Kreatif : Cerita Jenaka - Jan 2010

Page 6 of 17 Previous  1 ... 5, 6, 7 ... 11 ... 17  Next

View previous topic View next topic Go down

Re: Banjar Kreatif : Cerita Jenaka - Jan 2010

Post by Atong on Sun Jan 17, 2010 9:05 pm

yang hujung to membarik tetawa:

"Sakian salasai" jah

ngeh ngeh ngeh

Atong
Mejar Jeneral
Mejar Jeneral

Posts : 8268
Points : 8310
Join date : 22/05/2009
Location : Alam Maya (Kuala Lumpur)

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Sun Jan 17, 2010 9:21 pm

abe mohon maandak semua cerdap hagan sanang
kulaan mambaca dan mambari markah

Cerdap 1.

Kak ros ba carita ba dahulu lah..
Tajuk nya....Bisul Pacah..
Carita nya..

Ada ujar, orang dua laki bini nia ba ganak di unjut pa hujung nya kampung.. Hidup kada'ah pati susah bangat, cukup makan pakai haja..
Nang bini mangidam anak pugaan.. Maka handak bangat makan di orang aruh! tuhuk mahadangi tapi kadada orang nang aruh2 jua..
Amun ada gin jauh di pahuluan sana, tia kada di saruani orang pulang..

Bilang asa ba liuran bangat hudah si Diang tutih handak bangat mangidam ampal hayam orang aruh. Bilang asa ta mimpi2, balelehan liur bila ta guring!!
"Mambari maras nya anak ulun di dalam parut nia alih, handak bangat makan hayam orang aruh" jar Diang sambil mamusut parut, ba lelehan banyu mata..

Bukan nya kada ta makan hayam ba kari olahan nang laki tapi handak nang di orang aruh jua ya'am, ngapatu'ai ngaran nya gin mangidam!!
Si Utoh laki nya Diang, bilang maras bangat malihat bini ungut2 di palatar hari2, bahanuk inda mamusut ka parut sambil mangasat ka mata! asa kikiliran banyu mata si Utoh malihat bini nang kaya'itu..

Bukan nya kada di masakakan hayam di rumah, paluh li'iran Utoh nginto mangari hayam gasan bini, kaluko bini handak masakkan orang lain sa lain masakkan saurang.. Tapi "kada sama awan masakkan di orang aruh jua" jar Diang..

Takutan jua si Utoh, maka jar orang tuhak2 amun bini mangidam handak makan ngapa nang di idamakan tapi kada dapat jua hampai baranak, kaina anak balelehan pang liur kada kakasatan, bajarujuhan di dagu hampai ka dada2, jimus baju! ujar haja'ah.. Maka anak pugaan, Utoh kadada pangalaman lagi pasal orang mangidam awan batianan nia, suah manalinga mandangar nang tuhak2 nya ba cacaritaan narai..

"Ngapa fikiran?" ujar Utoh dalam hati..
Kilip2 mata kada hingkat ta guring!!
Bini tih kada'ah ba tagih bangat tapi mambari maras banarai..
Amun idaman nang lain dapat haja Utoh cari'akan tapi nang sa uting nia ngalih bangat! amun kada mahadangi ada orang aruh makaam hanya ta dapat ampal hayam orang aruh!!

Suah jua Diang ba tagih burung balatuk kijang nang ba jambul habang jar!
Sa harianan Utoh ta indap2 di mana ada ta dangar burung balatuk ba bunyi lituk2 ba olah sarang, ka situ Utoh ma indap!
Tamadakkan nya ada ta itihi burung balatuk kijang ba jambul habang di hujung turehan Patuhak Adanan, bila burung tu mantipur tarabang mancari makanan, sadangai kakayukut Utoh manaiki pokok gatah tuhak, purakad nya haja bilang dua paragap ganal nya! pulut gatah hagan mamulut ada haja intang pinggang, di buat ka dalam ruasan buluh, di tali'ik di ikat ka pinggang..

Bilang ma hingngal jua Utoh manaiki hanyar sampai ka cikang gatah nang japuk, tampat burung balatuk nginto handak ba olah sarang! di itihi ka bawah bilang asa marawanai tapi kahandak bini kasayangan ninto, paksai di turutakan jua! Maka bini tutih tuhuk bangat manggariti huluk hanyar dapat di olah bini, anak dara pingitan idaman bujang sa kampungan jar..
Tagal inya ka ba untungan awan jodoh Utoh narai, maka di tampani Busu Anggut para'an Utoh! lagian Utoh ninto rajin ba gawik, rupa pulang lawa awan puputih nya.. Diang gin amun tatamu di orang ba karasminan bilang kada pajah mata ka anu Utoh pang jua! Jadi bila wakil bubuhan Utoh ba para', bilang ba tilambung Diang ka ungahan, lakas manyuruh nang bapa manampani he..

Di sambung carita tadi pulang..
Jadi di andaki oleh Utoh'ai pupulut burung nginto ba kulilingan cikang gatah japuk tadi! di lindungakan saikit di sasala daun2 gatah nang ba juntai dari dahan nang di atas..
Imbah luhur sadangai Utoh ma rukui ka sana pulang..
Ungah bangat Utoh bila malihat kakalupuk burung balatuk kijang ba jambul habang kana pulut nya, bilang asa kada purun kada jua manangkap tapi bini mangidam ya'am, di turutakani jua..
Sampai di rumah di siangi wan di masakiakan Utoh'ai, di sanga ( randang) haja jar Diang.. imbah tu di kilau Diang lingis hampai awan kakapala nya..
Tatawa Utoh bila Diang ba habar pada burung tutih kanangah sadap!
"Mahung inguh anai2" ujar Diang, burung balatuk memang makan anai2 wan serangga lain nya ya'am..

Suah jua Diang mangidam handak buburak awan hayam hutan laki, nginto nyaman haja utoh mancariakan! di higa rumah banyak haja buburak kura'akan ba bunyi, hayam hutan ada haja kadangaran ca'ru'utan ba bunyi di hujung kampung nya! pasang haja jarat tampat kalaluan buburak di tanah, amun bingkas ta jarinting pang! Hayam hutan di jarat awan di puluti haja jua, lagiam dapat dua laki bini..

Tapi nang sa uting nia pang nang ngalih bangat handak di ada'akan..
Tamadakkan nya patang ari khamis ada orang datang ba saruan, orang aruh ma haul jar di rumah nya Tukacil Amit, imbah maghrib panjang!!
Maka patang tu hujan haja sa patangan, imbah Isya' sadangai Utoh turun dari rumah mambawa payung, hujan paguni haja ba rebesan saikit.. Orang kada pati banyak nang datang, inya hujan luko! lagian ada orang aruh jua di kampung subalah tapi Utoh kada dapat saruan di situ, jauh dari rumah nya..

Utoh manggini'ik orang ba susurung, jadi lambat saikit makan. Sampai intang anu inya, imbaham kadada ba kawan makan sa idang! tu gin ada nang makan sa idang ba dua jua, hidangan labihan pada orang nang di anggar datang jar!
Jadi makanani Utoh saurangan sa idang, babaya' handak manyuap ka ganangan kilip2 mata bini, kaganangan pasan bini sa balum turun di tangga tadi " bawa'akan sa rihit barang ampal hayam orang aruh kaina" jar bini nya..
Jadi bila di itihi orang datang saruan inda lengah, sibuk manyuap nasi! Utoh "cupp'ai" ampal hayam masak habang ka dalam kupiah di atas kapala! Nahh!! luhai jar Utoh di dalam hati," pacang dapat mambawa'akan bulik ampal hagan bini".. Jadi imbah tu Utoh makanai nasi awan lauk2 lain nang ada..

Imbah tuntung orang aruh, utoh ba dadadasai ba salaman, ma ucapakan tarima kasih anu Tukacil Amit, handak lakas bulik ka rumah!
Sa kali nya Tukacil Amit ma rawa' " Nangapa nang ba lelehan di dahi pian tu Toh?" jar Din..
Ka ganangan ampal nang ada di atas kapala ta lindung di dalam kupiah nginto, "tantu nya kuah ampal nginto nang ba lelehan sako" jar hati Utoh!!
Daripada ba supanan baik cari ikhtiar manggaradauwik Pakacil Amit, fikir Utoh!!
Jadi lakasai Utoh manapuk ka dahi sambil piragan ta kajut " Nahikamam!! imbaham.. bisul ulun pacah Pakacil'ai" ujar Utoh sambil ba tikapan haja tangan di dahi, ba dadadas turun ka tangga, mangincang! ma ngunyur ba ampah bulik ka rumah.. Kada kaganangan lagi payung nang ba sangkut di higa palatar Pakacil Amit..
Uling2 kapala Pakacil Amit malihat Utoh, " Mambari maras nya! rinyut2 tai sako kapala Utoh nginto" ujar hiden di dalam hati..


Cerdap ke 2. Auma

Baharap di Tahun Hanyar

Dah parak 6 tahun si Diang Paruna (DP) wan Utuh Macho kawin. Syukur Alhamdulillah, dah dapat badua anak. Pasangan anum ni dua dua bagawi dan dah mali rumah saurang di pinggir Kota Ganal.

Si DP basukor bangat hidupnya sanang bangat kalau di banding wayah badiam di Ban 4 Wilayah Unjut bahari . Cuman ia heran jua napa kah tih lakinya aur kada paingatan bangat wayah ni. 'Awak anum haja lagi' fikir DP dalam hati.

Arini imbah basasimpun ia talihat sampul surat warna ungu di atas meja. Surat apa pulang yang ngini lain jer kaliatannya" fikir si DP tarus mambuka enbelop. Kaini isi surat toh.


>>>>>>>>>>>>>>>>>>>>>>>>>>>>>>>

Kehadapan DP bini kesayanganko,

Sepanjangan tahun 2009, abang telah cuba handak bersama (handak yang tu lah ) dengan ayang sebanyak 365 kali, pukul rata sekali sahari. Taga banyak kali jawapan negatib. Abang dah catat alasan- alasan ayang awan sabab-sabab lain pemerhatian abang ilah di bawah:

1. Salah ari...........................................28 kali
2. Takotan kanakan ilan............. ............19 kali
3. Ari hangat bangat..............................18
4. Awak uyuh....................................... 20
5. Malam bangat dah ............................20
6. Awal bangat lagi............................... 10
7. Piragah guring (hmm,,abang tau)........ 55
8. Lalungkang tabuka............................. 5
9. Sakit belakang, sakit gigi................... 15
10.Tak ade mood ................................10
11. Anak manangis ..............................40
12. Hanyar maandak facial mask ...........10
13. Kulaan guring bilek subalah .............10
14. Dah ngantuk banar.........................20
15. Hingkatkah abang fikir banda lain?... 60 kali

Jumlah .........................................355 kali


Rekod 10 nginto..... bukan rekod perfect 10 . Jadi, abang baharap bangat lah di tahun hanyar 2010 rekod kita hingkat di baiki.

Yang berharap


..............................
(Suami mu Utuh Macho)



Cerdap ke 3 - Kelikir

HUNDANG LAKI HUNDANG BINI

Ijam ngaran bujurnya Masjam mambawa nang bini awan anaknya bagana di rumah puga di panghujung kampong Pt. Hj. Dullah. Nang bini bangaran Sapiah. Anak lalaki tunggal ulihan laki bini nia bangaran Sani hudah baumur sawalas tahun. Kurus pancau tapi pintar.

Satidanya baulah rumah hanyar ya'am, kada tapi samparaka'ai. Jalan baampah karumah Ijam nia basubalah awan parit. Jalan babatu habang, magun kada tapi rata bilang papak awan lulupakan.


Hari ini hari Sabtu 23/12/1059.
Ijam laki bini kada kawa manureh. Hujan magun haja garabakan. Bapandiran dimuhara lawang kalikikan tatawa sambil bakikibitan. Si Sani umpat juha barabah disubalah. Talalu bahimat bapusut bakikibitan tutih imbaham asa mandalinding. Babisik Ijam kanu yang bini...

Ijam: "Abang asa lain macam nih, ayupang ka katilan"

Saripah: "Nang saikung nintu pang dimapaam" sambil curing muntung maampah'akan kanu yang anak.

Taranai satumat Ijam. 'dimapaam handak mahandar si Sani nia' jar dalam hati. Kada lawas bangun Ijam baampah ka lamari maambil duit lima kupang balaluan manjulung kanu nang anak, manyuruh kakadai haraguan ikan dll. Jauh juha andaknya kadai tutih. Tulak awan bulik sako labih manangah jam.. malaran juha.

Ijam: "tukar'akan abah hundang hidup dua ikung, laki awan bini, pilih nang ganalnya kakaya ibu jariji"

Sani: "magun hujan nih bah'ai"

Mangunyur laju Saripah maambil tupi kulit 'koboi' intang tawing. Tupi nia tupi kasayangan Ijam. Tagal tutih pina ranai haja.

Saripah: "jin hak, wayah bulik kayina.. taduh'akan hulu ari" jar sambil mamurukakan tupi ka kapala sani.

Babaya turun haja Sani tutih ka palatar. Badadas'ai Ijam laki bini masuk ka bilik baampah kapaguringan. Bilang kada bapantang lagi pang. Bakarasmin bahimat. Ninto gin Sawat haja si Ijam bapandir batakun kanu yang bini.

Ijam: "Urang babini nia pariannya kanyamanan kayaapa alih muhanya"

Saripah
: "tahu juha, sako kapalanya tauling kakiwa kakanan pang" tarus manyambungi..

Saripah: "amun urang lalakian pang kaya apa" jar pina supan.

Ijam: "itihi sasingutnya gagarujut" jar

Imbaham kalikikan tatawaan. Pina kalalawasan marandam tutih Asa uyuh hudah Saripah balaluan manyambat..

Saripah: "lawas hudah barandaman.. hudah-hudah hak lagi"

Ijam: "bah maraha tarandam dilupak, kada pacang japuk juaha" sambil batungkas baasa.

Proputt tutt tut kadangaran kantot sang hangkuian di higa lawang bilik. Badadas Sani bukah ampah kalawang balaluan turun kapalatar.. badiri intang parak tangga. Pina habang miar'an muha Ijam awan nang bini mamaraki Sani.

Ijam: "Oohhhh bisa maindap pang hudah alih"

Sani: "Kada Bah'ai.. nih hanyaram sampai"

Kaatas kabawah Ijam maniring nang anak tutih. Diliat tupi kada basah. Baju silawar karing haja. 'bisa badusta pang hudah' jar dalam hati.

Ijam: "amun tulak manukar.. mana hundangnya" pina hangkoi suwara.

Sani: "wayah bukah hundang dalam plastik tadih kalapasan.. balaluan mancapil ka parit" jar takarucut bigi mata katakutanan.

Saripah: "amun bujar ikam manukar.. kayaapa kalakun hundang bini"

Sani: ranai satumat..imbahtu manyambat "kapalanya tauling kakiwa kakanan pang"

Nah hikamam asa mandirau, galudupan baancap jantung, asa sasak hinak Ijam laki bini. Balaluan manahapi batakun Ijam kanu nang anak.

Ijam: "hundang laki pang kaya'apa kalakunnya tih"

Sani: "sasingutnya gagarujut" jar pina gamat.

Basadinan habang muha Ijam. Kada karasaan mailai tangan sing kuatan manampar Sani. Madakannya Sani batunduk saikit. 'Kalapokk" Kana tupi 'koboi' malayang mancapir ka tanah tabuat ka lulupakan. Asa sayang ka tupi tutih.. bakuriak Saripah manyuruh nang anak manjatu.

Saripah: "Jin lakasi turun ambil kayina tarandam"

Sani: "bah maraha tarandam dilupak, kada pacang japuk juaha" sambil mangunyur masuk ka biliknya balaluan mangunci tumatan dalam.


Ijam & Saripah: kilip-kilip bigi mata %$*&^@$%^


Tammat.


Cerdap ke 4. Abe Hasbima

Ni.. giliran Abe pulang ma andak cardap
Umpat maadu nasip.

* Cardap nia hanyalah karadau awan karamput jua am. Kada tarait awan siapa-siapa samada nang masih hidup atawa nang hudah meninggal dunia. Ngaran dan tampat nang disambat gin rekaan nai jua..mun barsamaan tu hanya sakadar kabatulan.....

NGARAN CARDAP

UNTOI
Sambatan nang ampunya kisah....adalah saikung pamuda bangaran Untoi bagana di kampung Pulai Batabuk. Untoi nia bagana baduan jua awan nang umak. Urang-urang Kampong Pulai Batabuk manyambati nang umak Diyang Kirip.

Untoi tutih dingarani ka ito, tumatan halui kada suah mamakai saluar....mun dipakaikan saluar oleh nang umak dipaculnya....suka balanging ..pului-pului ..amun bajalan atawa babukahan tauntai-antoi pang 'anu' nya tu nang lakat dikiau Untoi. Nang umak pulang dikiau Diang Kirip sabab amun bapandiran awan urang atawa mandangar urang bapandiran kirip-kirip mata kaya urang kalimpanan...tu pang disambati urang Diang Kirip. Nang ayah di kiau urang Julak Aban hudah lawas maninggal dunia.



Maka Untoi pun samakin meningkat umur...kada suah sakolah, kada bisa mambaca, kada bisa manulis, kabatulan pulang si Untoi nia kurang incian" babungulan " saikit. Taga ada jua baiknya si Untoi nia, parajinan. Pantang disuruh basadinan pang balakas maulahi napa nang disuruhi urang. Jadi mudah jualah razaki dua baranak tutih. Ada lagi baiknya si Untoi nia rajin banar kaSurau basambahyang jamaah awan urang-urang kampong. Tagal ka itu pang manurut awan maniru-niru napa nang di parbuat urang...matan kada suah baistilah balajar.

Salalunya mun imbah sambahyang...Untoi pang dihahulut urang tuha atawa kakanak. Kaitu jua mun masa sambahyang barjamaah...acap pang kakanakan mahahulut Untoi...dijantik hintaluk kawan tu masa sajud, di tampar dikupiah samasa rukuk dan macam-macam lagi, tagal kada suah Untoi malawan...takurihing banarai si Untoi manampaikan giginya nang kuning...sabar-sabar jar Untoi dalam hati.



Imbah sambahyang maghrib ari tu,
Imam Haji Dolah managur Untoi..




" Ikam Untoi-ai mun rahat sambahyang tutih dituruti pang napa nang di ulah urang....urang takbir, ikam takbir, urang rukuk ikam rukuk , urang sujud ikam sujud...babacaan kaina andudi ako malajari " jar Imam Dolah
" He..ih Untoi maikut haja napa nang diulah urang " jar Untoi sambil maangok-angok..mujurnya kada tagugur kupiah hapak paninggalan arwah Julak Aban.




Kada lawas Bilal Asad gin bang macaluhung...tanda hudah masuk waktu Isyak. Ada nang masuk kasurau babaris disaf...ada nang ba-air kuluku hudah batal takantut. Untoi gin maambil jua air sambahyang. Manuruti..maniru pang parbuatan urang, urang mambasuh muha, ianya mambasuh muha, urang mambasuh tangan ianya mambasuh tangan, urang manyapu banyu dikapala, ianya manyapu jua..taga kupiah kada di pacul.....tu pang nang kupiah sasian hapak...dah lah hapak kuning pulang warnanya.
Bilal Asad gin qamat...Imam Dolah kahadap, nang lain babaris disaf...nang tuha-tuha di saf hadapan, Untoi disaf kadua...kakanakan disaf katiga.


Imam Dolah batakbir. mamabaca fatihah mambaca surah, rukuk, sujud...nang makmun gin maikut, manurut barataan..masa sujud ada kakanakan nang macal di balakang Untoi..dijapainya hintaluk Untoi, Untoi gin manjapai hintaluk urang nang dihadap, dijantik pulang hintaluk Untoi...dijantik jua hintaluk urang nang sujud dihadapan oleh Untoi....bah bilang kada karuan rasa urang nang di hadap..ditinjak nya kapala si Untoi..Untoi gin maninjak kapala kakanakan dibalakangnya saling kuatan...tadangsar kawan tu...pahau kuciak..tahalulung manangis...napang kana tinjak Untoi awan batis nang batumbal.




Bilang tumbar sasurauan..Sarik banar Imam Dolah awan Angah Laham nang kana jantik hantaluknya ka Untoi.

" Napa ikam bungul banar maodak urang tangah sumbahyang " jar Imam Dolah.






" Hintadik Imam manyambat..turuti haja napa nang diolah urang...dah kakanakan di balakang tu manjapai, manjantik hantaluk Untoi....Untoi gin maulah jua ka ito..ka urang dihadap" jar Untoi sambil takurihing....

Imam Dolah ranai kada sing ucapan, Angah Laham mandam kasarikan napang masih asa sangal hintaluk kana jantik si Untoi..jamaah lain barataan


Sakian haja.........

Abe...11. 01.2010


Cerdap ke 5 oleh Kacumbai

Ulun nia kada tapi bisa'ai bakisah..
Tagal handak umpat juha ba kasak manyurung cardap.
Kada apa-apa'ai.. singhaja manarai salajur malancari sambatan.

Nia kisah rumah tangga banarai.. ngaran nang di andak kada tarait awan
nang magun ada atawa sabaliknya.


KADAI RUTI

Arbain saikung laki nang pangulir. Imbah habis manureh balaluan’ai guring santak sampai kasanja. Tapintang tih amun ada carita rami di TV, ninto pang di hadap sampai tuntung. Kada kawa di hiras-hiras. Hanyar haja babini awan Diang bungas langkar bangaran Sakinah.

Sanja jumahat si Arbain tangah ralit maniring partampuran sipak bol di TV1. Nang bini Sainah mamaraki balaluan manyuruhakan manganti lampu di dapur awan di halaman rumah.

Sakinah: “ Bang, lampu didapur pajah.. tabakar luko’ kayaitu juha awan lampu di halaman rumah…ayuam di gantiakan”

Arbain: “Napanya mamasang lampu?!!.. ASAAN IKAM AKO NIA TNB KAH”

Sakinah: “Amun abang kada handak mahurupi lampu.. harumati pang paip banyu di singki dapur ninto.. banyunya babaya malilih, tasumpal luko”

Arbain: “ Maharumati paip napa garang.. ASAAN IKAM ULUN NI JABATAN BEKALAN BANYU KAH”

Sakinah: “Amun sarabanya kada hakun, maraha.. tapi amun abang tulak kakadai kayina, jangan kalumpanan manukar gas..puang hudah, esuk kada kawa bamasak”

Arbain: “inta mahap banyak-banyak..ASAAN IKAM ULUN NIA BAGAWI PETRONAS KAH”

Bah sarik banar Arbain tutih di aur-aur bininya. Gagarunum bamamai saurangan balaluan mamakai silawar baju mancipus mangunyur tulak karumah kakawanan bujang manyambungi maniring partampuran sipak bol. Habis sipak bol sambung pulang awan carita ‘Hawai 5 0’ imbahtu di salajurakan manumpang kakawanan bujang tutih maniring nang jar ‘pilam biru’ santak ka pukul 2.00 pagi hanyar bulik.

Sampai di halaman rumah, asa mandirau Arbain taitihi ada umbayang urang bukah ampah katagah. Lampu halaman nyarak banyala. Bagagamat Arbain mambuka kapiting lawang (ada haja babawaan) balaluan mangunyur tarus kadapur.. umai kancang galudupan jantung Arbain tatiring kapala paip baganti puga, banyu landas mancaluruk. Arbain takajut ganal wayah maangkat Tong Gas barat.. ‘nih tantu’ai hanyar baganti’ jar sambatan hatinya. ‘Tantu ada yang kada kana nih’ hatinya manyangka pulang.Lampu magun nyarak di bilik. Basadinan Arbain manunjul lawang…Ako’ayai tabuncalang mata Arbain maniring nang bini batapih dadaan..magun bapaluh liiran.. muha habang miar. Kada sadar basadinan mambihau ka nang bini..

Arbain: Awan siwara nang hangkui “ikam mainta ganie kanu siapa maharumati samuaan nia ??” jar sambil mancilingi nang bini.

Sakinah: “kayaini bang’ai.. wayah abang kaluar rumah patang tadih, ulun sadih bangat. Ulun manggarung mananggis intang halaman rumah.. Sakalinya ada saikung Utoh lalu. Utoh nintu bamandak balaluan batakun kanapa ulun mananggis..Ulun kisah’akan samuan. Awan rela juha ganal hati palian si Utoh hakun maharumati samuan tapi awan syarat”

Arbain: Asa kada sabar balaluan batakun “napanya syaratnya?” jar

Sakinah: “syaratnya si Utoh ninto manyuruh pilih diantara dua”

Arbain: “ayuam lakasi disambat napanya yang kadua-duanya ninto”

Sakinah: “pilih samaada handak maulah’akan ruti atawa main sex

Asa mandirau-dirau..pucat muha Arbain.. paluh halui kaluar bariti
di dahi.
Asa lamahan tulang awak..handak manyaman’akan hati tutih balaluan batakun bagagamat kanu nang bini.

Arbain: “Jadi ruti napanya yang ikam ulah’akan hagan Utoh ninto”

Sakinah: “MAULAH’AKAN RUTI…?!!... ASAAN ABANG, ULUN NIA KADAI RUTI KAH ?!!!

Arbain: kadap panjanak &^%$)*+%#^!!




Sakian salasai
Barilaan.




Cerdap ke 6...MSJ

Assalamualaikum...
Umpat mangaradau jua... kada kisahai amun kada bamarkah.. F9 ujer kami bahari SPM
asal umpatan jadiam.. manyuirung surah banjar jua...

kisah ni kada manguya sapa2 ah.. sahibar talintas di pikiran imbah ditulis.. ranai garutuk

Pangantin baru

Bahari di sauting Taman parumahan bagana dua laki bini nang hanyar kawin.. uma ai maka bahagianya amun ditiring kada hingkat di kuya2 lagi..
Saraba nya panglihatan bubuhan higa mahiga ramik pang.. bakikibitan, galahakan kaaraian amun patang2 di ambin rumah, ka upis samatukah, bulik sasamaan.. pariannya bahagia tu pang.Lawas jua kaitu nang laki ni rajinan haja manginie napa haja nang ulahan bini.. adat laki bini ujer.. bamasak sasamaan.. sampai lah batatapas, mandadai tatapasan tu tih di halaman.

Adai jua kakawanan managur kaanu nang laki.. kada supan kah ikam manginie bini sarabanya, sampai mandadai tatapasan dihalaman.. ditiringgi urang. Napa jawap hidin "kada ujer.. kan manginie bini ni baik haja.. disuruh Agama haja tolong manolong.. hehe
Kakawanan nang managur tu gin paasian haja.. surah hidin tu.. kaya malajari lah jua.. kamandakan pulang hidin tu suka haja kasurau masigit mandangar caramah agama.. tantu ai banyak ilmu.Nang bini gin karapai jua managur si laki tu kada payah ha ujer mandadai baju,salawar,tapih sarabanya amun imbah batatapas.. supan aku anu bubuhan higa mahiga ujer.. kaya mahulunakan laki ujer.
Kada jua maasi nang laki tu tih...

Kajadian tuhuk ditagur bini kada jua maasi.. ampih managur hijaakan haja.. sampai lah anak hudah badua batalo.. ganal ganal.. amun tatapasan ni sasain banyak.
Nang laki masihai kaitu rajinan haja.. kada baubah ubah.
Taparukui banar ujer kukulaan nang lain inya badua nih....
Umur nang laki hudah malima puluh.. nang bini kaitu ai jua parak lima puluh.. anak hudah ganalan tapi masihai kaitu.. nang laki tu rajin haja lagi.. amun cuti papagian hudah bangun basisimpun, basasapu ratik, manangar banyu,kapasar badua,sampai batatapas man dua jidar ayu ha...
Nang bini arai haja lakinya kaitu kada asa hirann lagi.. dah salawasan kaitu.. pariannya dari hanyar kawin sampai wahini ganalan hudah anak2.. ada nang hudah bagawe bujangan.. kada lawas baminantu sako.
Tapi arini imbah batatapas tu tih di hijaakan haja tatapasan kada badadai.. ai lain macam laki ku ni dalam hati bini.. kanapaan. Kada apalah mandadai ai bini tuh talah.
Sampai minggu hadap ari cuti pulang talah sarabanya nang laki tuh manginie macam2.. batatapas imbah jua tapi kada mandadai jua.. hiran bini.. asa mandirau darah ujer.

Dua talo kaitu bagagah hai nang bini tuh batakun anu nag laki...
"Napa bang ujer.. abang ni rajinan tarima kasih haja manginie aku dari halam sampai wahini.. kita dah tuha2 nih,anak hudah ganalan tapi aku asa hirannai napa wahini andika kadahandak lagi mandadai tatapasan di halaman, bubuhan karap batakun mana laki ikam ujer kada lagi kaluar mandadai tatapasan" garing kah
Nang laki ni ranai garutuk.. kada sing bunyian..
Nang bini asa muar jua luko.. asa panat jua napa mandadai tatapas nang bajidar2 tu.. tantan haja hari2.. bamamai gagarunum handak tahu napa jua sababnya.
Takajut nang bini sakali lakinya mambihau bakajutan...
Aku supan anu bubuhan sabalah manyubalah tu amun aku mandadai tatapasan wahini tahulah.. kurihingan kaya mawadada.. bapala banar
Napaan bang.. ujer nang bini
Napangada ah.. pasal nang sauting tu jua " sapinda ikam tuh samakin gubir"
Uma ai nang bini bilang taguling2 tatawa.. sampai babanyuan mata.. hanyar taingat awak samakin lamak.

mangaradau narai ah... barilaan

Msj



Samuaan ada 6 cerdap

1. Bisul pacah - Kak Ros
2. Hundang Laki Hundang Bini - Kelikir
3. Baharap di tahun hanyar - Auma
4. Untoi - Hasbima@abe
5. Kadai ruti - Kacumbai
6. Pangantin baru - Msj

Kulaan nang balum maundi ayuha..lakasi

amun tuan puan kada mambagi sokongan sapa pang lagi

undi hah nang mana suka

markah nang handak di bagi-i - tapulang pada dangsanak sunyaan

5 , 4 , 3 , 2 ,1

Abe bagi pihak nang batanding maucapkan babanyak tarima kasih pada nang hudah maundi dan pada nang akan maundi..

undi kada rahasia....

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by TantadukHabang on Mon Jan 18, 2010 11:00 am

Nah hikamam, salah ba-buat ngaran cardap achik hasbima...untoi rupanya. Sudah dibetulkan. Sorry Smile

Ayuhak ma-undi sapa2 yang belum ma-undi. Handak mancari cardapnya achik hasbima hudahm ma-andak. Di carta pun ada 'link' ke cardap2 yang bertanding.

TantadukHabang
Pegawai Waran II
Pegawai Waran II

Posts : 577
Points : 595
Join date : 08/11/2009
Age : 38
Location : D'balik Kayangan,Melaka

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Mon Jan 18, 2010 3:43 pm

Kulaan nang balum maundi ayuha..lakasi

amun tuan puan kada mambagi sokongan sapa pang lagi

undi hah nang mana suka

markah nang handak di bagi-i - tapulang pada dangsanak sunyaan

5 , 4 , 3 , 2 ,1

Sdri. Misha dah mengundi ke.....

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by mishaannur on Mon Jan 18, 2010 3:54 pm

balom la be...minik mun jadi juri neh....
sumaan nya mantop!

mishaannur
Mejar
Mejar

Posts : 1371
Points : 1392
Join date : 22/05/2009
Age : 40
Location : Kuala Lumpur,Malaysia

Back to top Go down

Re: Banjar Kreatif : Cerita Jenaka - Jan 2010

Post by mishaannur on Mon Jan 18, 2010 4:01 pm

huhuhuhu....UTOH MACHO....

mishaannur
Mejar
Mejar

Posts : 1371
Points : 1392
Join date : 22/05/2009
Age : 40
Location : Kuala Lumpur,Malaysia

Back to top Go down

Re: Banjar Kreatif : Cerita Jenaka - Jan 2010

Post by Atong on Mon Jan 18, 2010 4:10 pm

penyakkkkkk mantop

undi ler minah oiiii

Atong
Mejar Jeneral
Mejar Jeneral

Posts : 8268
Points : 8310
Join date : 22/05/2009
Location : Alam Maya (Kuala Lumpur)

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Mon Jan 18, 2010 4:20 pm

apa hal mis syok kat utoh macho ke

nang kada macho dihandak...maraha ikam.

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by Atong on Mon Jan 18, 2010 4:27 pm

cehhhh

mon hendak manchok jom ler

manchok hampalam

Atong
Mejar Jeneral
Mejar Jeneral

Posts : 8268
Points : 8310
Join date : 22/05/2009
Location : Alam Maya (Kuala Lumpur)

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Mon Jan 18, 2010 4:30 pm

han napatia

misha atong mambawa-i mamanchok

kada kacar kah liur

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by Kalikir on Mon Jan 18, 2010 4:54 pm

mishaannur wrote: huhuhuhu....UTOH MACHO....

Napa tih Misha..
Pinandukah awan Utoh Macho nia!!

Marasnyak'ai..
Amun dicampur-campur kikiraan alasan tutih
Tuntung satahun kada mancalap!

Bapala nang bini alih!!

Kalikir
Prebet

Posts : 20
Points : 21
Join date : 30/12/2009

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Mon Jan 18, 2010 5:01 pm

mau mainta fasah tu....

tumbar pejabat kadhi Gombak Timur

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by *ROSMAH* on Tue Jan 19, 2010 12:05 pm

Kak ros maras jua awan Utoh Manco nginto!!
Nang 10 hari tu gin balum tantu perfect sa penuh nya..
Ka tatahanan alih Utoh Manco ma arit, bilang ba tahunan puasa he..
Tu ngaran nya laki baikkan, penyayang, ba timbang rasa tapi saurang nang kada ta rasa..

*ROSMAH*
Mejar Jeneral
Mejar Jeneral

Posts : 6093
Points : 6137
Join date : 29/05/2009
Age : 59

Back to top Go down

Re: Banjar Kreatif : Cerita Jenaka - Jan 2010

Post by didin on Tue Jan 19, 2010 12:40 pm

INI HAGAN BATATAWAAN HAJA

KISAH AYAM BAHIRA



Harian itu Amang Maran sibuk banar betutukar paring. Kada alang-alang ma-nalu bica sidin maangkut paring.

Imbah tuntung manurunakan paring matan di bica, duduk ai sidin dipalataran, sambil mahirup banyu teh. Kaya jagung ganalnya paluh sidin, napa mun saurangan haja manggawinya.

Kada lawas datang minantu sidin nang bangaran Itab. Malihat mintuha duduk ka-uyuhan, ba-ucap ai si Itab merawa sidin.

“Banyaknya pang bah pian manukar paring, gasan apa?” ujar Itab.
“Tanang haja ikam Tab’ai, aku handak ba-ulah kurungan hayam” ujar Amang Maran.
“Tapi… napa banyak banar bah?” ujar Itab
“Rencanaku, barumahan ini handak kupagar sakulilingan, jadi kurungan hayam, nyaman hayamnya kada kaluar lagi, apa mauk banar hayamnya bahira kesana kemari” ujar Amang Maran menjelasakan wan Itab.

“Tapi bah ai,… biar pian kandang rapat barumahan ini, tatap ai bila hayamnya bahira keluar” ujar Itab.

“Kada mungkin”, ujar Amang Maran mangarasi. “Pagarnya ku-ulah rapat-rapat”, jar Amang Maran lagi.

“Mun hayam bahira kada kaluar, kaya apa’am bah?” ujar Itab.

Mendengar penjelasan Itab kaya itu, ma-hancap diambil sidin sandal gapit, lalu malipak ditawak’kan sidin kana balukuk Itab.

“binahung neneh , Dasar minantu kurang ajar”, jar Amang Maran sing sarikan

didin
Brigedier Jeneral
Brigedier Jeneral

Posts : 3388
Points : 3399
Join date : 21/10/2009
Age : 49
Location : Banjarmasin-Palangka Raya

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Tue Jan 19, 2010 8:15 pm

umpat tatawa mambaca carita didin

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by *ROSMAH* on Tue Jan 19, 2010 10:22 pm

didin wrote:INI HAGAN BATATAWAAN HAJA

KISAH AYAM BAHIRA



Harian itu Amang Maran sibuk banar betutukar paring. Kada alang-alang ma-nalu bica sidin maangkut paring.

Imbah tuntung manurunakan paring matan di bica, duduk ai sidin dipalataran, sambil mahirup banyu teh. Kaya jagung ganalnya paluh sidin, napa mun saurangan haja manggawinya.

Kada lawas datang minantu sidin nang bangaran Itab. Malihat mintuha duduk ka-uyuhan, ba-ucap ai si Itab merawa sidin.

“Banyaknya pang bah pian manukar paring, gasan apa?” ujar Itab.
“Tanang haja ikam Tab’ai, aku handak ba-ulah kurungan hayam” ujar Amang Maran.
“Tapi… napa banyak banar bah?” ujar Itab
“Rencanaku, barumahan ini handak kupagar sakulilingan, jadi kurungan hayam, nyaman hayamnya kada kaluar lagi, apa mauk banar hayamnya bahira kesana kemari” ujar Amang Maran menjelasakan wan Itab.

“Tapi bah ai,… biar pian kandang rapat barumahan ini, tatap ai bila hayamnya bahira keluar” ujar Itab.

“Kada mungkin”, ujar Amang Maran mangarasi. “Pagarnya ku-ulah rapat-rapat”, jar Amang Maran lagi.

“Mun hayam bahira kada kaluar, kaya apa’am bah?” ujar Itab.

Mendengar penjelasan Itab kaya itu, ma-hancap diambil sidin sandal gapit, lalu malipak ditawak’kan sidin kana balukuk Itab.

“binahung neneh , Dasar minantu kurang ajar”, jar Amang Maran sing sarikan

Umpat tatawa jua mambaca carita Didin he..
"Binahung" tu apa nya Didin?
Kada suah mandangar lagi orang ba mamai manyambat perkataan nginto he..

*ROSMAH*
Mejar Jeneral
Mejar Jeneral

Posts : 6093
Points : 6137
Join date : 29/05/2009
Age : 59

Back to top Go down

Re: Banjar Kreatif : Cerita Jenaka - Jan 2010

Post by hasbima@abe on Tue Jan 19, 2010 11:39 pm

Kulaan nang balum maundi ayuha..lakasi

amun tuan puan kada mambagi sokongan sapa pang lagi

undi hah nang mana suka

markah nang handak di bagi-i - tapulang pada dangsanak sunyaan

5 , 4 , 3 , 2 ,1

hasbima@abe
Leftenen Jeneral
Leftenen Jeneral

Posts : 15609
Points : 15721
Join date : 13/06/2009
Age : 55
Location : tamaloh

Back to top Go down

Re: Banjar Kreatif : Cerita Jenaka - Jan 2010

Post by dragon on Wed Jan 20, 2010 1:24 am

ni undiku

abe - 4

kacumbai - 1 (pasal suah bacas kisah ninto dalam basa malayo)

msj - 4

didin - 5++ (handap tagal padat)

dragon
Brigedier Jeneral
Brigedier Jeneral

Posts : 4129
Points : 4147
Join date : 15/06/2009
Age : 38
Location : Batu Pahat

Back to top Go down

Re: Banjar Kreatif : Cerita Jenaka - Jan 2010

Post by Atong on Wed Jan 20, 2010 8:26 am

ulon kepingin juak mehantar citer

mon kadak menanawakan citer

hangpa gelakkan gue jelah

Atong
Mejar Jeneral
Mejar Jeneral

Posts : 8268
Points : 8310
Join date : 22/05/2009
Location : Alam Maya (Kuala Lumpur)

Back to top Go down

Re: Banjar Kreatif : Cerita Jenaka - Jan 2010

Post by Atong on Wed Jan 20, 2010 8:36 am

kelumpanan meundik

gasan didin 3 Smile

Atong
Mejar Jeneral
Mejar Jeneral

Posts : 8268
Points : 8310
Join date : 22/05/2009
Location : Alam Maya (Kuala Lumpur)

Back to top Go down

Re: Banjar Kreatif : Cerita Jenaka - Jan 2010

Post by didin on Wed Jan 20, 2010 9:35 am

"BINAHUNG" itu nama binatang nang babau mahung ,kada nyaman banar tu pang baunya, amun tajapai tangan inya babau banar, bahanu ada haja hinggap dibaju, ganalnya nang kaya bilalang halui haja,

perkataan Binahung ada dalam film " Intan Mandulang Cinta"

didin
Brigedier Jeneral
Brigedier Jeneral

Posts : 3388
Points : 3399
Join date : 21/10/2009
Age : 49
Location : Banjarmasin-Palangka Raya

Back to top Go down

Re: Banjar Kreatif : Cerita Jenaka - Jan 2010

Post by mishaannur on Wed Jan 20, 2010 9:50 am

oooo....kaitokah...mun BINAROK...binatang babau harokkk....kuikuikui

mishaannur
Mejar
Mejar

Posts : 1371
Points : 1392
Join date : 22/05/2009
Age : 40
Location : Kuala Lumpur,Malaysia

Back to top Go down

Re: Banjar Kreatif : Cerita Jenaka - Jan 2010

Post by mishaannur on Wed Jan 20, 2010 9:51 am

sorry kulaan...bukan kada mau maundi...kada sawat lagi maca kasamua cerdap tuh....ada halangan hajak...sabar bahh

mishaannur
Mejar
Mejar

Posts : 1371
Points : 1392
Join date : 22/05/2009
Age : 40
Location : Kuala Lumpur,Malaysia

Back to top Go down

Re: Banjar Kreatif : Cerita Jenaka - Jan 2010

Post by Atong on Wed Jan 20, 2010 10:30 am

Tajuk: KEMBARA UTOH BANJAR

I

“Errggggggghhhh!!!!!”

Kayak guntur kuatnyak bunyi Ateng marigak, napang dua kali betambah nasik lauk ikan patin Tamaloh.

“Han patiak, bujur lah ujarku? Nyaman kadak gangan ikan patin?”rawa Abang Husni.

“Diulon Maggi kari latop juak yang nyaman. Ulon peragah banarai, makan banyak nayak mehurmati andika banarai!”

Bepala, ujar Husni dalam hati. Sabar, sabar , kena banyak sabar lawan orang anom nayak.

“Jadilah kita ke Batu Pahat?”

“Enggeh, jadik”

Harat banar mutukar Ateng nayak, makai Mercedes MacLaren Topless, fikir Husni dalam hati wayah meandak burit kekusyen. Mendibur mutukar singlajuan dideribak Ateng.

“Teng! Napang mutukar ikam nei kadak dikatup bumbungannyak? Tekababang rambut ulon, kureng hinsem kinak”

“Mon dikatup maka santok pang kepala ulon, mepaaa”

Aduss, sabor jelah bang.

“Berapa jam hanyar sampai kita nih?” Husni beugah ke topik pandiran laen.

“Amon ulon seorangan, serajin 2 jam hajak pang. Mon dengan andika 3 jam”

“Napang kayakito?”

“Kulihat andika makai jam tangan. Jadi campur jam tangan ulon dengan jam mutukar nayak makanya 3 jam pang!”

“Amun melalui Ayer Keroh kinak, garak ulon” jar Husni yang hudah bekijim mata. Kulir dah memandiri Ateng, awor kena hajak ulon ney jar Husni dalam hati.

“Bang! 2 km lagik sampai Ayer Keroh! Napang hendak singgah menuntiik Tuan Wow kah?”

“Kadak, bini ulon bepasan sampai Melaka kina dimakan nasik sanguan,hehehehe"

II

Mutukar deribaan Ateng memasuki jalan kampong kawasan Batu Pahat. 5 kali dah bekuliling kadak telihat juak parit yang jubong. Sunyaan parit surut hinggan lunok batis hajak, musim kemarau pang matannyak! Sampai ke satu simpang telihat sign board ‘Parit Jubong 10km’

“Kita betakon holok keorang di siyak, menahapi dahulu” bebunyi abang di higa.

“Andikak beranai hajak. Ulon hendak beperagah jadik omputeh, betakon surah omputeh, pa rasok ngan muhak ulon”

Di pinggir jalan tahaga saikong kekanak bebini.

“Bujurlah Parit Jubong ampah ke sana?”

Hieh

Tahaga pulang seikong bebini rahat duduk menjahit di tungkaran.

“Makcik, bujurlah Parit Jubong ampah ke sana?”

“Enggeh, tapi lain kali jangan hiau ulon makcik yer, ngaran ulon Kakak Irus”

Telihat seorang lelaki tuha rahat menyuban lunta. Ateng umpat parking, turun lalu betakon:

“Bujurlah Parit Jubong ampah ke sana?”

“Mandaran”

“Ulon musykil, 3 kali ulon betakon, 3 jawapan ulon dapat. Seikong nyambat ‘Hieh’, seikong nyambat ‘enggeh’, andika pulang nyambat ‘mandaran’. Mana satu yang bujur?” betakon pulang Ateng menahapi.

“Oooo, kayak ini. Yang menyambat ‘hieh’ tutih kekanak sekulah rendah, yang nyambat ‘enggeh’ ngintok tanto sekulah menengah pendidikannya to ai”

“Amun ‘mandaran’ pulang?”

“Amon ‘mandaran’ yaam to maknanya orang to bekas profesor universiti!”

“Makaseyy hajak, mon dinto maksudnya andika nayak berpendidikan tinggi?”

Hieh

III

Hari sesain landong, Ateng bedadas menderiba ampah ke Parit Jubong. Lambat kinak guringan pulang kewitan Sarimah, labar am.

Sretttttttttt!!!!Hangkoi bunyi brek mutukar Ateng. Sailak-ilak orang melintas teliung lalu teranjah tihang letrik. Kadap dunia setumat.

“Teng!!!!Ikam kadak apa-apa kah?”Abang Husni menguncang awak Ateng . Ganal bangat luka babau di tangan kiwa.

“Ulon okek! Adussss, mana tepulantengnyak jam Rolex ulon?” ujar Ateng sambil meitehi tangan kiwanyak.



(mon dapat hadiah kinak julong ka bapak ulon pasal hiden tolong meedit)


Last edited by Atong on Wed Jan 20, 2010 4:06 pm; edited 3 times in total

Atong
Mejar Jeneral
Mejar Jeneral

Posts : 8268
Points : 8310
Join date : 22/05/2009
Location : Alam Maya (Kuala Lumpur)

Back to top Go down

Re: Banjar Kreatif : Cerita Jenaka - Jan 2010

Post by waw on Wed Jan 20, 2010 10:51 am

Tahniah.......pandai jua Atong maulah cardap.

waw
Leftenen Jeneral
Leftenen Jeneral

Posts : 15974
Points : 16046
Join date : 23/05/2009
Location : di pinggir Selat Melaka

Back to top Go down

Re: Banjar Kreatif : Cerita Jenaka - Jan 2010

Post by Sponsored content Today at 7:53 pm


Sponsored content


Back to top Go down

Page 6 of 17 Previous  1 ... 5, 6, 7 ... 11 ... 17  Next

View previous topic View next topic Back to top


 
Permissions in this forum:
You cannot reply to topics in this forum